Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| adsorbent | അധിശോഷകം | - |
| adsorption | അധിശോഷണം | ഏതെങ്കിലും വസ്‌തുവിന്റെ ഉപരിതലത്തിനടുത്തുള്ള പദാര്‍ഥങ്ങള്‍ പ്രസ്‌തുത തലത്തില്‍ പറ്റിപ്പിടിക്കുന്ന പ്രക്രിയ. ഒരു വാതകത്തിന്റെയോ ലായനിയുടെയോ കണികകള്‍ ഒരു ഖരവസ്‌തുവിന്റെയോ ദ്രാവകത്തിന്റെയോ പ്രതലത്തില്‍ പറ്റിപ്പിടിക്കാം. ഉദാ: മരക്കരിക്ക്‌ കാര്‍ബണ്‍ മോണോക്‌സൈഡ്‌, അമോണിയ തുടങ്ങിയ വാതകങ്ങളെ അധിശോഷണം നടത്താന്‍ കഴിയും. ഈ പ്രക്രിയയില്‍ കരി അധിശോഷകം ആണ്‌. കാര്‍ബണ്‍ ഡൈ ഓക്‌സൈഡ്‌ അധിശോഷിതം ആണ്‌. |
| advection | അഭിവഹനം | 1. ദ്രവത്തില്‍ നിന്ന്‌ തിരശ്ചീന തലത്തിലൂടെ സംവേഗം, ഊര്‍ജം, ദ്രവ്യമാനം എന്നിവയുടെ വഹനം. 2. വായുവിന്റെ തിരശ്ചീന ചലനം. |
| adventitious roots | അപസ്ഥാനിക മൂലങ്ങള്‍ | തായ്‌വേരില്‍ നിന്നല്ലാതെ സസ്യത്തിന്റെ ഇതര ഭാഗങ്ങളില്‍ നിന്ന്‌ വളരുന്ന വേരുകള്‍. ഉദാ: ഏകബീജപത്രികളുടെ വേരുകള്‍. |
| aeolian | ഇയോലിയന്‍ | വായുവാഹിതം. കാറ്റിന്റെ പ്രവര്‍ത്തന ഫലമായി എന്ന്‌ സൂചിപ്പിക്കുന്ന പദം. ഉദാ: കാറ്റുകൊണ്ട്‌ മണ്ണടിഞ്ഞുണ്ടാകുന്ന മണ്‍കൂമ്പാരങ്ങള്‍ ഇയോലിയന്‍ നിക്ഷേപമാണ്‌. loess നിക്ഷേപങ്ങള്‍ ഇത്തരത്തിലുള്ളവയാണ്‌. eolian എന്നും എഴുതാറുണ്ട്‌. |
| aerenchyma | വായവകല | വിസ്‌തൃതമായ വായുസ്ഥലങ്ങളോടു കൂടിയ കല. ജല സസ്യങ്ങളില്‍ ഇതു സാധാരണമാണ്‌. വേരുകളിലൂടെ ഓക്‌സിജന്‍ സ്വീകരണം എളുപ്പമാക്കാനും വെള്ളത്തില്‍ പൊങ്ങിക്കിടക്കാനും സഹായിക്കുന്നു. |
| aerial | ഏരിയല്‍ | വിദ്യുത്‌കാന്തിക തരംഗങ്ങളെ ചുറ്റുപാടിലേക്ക്‌ പ്രസരിപ്പിക്കാനോ, ചുറ്റുപാടില്‍ നിന്ന്‌ സ്വീകരിക്കാനോ സഹായിക്കുന്ന ഉപാധി. സമാനാര്‍ത്ഥത്തില്‍ പ്രയോഗിക്കുന്ന മറ്റൊരു പദമാണ്‌ ആന്റിന എന്നത്‌. |
| aerial respiration | വായവശ്വസനം | വായുവില്‍ നിന്ന്‌ ഓക്‌സിജന്‍ സ്വീകരിക്കുകയും കാര്‍ബണ്‍ ഡൈ ഓക്‌സൈഡ്‌ പുറത്തുവിടുകയും ചെയ്യുന്ന ശ്വസന രീതി. |
| aerial root | വായവമൂലം | വായുവില്‍ തൂങ്ങിക്കിടക്കുന്ന വേരുകള്‍. ഉദാ: മരവാഴയുടെ വേരുകള്‍. |
