Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| plastid | ജൈവകണം. | സസ്യകോശങ്ങളിലെ ഒരു കോശാംഗം. മൂന്ന്‌ തരം ജൈവകണങ്ങളുണ്ട്‌. ഹരിതകണങ്ങള്‍, മറ്റു നിറമുള്ള വര്‍ണകങ്ങള്‍, ശ്വേത കണങ്ങള്‍. |
| plate | പ്ലേറ്റ്‌. | ദൃഢവും വിശാലവുമായ ശിലാപാളി. ഇതുചേര്‍ന്നാണ്‌ ലിതോസ്‌ഫിയര്‍ ഉണ്ടാകുന്നത്‌. ഈ പ്ലേറ്റുകള്‍ക്കിടയിലെ ആപേക്ഷിക ചലനമാണ്‌ പ്ലേറ്റ്‌ ടെക്‌റ്റോണിക്‌സിന്‌ കാരണം. 8 വലിയ പ്ലേറ്റുകളും നിരവധി ചെറിയ പ്ലേറ്റുകളുമാണ്‌ ലിതോസ്‌ഫിയറിലുള്ളത്‌. |
| plate tectonics | ഫലക വിവര്‍ത്തനികം | (1) ഫലക വിവര്‍ത്തനികം. ഭമൗഘടനയെയും ഭമൗപ്രതിഭാസങ്ങളെയും ലിഥോസ്‌ഫിയര്‍ ഫലകങ്ങളുടെ ചലനവുമായി ബന്ധപ്പെട്ടു വ്യാഖ്യാനിക്കുന്ന സിദ്ധാന്തം. (2) ഫലകവിവര്‍ത്തനികത. മാന്റിലിലെ ദ്രവശിലാപാളിക്കുമേല്‍ ലിഥോസ്‌ഫിയര്‍ ഫലകങ്ങള്‍ നീങ്ങുന്നതും പ്രസ്‌തുത ചലനം ഭൂവല്‌ക്കത്തില്‍ മാറ്റങ്ങളുണ്ടാക്കുന്നതുമായ പ്രക്രിയ. ഭൂകമ്പങ്ങള്‍, അഗ്നിപര്‍വതങ്ങള്‍, പര്‍വത രൂപീകരണം, ഭ്രംശനം, സമുദ്രക്കിടങ്ങുകള്‍, സമുദ്രാന്തര്‍പര്‍വതനിരകള്‍ എന്നിവയെല്ലാം ഈ പ്രക്രിയയുമായി ബന്ധപ്പെട്ടിരിക്കുന്നു. |
| plateau | പീഠഭൂമി. | സമുദ്രവിതാനത്തില്‍ നിന്ന്‌ വളരെ ഉയര്‍ന്ന സമനിരപ്പായ പ്രദേശം. |
| platelets | പ്ലേറ്റ്‌ലെറ്റുകള്‍. | സസ്‌തനികളുടെ രക്തത്തില്‍ കാണുന്ന പരന്ന ചെറുകോശദ്രവ്യങ്ങള്‍. അസ്ഥിമജ്ജയിലെ മെഗാകാരിയോസൈറ്റുകളെന്ന കോശങ്ങളില്‍ നിന്നാണവ ഉണ്ടാകുന്നത്‌. രക്തം കട്ടപിടിക്കുന്നതില്‍ സുപ്രധാന പങ്കുണ്ട്‌. |
| pleiades cluster | കാര്‍ത്തികക്കൂട്ടം. | ഇടവം രാശിയില്‍ ഉള്ള ഒരു ഓപ്പണ്‍ ക്ലസ്റ്ററാണ്‌ കാര്‍ത്തികക്കൂട്ടം. ജന്മനക്ഷത്രങ്ങളില്‍ മൂന്നാമത്തേത്‌. നിരവധി നക്ഷത്രങ്ങളടങ്ങുന്ന ഈ നക്ഷത്രക്കൂട്ടമത്തില്‍ 7 എണ്ണമേ നഗ്ന ദൃഷ്‌ടികൊണ്ട്‌ കാണാന്‍ കഴിയൂ. "ഏഴ്‌ സഹോദരിമാര്‍' എന്നും അറിയപ്പെടുന്നു. എങ്കിലും നഗ്നനേത്രങ്ങള്‍ കൊണ്ട്‌ ആറ്‌ നക്ഷത്രങ്ങളെയാണ്‌ കാണാനാവുക. |
