Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| operator (biol) | ഓപ്പറേറ്റര്‍. | ജീനുകളുടെ പ്രവര്‍ത്തനത്തെ നിയന്ത്രിക്കുന്ന ഘടകം. ജീനിനോട്‌ തൊട്ടുകിടക്കുന്ന ഡി.എന്‍.എ. തന്മാത്രയുടെ സവിശേഷമായ ഭാഗമാണിത്‌. |
| operators (maths) | സംകാരകങ്ങള്‍. | ഗണിത സംക്രിയയെ സൂചിപ്പിക്കുന്ന ചിഹ്നങ്ങള്‍. ഉദാ: +, ⎯, × , ÷, √. d/dx, ∇2 =δ2/δx2+δ2/δy2+δ2/δx2 തുടങ്ങിയ സംകാരങ്ങളും ഉണ്ട്‌. |
| operculum | ചെകിള. | 1. അസ്ഥിമല്‍സ്യങ്ങളുടെ ശ്വസനേന്ദ്രിയങ്ങളെ ആവരണം ചെയ്യുന്ന പാളി. 2. ഗാസ്‌ട്രാപോഡ്‌ മൊളസ്‌കുകളുടെ പുറംതോടിലെ കവാടത്തിന്റെ അടപ്പ്‌. 3. മോസ്‌ സസ്യത്തിന്റെ ക്യാപ്‌സൂളിന്റെ അടപ്പ്‌. |
| operon | ഓപ്പറോണ്‍. | ബാക്‌റ്റീരിയങ്ങളില്‍ ജീന്‍ പ്രവര്‍ത്തനത്തില്‍ ഉള്ള പ്രവര്‍ത്തനപരമായ യൂനിറ്റുകള്‍. ഒന്നോ അതിലധികമോ ഘടനാപരമായ ജീനുകളും ( functional genes) അവയുടെ പ്രവര്‍ത്തനം നിയന്ത്രിക്കുന്ന ഓപ്പറേറ്റര്‍ ജീനുകളും ( operator genes) റിപ്രസര്‍ ജീനുകളും ( repressor genes) മറ്റും ഇതിലുള്‍പ്പെടുന്നു. |
| ophthalmology | നേത്രചികിത്സാ ശാസ്‌ത്രം. | |
| opposition (Astro) | വിയുതി. | ഒരു ഗ്രഹത്തിനും സൂര്യനും ഇടയില്‍ ഭൂമി (ഏതാണ്ട്‌ ഒരേ നേര്‍രേഖയില്‍) സ്ഥിതിചെയ്യുന്നുവെങ്കില്‍ പ്രസ്‌തുതഗ്രഹം വിയുതിയില്‍ ആണെന്നു പറയും. സൂര്യനില്‍ നിന്ന്‌ ഭൂമിയേക്കാള്‍ അകലെയുള്ള ഗ്രഹങ്ങളേ വിയുതിയില്‍ വരൂ. വിയുതി കാലത്ത്‌ ഗ്രഹം സന്ധ്യയ്‌ക്ക്‌ കിഴക്കുദിക്കും. |
| opsin | ഓപ്‌സിന്‍. | കണ്ണിലെ റെറ്റിനയിലെ റോഡ്‌ കോശങ്ങളില്‍ കാണപ്പെടുന്ന പ്രകാശസംവേദക പിഗ്‌മെന്റായ റോഡോപ്‌സിനില്‍ അടങ്ങിയ ലിപോപ്രാട്ടീന്‍ ഘടകം. |
| optic centre | പ്രകാശിക കേന്ദ്രം. | ഒരു ലെന്‍സിലൂടെ അപവര്‍ത്തനം സംഭവിക്കാതെ കടന്നുപോകുന്ന രശ്‌മി, മുഖ്യ അക്ഷത്തെ ഛേദിക്കുന്ന ബിന്ദു. |
| optic chiasma | ഓപ്‌ടിക്‌ കയാസ്‌മ. | കശേരുകികളുടെ മസ്‌തിഷ്‌കത്തിന്റെ അടിവശത്ത്‌, ഇരുവശത്തെയും നേത്രീയനാഡികള്‍ കൂട്ടിമുട്ടി മറുവശത്തേക്ക്‌ പോകുമ്പോള്‍ ഉണ്ടാകുന്ന ഘടന. |
| optic lobes | നേത്രീയദളങ്ങള്‍. | താഴ്‌ന്ന തരം കശേരുകികളുടെ മധ്യമസ്‌തിഷ്‌കത്തിന്റെ മുകള്‍ഭാഗത്തുള്ള വീര്‍ത്ത ഭാഗം. കണ്ണില്‍ നിന്നു വരുന്ന ആവേഗങ്ങള്‍ എത്തുന്നതിവിടെയാണ്‌. |
