Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| neoplasm | നിയോപ്ലാസം. | കോശങ്ങളുടെ അസാധാരണ വളര്‍ച്ച. ഉദാ: ക്യാന്‍സര്‍. |
| neoprene | നിയോപ്രീന്‍. | പോളിമറീകരണം വഴി ഉണ്ടാക്കുന്ന ഒരിനം കൃത്രിമ റബ്ബര്‍. |
| neoteny | നിയോട്ടെനി. | ശൈശവപ്രായം കഴിഞ്ഞിട്ടും ശൈശവകാലത്തെ ശരീരലക്ഷണങ്ങള്‍ നിലനിര്‍ത്തുന്ന പ്രതിഭാസം. ആള്‍ക്കുരങ്ങുകളില്‍ ശൈശവകാലത്തുമാത്രം കാണുന്ന ലക്ഷണങ്ങള്‍ പ്രായപൂര്‍ത്തിയായ മനുഷ്യരില്‍ കാണാം. പരിണാമ പ്രക്രിയയില്‍ നിയോട്ടെനി സുപ്രധാനമായ പങ്കുവഹിക്കുന്നതായി കരുതപ്പെടുന്നു. |
| neper | നെപ്പര്‍. | രണ്ടു വിദ്യുത്‌ധാരകളെ താരതമ്യം ചെയ്യാനുപയോഗിക്കുന്ന ഏകകം. പ്രതീകം Np. I1, I2 എന്നീ രണ്ടു ധാരകള്‍ക്കിടയിലെ വ്യത്യാസം N നെപ്പര്‍ ആണെങ്കില്‍ N=loge(I1/I2)ആണ്‌. വോള്‍ട്ടത, സമാനമായ മറ്റ്‌ രാശികള്‍ എന്നിവയുടെ താരതമ്യത്തിനും നെപ്പര്‍ ഉപയോഗിക്കാം. വികിരണങ്ങളുടെ ശക്തി കുറയുന്നതിന്റെ ഏകകമായാണ്‌ നെപ്പര്‍ ഉപയോഗിക്കുന്നത്‌. |
| nephridium | നെഫ്രീഡിയം. | വൃക്കകം. പല അകശേരുകികളിലും കാണുന്ന ഒരുതരം വിസര്‍ജ്ജനാവയവം. ശരീരത്തിന്റെ പുറത്തേക്ക്‌ തുറക്കുന്ന കുഴലാണിതിന്റെ പ്രധാന ഭാഗം. |
| nephron | നെഫ്‌റോണ്‍. | കശേരുകികളുടെ വൃക്കയിലെ മാല്‍പീജിയന്‍ പിണ്‌ഡവും മൂത്രാത്‌പാദന നാളിയും ചേര്‍ന്ന യൂണിറ്റ്‌. |
| Neptune | നെപ്‌ട്യൂണ്‍. | - |
| neptunean dyke | നെപ്‌റ്റ്യൂണിയന്‍ ഡൈക്‌. | അവസാദശിലകളുടെ അന്തര്‍ജന്യ പാളി. |
| neritic zone | നെരിറ്റിക മേഖല. | സമുദ്രതീര പ്രദേശത്ത്‌ വന്‍കരത്തിട്ടിനു മീതെയുള്ള ആഴം കുറഞ്ഞ സമുദ്രമേഖല. ഏകദേശം 200 മീറ്റര്‍ ആഴമുള്ള ഈ മേഖലയില്‍ സൂര്യപ്രകാശം ധാരാളമായി കടന്നു ചെല്ലുന്നതിനാല്‍ നല്ല സസ്യസമ്പത്തുണ്ടായിരിക്കും. |
| nerve cell | നാഡീകോശം. | - |