| pleiotropy | ബഹുലക്ഷണക്ഷമത | . ഒരു ജീനിന്‌ അനേകം ലക്ഷണങ്ങളെ, അതായത്‌ പ്രകട രൂപത്തിന്റെ അനേകം ഭാവങ്ങളെ സ്വാധീനിക്കാനുള്ള ക്ഷമത. |
| pleistocene | പ്ലീസ്റ്റോസീന്‍. | ക്വാര്‍ട്ടര്‍നറി മഹായുഗത്തിലെ ഒരു യുഗം. 20 ലക്ഷം വര്‍ഷം മുമ്പു മുതല്‍ 10,000 വര്‍ഷം മുമ്പു വരെയുള്ള കാലം. പ്രധാനപ്പെട്ട ഹിമയുഗങ്ങള്‍ ഇക്കാലത്തായിരുന്നു. ആധുനിക മനുഷ്യന്‍ ഉത്ഭവിച്ചതും ഈ സമയത്തുതന്നെയാണ്‌. |
| pleochroic | പ്ലിയോക്രായിക്‌. | നിരീക്ഷിക്കുന്ന ദിശയ്‌ക്കനുസരിച്ച്‌ വ്യത്യസ്‌ത നിറങ്ങളില്‍ കാണുന്ന ക്രിസ്റ്റലുകള്‍. |
| pleura | പ്ല്യൂറാ. | സസ്‌തനങ്ങളുടെ ശ്വാസകോശങ്ങളെ ആവരണം ചെയ്യുന്ന ഇരട്ട സ്‌തരം. രണ്ട്‌ സ്‌തരങ്ങള്‍ക്കുമിടയിലുള്ള ഇടുങ്ങിയ ഭാഗത്ത്‌ ദ്രാവകം നിറഞ്ഞിരിക്കുന്നു. ശ്വസന ചലനങ്ങളുടെ ഫലമായുണ്ടാകുന്ന ഘര്‍ഷണം കുറയ്‌ക്കാന്‍ ഇത്‌ സഹായിക്കുന്നു. |
| plexus | പ്ലെക്‌സസ്‌. | നാഡികളോ രക്തക്കുഴലുകളോ പരസ്‌പരം കൂടിച്ചേര്‍ന്നുണ്ടാകുന്ന ജടില വ്യൂഹം. |
| pliocene | പ്ലീയോസീന്‍. | ഈ കാലഘട്ടത്തിലാണ്‌ മനുഷ്യ കുടുംബത്തിലെ ഏറ്റവും പുരാതന അംഗങ്ങളായ ആസ്‌ത്രലോപിത്തെസീനുകള്‍ ഉത്ഭവിച്ചത്‌. കിഴക്കേ ആഫ്രിക്കയിലെ പിളര്‍പ്പു താഴ്‌വരയില്‍ നിന്ന്‌ ഇവയുടെ ഫോസിലുകള്‍ കണ്ടുകിട്ടിയിട്ടുണ്ട്‌. |
| plug in | പ്ലഗ്‌ ഇന്‍. | ഒരു സോഫ്‌റ്റ്‌വെയറിനെ ആധാരമാക്കി പ്രവര്‍ത്തിക്കുന്ന ഉപ പ്രാഗ്രാമുകള്‍. ഇവ ഓരോ പ്രത്യേക ആവശ്യങ്ങള്‍ക്കായി നിര്‍മ്മിക്കപ്പെടുന്നവയായിരിക്കും. ഉദാ: " mp3 പ്ലഗ്‌ ഇന്‍' mp3 ഫയലുകളെ റീഡു ചെയ്യാന്‍ ഉപയോഗിക്കുന്നു. |