| optical activity | പ്രകാശീയ സക്രിയത. | ധ്രുവീകൃത പ്രകാശത്തിന്റെ ധ്രുവണതലം ഇടത്തോട്ടോ, വലത്തോട്ടോ തിരിക്കുന്ന ഒരു പദാര്‍ത്ഥത്തിന്റെ സ്വഭാവം. (നിരീക്ഷകന്റെ ദിശയില്‍ സഞ്ചരിക്കുന്ന) ധ്രുവിത പ്രകാശത്തിന്റെ ധ്രുവണതലത്തെ ഇടത്തോട്ടു തിരിക്കുന്നവയെ ലീവോ (-) എന്നും വലത്തോട്ടു തിരിക്കുന്നവയെ ഡെക്‌സ്‌ട്രാ (+) എന്നും പറയുന്നു. |
| optical axis | പ്രകാശിക അക്ഷം. | ദ്വയാപവര്‍ത്തനം നടത്തുന്ന ക്രിസ്റ്റലില്‍, ഒരു പ്രത്യേക ദിശയില്‍ പ്രകാശരശ്‌മി സഞ്ചരിക്കുമ്പോള്‍ മാത്രം ദ്വയാപവര്‍ത്തനം ദൃശ്യമാകുന്നില്ല. ഈ ദിശയാണ്‌ ക്രിസ്റ്റലിന്റെ പ്രകാശിക അക്ഷം. |
| optical density | പ്രകാശിക സാന്ദ്രത. | ഒരു സുതാര്യ മാധ്യമത്തിന്‌ പ്രകാശപാതയില്‍ വ്യതിയാനം വരുത്താനുള്ള ശേഷിയെ സൂചിപ്പിക്കുന്നു. പ്രകാശിക സാന്ദ്രത കൂടുതലുള്ള വസ്‌തുവിന്‌ അപവര്‍ത്തനാങ്കം കൂടുതലായിരിക്കും. പ്രകാശിക സാന്ദ്രത വിദ്യുത്‌ കാന്തിക തരംഗത്തിന്റെ തരംഗദൈര്‍ഘ്യത്തെ ആശ്രയിച്ചിരിക്കുന്നു. പദാര്‍ത്ഥത്തിന്റെ ദ്രവ്യസാന്ദ്രതയുമായി ഇതിന്‌ കൃത്യമായ ബന്ധമില്ല. |
| optical illussion | ദൃഷ്‌ടിഭ്രമം. | |
| optical isomerism | പ്രകാശിക ഐസോമെറിസം. | പദാര്‍ഥഘടനയുടെ അസമമിതി കാരണം പദാര്‍ഥത്തിന്‌ രണ്ടുതരം ഘടനാരൂപങ്ങള്‍ സാധ്യമാണ്‌. ഒന്നിലെ തന്മാത്രാ വിന്യാസം മറ്റേതിലെ വിന്യാസത്തിന്റെ പ്രതിഫലനബിംബം പോലെയാണ്‌. ഇത്തരം പദാര്‍ഥങ്ങളിലൂടെ ധ്രുവിത പ്രകാശം കടന്നുപോകുമ്പോള്‍ ധ്രുവീകരണം പ്രദക്ഷിണ ദിശയിലാണ്‌ തിരിയുന്നതെങ്കില്‍ പദാര്‍ഥം ഇടംതിരി ( laevo)ആണെന്നും തിരിയല്‍ അപ്രദക്ഷിണ ദിശയിലാണെങ്കില്‍ പദാര്‍ഥം വലംതിരി ( dextro) ആണെന്നും പറയുന്നു. പ്രകാശീയ പ്രവര്‍ത്തനം ഒഴിച്ച്‌ മറ്റെല്ലാ ഗുണധര്‍മ്മങ്ങളിലും ഈ രണ്ടു രൂപങ്ങള്‍ സമാനങ്ങളാണ്‌. ഇത്തരം ഐസോമെറിസത്തിന്‌ പ്രകാശിക ഐസോമെറിസം എന്നു പറയുന്നു. |
| optics | പ്രകാശികം. | പ്രകാശത്തെ സംബന്ധിച്ച പഠനശാഖ. |
| optimum | അനുകൂലതമം. | ഒരു അഭിക്രിയയ്‌ക്ക്‌ ഏറ്റവും അനുയോജ്യമായത്‌. ഉദാ: optimum temperature. |
| OR gate | ഓര്‍ പരിപഥം. | OR |
| orbit | പരിക്രമണപഥം | കക്ഷ്യ, 1. അണുകേന്ദ്രത്തെ ചുറ്റിയുള്ള ഇലക്‌ട്രാണുകളുടെ സഞ്ചാരപഥം. 2. ഒരു ഖഗോളവസ്‌തുവിനെ ആധാരമാക്കി മറ്റൊരു ഖഗോള വസ്‌തു ചലിക്കുന്ന പാത. |
| orbital | കക്ഷകം. | ഒരു ആറ്റത്തിന്റെ ന്യൂക്ലിയസിനു ചുറ്റുമുള്ള ത്രിമാനമേഖലയില്‍, ഇലക്‌ട്രാണുകളെ കണ്ടെത്താന്‍ സാധ്യത കൂടിയ പ്രദേശം. ഇതൊരു ക്വാണ്ടം സങ്കല്‍പ്പമാണ്‌. ഇലക്‌ട്രാണിന്‌ നിയതമായ ഒരു കക്ഷ്യ നിര്‍വചിക്കാനാവില്ല. |
