വിജയകരം

ചന്ദ്രയാന്‍ 3 ആഗസ്റ്റ് 23 ബുധന്‍ വൈകിട്ട് 6.03  ന്‌ ചന്ദ്രനില്‍ സോഫ്റ്റ് ലാന്‍ഡ് ചെയ്തു. ഇതിനുമുന്‍പു ചന്ദ്രനില്‍ ഇറങ്ങിയിട്ടുള്ള യുഎസ്, സോവിയറ്റ് യൂണിയന്‍, ചൈന എന്നീ രാജ്യങ്ങള്‍ക്കൊപ്പം ഇതോടെ ഇന്ത്യയുടെ പേരും എഴുതിച്ചേര്‍ക്കപ്പെട്ടു. ചന്ദ്രന്റെ ദക്ഷിണധ്രവത്തിൽ ലാൻഡ് ചെയ്യുന്ന ആദ്യ രാജ്യമായി ഇന്ത്യ.

വൈകിട്ട് 5.44 നു ചന്ദ്രോപരിതലത്തില്‍നിന്ന് ഏകദേശം 25 കിലോമീറ്റര്‍ ഉയരത്തില്‍ വച്ചാണ് ഇറങ്ങല്‍ പ്രക്രിയ തുടങ്ങിയത്. ലാന്‍ഡറിലെ 4 ത്രസ്റ്റര്‍ എന്‍ജിനുകള്‍ വേഗം കുറച്ചു സാവധാനം ഇറങ്ങാന്‍ സഹായിച്ചു. നാലു വര്‍ഷം മുമ്പ് അവസാനനിമിഷം കൈവിട്ട സ്വപ്‌നമാണ്‌ ഇസ്രോ ഇതോടെ കൈവരിച്ചത്..

തത്സമയം കാണാം – ആഗസ്റ്റ് 23 വൈകുന്നേരം 5.30

ഇനി മണിക്കൂറുകൾ മാത്രം

ചന്ദ്രയാൻ 3 ലാൻഡർ മൊഡ്യൂൾ ആഗസ്റ്റ് 20 രാവിലെ 1: 50ന് 25X134 കിലോമീറ്റർ വലിപ്പമുള്ള അതിൻ്റെ രണ്ടാമത്തെയും അവസാനത്തെയും ഭ്രമണപഥത്തിൽ എത്തിച്ചേർന്നു. ഇനിയുള്ള ദിവസങ്ങൾ ആന്തരിക പരിശോധനകൾ നടത്തുകയും ലൻഡ്ചെയ്യുന്ന സ്ഥലത്ത് സൂര്യോദയത്തിനു കാത്തിരിക്കും.

ലാൻഡിംഗ് ആഗസ്റ്റ് 23, ഉച്ചകഴിഞ്ഞ് 5:30ന് ആരംഭിക്കുമെന്ന് പ്രതീക്ഷിക്കുന്നു.

ചന്ദ്രന്റെ മറുപുറം പകർത്തി ലാൻഡർ

സോഫ്‌റ്റ്‌ ലാൻഡിങ്ങിന്‌ നാലുദിവസം മാത്രം ശേഷിക്കെ, ചാന്ദ്രയാൻ 3 ലാൻഡർ എടുത്ത ചന്ദ്രന്റെ മറുപുറത്തുള്ള ചിത്രങ്ങള്‍ പുറത്തുവിട്ടു.

ചന്ദ്രന്റെ മറുപുറത്തുള്ള ഉൽക്കാ പതനത്തിലൂടെ രൂപപ്പെട്ട ഗർത്തങ്ങളായ ഫാബ്രി, ജയോർഡനോ ബ്രൂണോ, ഹർക്കബി തുടങ്ങിയവക്കു സമീപത്തുകൂടെ കടന്നുപോയപ്പോഴുള്ള ചിത്രങ്ങള്‍ കാണാം. ലാൻഡറിൽനിന്ന്‌ വേർപെട്ട് ദൂരെയായി സഞ്ചരിക്കുന്ന പ്രൊപ്പൽഷൻ മൊഡ്യൂൾ, ദക്ഷിണ ധ്രുവത്തിലെ ഇരുണ്ട മേഖലകൾ, ഭൂമിയുടെ ഒരുഭാഗം എന്നിവയും ലാൻഡർ പുറത്തുവിട്ട ചിത്രങ്ങളിലുണ്ട്.