| plume | പ്ല്യൂം. | മാന്റിലില്‍ നിന്ന്‌ ബഹിര്‍ഗമിക്കുന്ന, ഭാഗികമായി ഉരുകിയ പദാര്‍ഥങ്ങള്‍. ഫലകാതിരുകളില്‍ നിന്നകന്നുള്ള അഗ്നിപര്‍വത പ്രവര്‍ത്തനങ്ങള്‍ക്ക്‌ ഇതാണ്‌ കാരണമെന്ന്‌ കരുതപ്പെടുന്നു. |
| plumule | ഭ്രൂണശീര്‍ഷം. | വളര്‍ന്നുകൊണ്ടിരിക്കുന്ന സസ്യഭ്രൂണത്തിന്റെ മുകളറ്റം. |
| pluto | പ്ലൂട്ടോ. | സൗരയൂഥത്തില്‍ ഒന്‍പതാമത്തെ ഗ്രഹമായി കണക്കാക്കപ്പെട്ടിരുന്ന വാനവസ്‌തു. "ഗ്രഹം' എന്ന പദത്തെ പുനര്‍ നിര്‍വചിച്ചപ്പോള്‍ (2006 ഓഗസ്റ്റ്‌ 24) കുള്ളന്‍ ഗ്രഹങ്ങളുടെ ( dwarf planets) പട്ടികയിലായി. കുള്ളന്‍ ഗ്രഹമെന്ന്‌ പൊതുവില്‍ പരിഗണിക്കപ്പെട്ടിട്ടുണ്ടെങ്കിലും "പ്ലൂട്ടോയ്‌ഡ്‌' എന്ന പ്രത്യേക വിഭാഗത്തിലാണ്‌ പ്ലൂട്ടോയെ ഉള്‍പ്പെടുത്തിയിട്ടുള്ളത്‌. സൂര്യനെ ഒരുതവണ വലംവയ്‌ക്കാന്‍ ഇതിന്‌ 248 വര്‍ഷം വേണം. |
| plutonic rock | പ്ലൂട്ടോണിക ശില. | ഭൂവല്‍ക്കത്തിന്റെ ആഴത്തില്‍ അന്തര്‍ജാതമായ മാഗ്മ ക്രിസ്റ്റലീകരിച്ചുണ്ടാകുന്ന ആഗ്നേയശില. |
| podzole | പോഡ്‌സോള്‍. | ശൈത്യആര്‍ദ്ര പ്രദേശങ്ങളില്‍ കാണപ്പെടുന്ന ഒരിനം മണ്ണ്‌. ധാതുക്കളുടെ അഭാവം നിമിത്തം ഫലപുഷ്‌ടി കുറഞ്ഞതാണ്‌. ചാരനിറമായിരിക്കും. |
| poikilotherm | പോയ്‌ക്കിലോതേം. | പരിസരത്തിലെ താപനിലയിലുണ്ടാകുന്ന മാറ്റങ്ങള്‍ക്കനുസരിച്ച്‌ ശരീര താപനിലയില്‍ വ്യതിയാനങ്ങള്‍ ഉണ്ടാകുന്ന ജന്തുക്കള്‍. പരിസരത്തിലെ താപനില ഉയര്‍ന്നിരിക്കുമ്പോള്‍ ഇത്തരം ജന്തുക്കളുടെ ശരീരതാപനിലയും ഉയരും എന്നതിനാല്‍ ശീതരക്തജന്തുക്കള്‍ എന്ന്‌ ഇവയെ വിളിക്കാറുളളത്‌ അത്ര ശരിയല്ല. സസ്‌തനികളും പക്ഷികളും ഒഴികെയുള്ള ജന്തുക്കളെല്ലാം പോയ്‌ക്കിലോതേമുകളാണ്‌. |
| point | ബിന്ദു. | സ്ഥലത്തിലെ, പ്രതലത്തിലെ അഥവാ നിര്‍ദ്ദേശാങ്ക വ്യവസ്ഥയിലെ സ്ഥാനം. ബിന്ദുവിന്‌ വലിപ്പമില്ല. സ്ഥാനംകൊണ്ടുമാത്രമാണ്‌ ബിന്ദു നിര്‍വചിക്കപ്പെടുന്നത്‌. |