| nerve fibre | നാഡീനാര്‌. | നാഡീകോശത്തില്‍ നിന്ന്‌ നീണ്ടനാരുപോലെ കാണപ്പെടുന്ന ഭാഗം. axon എന്നും പേരുണ്ട്‌. |
| nerve impulse | നാഡീആവേഗം. | നാഡീകോശത്തിലൂടെ പ്രസരിക്കുന്ന സിഗ്നല്‍. ബാഹ്യസ്‌തരത്തിലൂടെയാണ്‌ ആവേഗങ്ങള്‍ സഞ്ചരിക്കുന്നത്‌. |
| nerve നാഡി. | നാഡീനാരുകളുടെ ഒരു സഞ്ചയം. | ഇതിനെച്ചുറ്റി സംയോജന കലയുടെ സംരക്ഷക ആവരണവും ഉണ്ടായിരിക്കും. |
| nes quehonite | നെസ്‌ ക്യൂഹൊനൈറ്റ്‌. | മഗ്നീഷ്യം കാര്‍ബണേറ്റിന്റെ ഒരു ഖനിജ രൂപം. രാസസൂത്രം MgCO3.3H2O. |
| network | നെറ്റ്‌ വര്‍ക്ക്‌ | കമ്പ്യൂട്ടറുകളെ കേബിളുകള്‍ ഉപയോഗിച്ചോ അല്ലാതെയോ തമ്മില്‍ ബന്ധിപ്പിക്കുന്നതിനെ നെറ്റ്‌ വര്‍ക്ക്‌ എന്നുപറയുന്നു. കേബിള്‍ ഉപയോഗിക്കുമ്പോള്‍ ഈഥര്‍നെറ്റ്‌ എന്ന സാങ്കേതികവിദ്യയിലൂടെയും വയര്‍ലെസ്‌ ആയി ബ്ലൂടൂത്തോ വൈഫൈയോ മുഖേനയും നെറ്റുവര്‍ക്കുകള്‍ രൂപീകരിക്കാം. ലോകമാകമാനമുള്ള കമ്പ്യൂട്ടറുകളുടെ നെറ്റ്‌ വര്‍ക്കാണ്‌ ഇന്റര്‍നെറ്റ്‌. |
| network card | നെറ്റ്‌ വര്‍ക്ക്‌ കാര്‍ഡ്‌ (ethernet card). | കേബിളുകള്‍ ഉപയോഗിച്ച്‌ നെറ്റ്‌ വര്‍ക്കുകള്‍ നിര്‍മ്മിക്കാന്‍ കമ്പ്യൂട്ടറില്‍ ഉപയോഗിക്കുന്ന PCI കാര്‍ഡ്‌. ഇതില്‍ ഈഥര്‍നെറ്റ്‌ പോര്‍ട്ടുകള്‍ ഉണ്ടായിരിക്കും. |
| neural arch | നാഡീയ കമാനം. | കശേരുവിന്റെ പ്രധാന ഭാഗമായ സെന്‍ട്രത്തോട്‌ അനുബന്ധിച്ചുകാണുന്ന കമാനം. സുഷുമ്‌നാനാഡി കടന്നുപോകുന്നത്‌ ഇതിലൂടെയാണ്‌. |
| neuroblast | ന്യൂറോബ്ലാസ്റ്റ്‌. | നാഡീകോശത്തിന്‌ ജന്മമേകുന്ന ഭ്രൂണകോശം. |
| neuroglia | ന്യൂറോഗ്ലിയ. | നാഡീവ്യൂഹത്തിലെ ന്യൂറോണുകളെ അടുക്കിവയ്‌ക്കുവാനും താങ്ങിനിര്‍ത്തുവാനുമുള്ള പ്രത്യേകതരം കല. |
| neurohormone | നാഡീയഹോര്‍മോണ്‍. | നാഡീകോശങ്ങളില്‍ നിന്ന്‌ ഉത്‌പാദിപ്പിക്കപ്പെടുന്ന ഹോര്‍മോണ്‍. ഉദാ: നോര്‍അഡ്രിനാലിന്‍, ഓക്‌സിടോസിന്‍. |