ISRO പങ്കിട്ട വീഡിയോ

ആഗസ്റ്റ് 18 വൈകിട്ട്‌ നാലിന്‌ ലാൻഡറിലെ രണ്ട്‌ ത്രസ്റ്ററുകൾ ജ്വലിപ്പിച്ച് ചാന്ദ്ര പ്രതലത്തോട്‌ ലാൻഡർ കൂടുതൽ  അടുക്കുന്നതിനുള്ള ആദ്യ ഡീബൂസ്റ്റിങ്‌ പ്രക്രിയ പൂർത്തീകരിച്ചു. അഞ്ച്‌ കിലോഗ്രാം ഇന്ധനം പതിനാല്‌ സെക്കന്റ്‌ ജ്വലിപ്പിച്ചതോടെ ലാൻഡർ കുറഞ്ഞ ദൂരം 113 കിലോമീറ്ററും കൂടിയ ദൂരം 157 കിലോമീറ്ററുമായ ഭ്രമണപഥത്തിലേക്ക്‌ താഴ്‌ന്നു. 

ആഗസ്റ്റ് 17 ഉച്ചക്ക് 1:15 ന് ചാന്ദ്രഭ്രമണപഥത്തിൽ വച്ച് ലാൻഡർ മൊഡ്യൂൾ പ്രൊപ്പൽഷൻ മൊഡ്യൂളിൽ നിന്ന് വേർപ്പെട്ടു. ആഗസ്റ്റ് 18ന് വൈകുന്നേരം 4 മണിക്ക് ലാൻഡർ മൊഡ്യൂൾ കുറച്ചുകൂടി താഴ്ന്ന ഒരു ഭ്രമണപഥത്തിലേക്ക് മാറും. ഇതേ സമയം പ്രൊപ്പൽഷൻ മൊഡ്യൂളിൽ ഉള്ള SHAPE (Spectro-polarimetry of Habitable Planet Earth) ഭൂമിയെ അവാസയോഗ്യമാക്കുന്ന ഘടകങ്ങളെ കുറിച്ച് പഠനങ്ങൾ നടത്തും. ഈ പഠനങ്ങൾ ഭാവിയിൽ ഭാവിയിൽ എക്സോപ്ലാനറ്റുകൾ കണ്ടെത്തുന്നതിൽ സഹായകമാകും. ബംഗളൂരുവിലെ U.R. റാവു സാറ്റലൈറ്റ് സെൻ്ററിൽ അണ് SHAPE എന്ന ഉപകരണം വികസിപ്പിച്ചെടുത്തത്.

ആഗസ്റ്റ് 16 ചാന്ദ്രയാൻ മൂന്നിന്റെ അവസാനഘട്ട ഭ്രമണപഥം താഴ്ത്തൽ (153 km x 163 km) വിജയകരമായി. ജൂലൈ 14നു വിക്ഷേപിച്ച ചന്ദ്രയാൻ 3 ആഗസ്റ്റ് 5നു ചാന്ദ്രഭ്രമണപഥത്തിൽ പ്രവേശിച്ചിരുന്നു. വളരെ സങ്കീർണമായ ആ ഘട്ടം പൂർത്തീകരിച്ചുകൊണ്ട്  164 km x 18074 km വലിപ്പമുള്ള ദീർഘവൃത്താകൃതിയിലുള്ള ഭ്രമണപഥത്തിൽ ഇസ്രോ എത്തിച്ചു.

ലാൻ്റർ മൊഡ്യൂൾ പ്രോപ്പൽഷൻ മൊഡ്യൂളിൽ നിന്ന് വേർപെട്ട് ആഗസ്റ്റ് 23 വൈകുന്നേരം ചന്ദ്രോപരിതലത്തിൽ ലാൻഡ് ചെയ്യുകയും ചെയ്യും. തുടർന്ന് റോവർ ലാൻ്ററിൽ നിന്ന് പുറത്തുവരികയും 14 ദിവസം ലാൻഡറിലേയും റോവറിലെയും ഉപകരണങ്ങൾ ശാസ്ത്ര പഠനങ്ങളിൽ ഏർപ്പെടുകയും ചെയ്യും.

ചാന്ദ്രയാൻ 3 നാൾവഴികൾ

തയ്യാറാക്കിയത്

അനുരാഗ് എസ്.

B.Tech 2020-24

Department of Mechanical engineering

Government Engineering College Idukki

• Facebook
• Instagram
• Email

മൂന്നാം ചന്ദ്രയാന്റെ വിശേഷങ്ങൾ

വായിക്കാം

Happy

10 26 %

Sad

0 0 %

Excited

25 66 %

Sleepy

0 0 %

Angry

0 0 %

Surprise

3 8 %