| aerial surveying | ഏരിയല്‍ സര്‍വേ | ആകാശത്തുനിന്നെടുക്കുന്ന ഫോട്ടോഗ്രാഫുകള്‍ ഉപയോഗിച്ച്‌ ഭൂസര്‍വേ നടത്തുന്ന സമ്പ്രദായം. |
| aerobe | വായവജീവി | വായുവിന്റെ അല്ലെങ്കില്‍ ഓക്‌സിജന്റെ സാന്നിദ്ധ്യത്തില്‍ മാത്രം ജീവിക്കാന്‍ കഴിയുന്നവ. |
| aerobic respiration | വായവശ്വസനം | ഓക്‌സിജന്റെ സാന്നിദ്ധ്യത്തില്‍ മാത്രം നടക്കുന്ന ശ്വസനം. ജലത്തിലും വായുവിലും വെച്ച്‌ നടക്കുന്ന ഭൂരിപക്ഷം ജീവജാലങ്ങളുടെയും ശ്വസന രീതി ഇതാണ്‌. |
| aerodynamics | വായുഗതികം | വാതകങ്ങളുടെയും വായുവിന്റെയും ചലനം, വായുവിലൂടെ വിമാനം പോലുള്ള വസ്‌തുക്കളുടെ ചലനം ഇവ സംബന്ധിച്ച പഠന ശാഖ. |
| aerosol | എയറോസോള് | ഖരകണികകളോ, ദ്രവകണികകളോ വാതകത്തില്‍ തങ്ങിനില്‍ക്കുന്ന കൊളോയ്‌ഡ്‌ രൂപം. ഉദാ: പൊടിപടലങ്ങള്‍ കലര്‍ന്ന വായു, പുക. |
| aerotaxis | എയറോടാക്സിസ് | വാതാനുചലനം. ഓക്‌സിജന്റെ ഉത്തേജനം മൂലം ഏകകോശ സസ്യങ്ങള്‍ മുഴുവനുമായോ സസ്യകോശങ്ങള്‍ ഭാഗികമായോ ചലിക്കുന്ന രീതി. |
| aerotropism | എയറോട്രാപ്പിസം | വാതാനുവര്‍ത്തനം. വായുവിന്റെ സാന്നിധ്യം അടിസ്ഥാനമാക്കിയുള്ള സസ്യചലനം. വായുവുള്ള ദിശയിലേക്കോ എതിര്‍ ദിശയിലേക്കോ ആവാം. |
| aestivation | പുഷ്‌പദള വിന്യാസം | (botany) മുകുളാവസ്ഥയില്‍ ദളങ്ങളുടെയും വിദളങ്ങളുടെയും ക്രമീകരണം. വിവിധ തരത്തിലുള്ള ദളവിന്യാസങ്ങള്‍ ഉണ്ട്‌. സസ്യങ്ങളുടെ വര്‍ഗീകരണത്തിന്‌ സഹായിക്കുന്നു. |
| aestivation | ഗ്രീഷ്‌മനിദ്ര | (zoology) വരണ്ട കാലാവസ്ഥയെ അതിജീവിക്കാന്‍ ചില ജീവികള്‍ സ്വീകരിക്കുന്ന നീണ്ട നിഷ്‌ക്രിയത. ജൈവ പ്രക്രിയകള്‍ വളരെ മന്ദഗതിയിലായി ഒരു നിദ്രാവസ്ഥയിലായിരിക്കും അവ. ഉദാ: ചിലതരം ഒച്ചുകള്‍, പ്രാട്ടോപ്‌റ്റിറസ്‌ എന്ന മത്സ്യം. |
| afferent | അഭിവാഹി | കേന്ദ്രഭാഗത്തേക്ക്‌ പ്രവഹിക്കുന്നത്‌. ഉദാ: afferent neuron കേന്ദ്ര നാഡീവ്യൂഹത്തിലേക്ക്‌ സന്ദേശങ്ങള്‍ എത്തിക്കുന്ന നാഡീകോശം. |
| affine | സജാതീയം | ഉദാ: affine curvature (സജാതീയ വക്രം) |
