Sat. Apr 4th, 2020

LUCA

Online Science portal by KSSP

കുളിൻഡാഡോർമസ് – പക്ഷികളുടെ മുന്‍ഗാമി ?

തൂവലുകളുള്ള സസ്യഭോജിദിനോസറുകളെ കണ്ടെത്തി :

ചെതുമ്പലുകളും തൂവലുകളുമുള്ള സസ്യഭോജികളായ (herbivorous) ദിനോസറുകളെ റഷ്യയിലെ സൈബീരിയയിൽ നിന്ന് കണ്ടെത്തി. ഇതുവരേക്കും മാംസഭോജികളായ ദിനോസറുകളിൽ മാത്രമേ പറക്കുന്നതിന് സഹായകമായ ഈ പ്രത്യേകതകൾ കണ്ടെത്തിയിരുന്നുള്ളു. അതിനാൽ മാംസഭോജികളായ ദിനോസറുകളാണ് പക്ഷികളുടെ മുൻ‌ഗാമികൾ എന്നു കരുതപ്പെട്ടിരുന്നു. ഇതിനാണ് ഇപ്പോൾ ഒരു തിരുത്തൽ ആവശ്യമായി വന്നിരിക്കുന്നത്.

കുളിൻഡാഡോർമസ് സബൈക്കാലിക്കസ് (Kulindadromeus zabaikalicus) എന്നു പേരുനൽകിയിരിക്കുന്ന ഈ ദിനോസറിന്റെ ഫോസിലുകൾ കണ്ടെത്തിയിരിക്കുന്നത് സൈബീരിയയിലെ ഓലോവ് നദീതീരത്തുള്ള കുളിൻഡാ എന്ന പ്രദേശത്തുനിന്നാണ്. ഒരു മീറ്റർ മാത്രം വല്ലിപ്പമുള്ള ഇവക്ക് നീളമേറിയ പിൻകാലുകളും ദൃഢമായ വിരലുകളോടു കൂടിയ കുറുകിയ കൈകളുമാണുള്ളത്. ആറു തലയോട്ടികളും നൂറിലേറെ അസ്ഥികൂടങ്ങളുമാണ് കുളിൻഡ സൈറ്റിൽ നിന്നും ലഭിച്ചിട്ടുള്ളത്.

ഈ മേഖലയില്‍ പുരാവസ്തുഗവേഷണം നടത്തുന്ന റഷ്യന്‍ – ബല്‍ജിയന്‍ സംഘം ഇത്തരത്തില്‍ അപൂര്‍വ്വമായ പല ദിനോസര്‍ ഫോസിലുകളിലും കണ്ടെടുത്തിട്ടുണ്ട്. ഡോ. പാസ്കല്‍ ഗോഡ്ഫ്രോയിറ്റ്, സോഫിയ എം. സിനിറ്റ്സ തുടങ്ങിയവരുടെ നേതൃത്വത്തിലുള്ള സംഘമാണ് ഈ കണ്ടെത്തല്‍ നടത്തിയത്.

സ്രോതസ് : ബ്രിസ്റ്റോള്‍ യൂണിവേഴ്സിറ്റി

%d bloggers like this: