Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| orbits (zoo) | നേത്രകോടരങ്ങള്‍. | കശേരുകികളുടെ തലയോടില്‍ നേത്രഗോളങ്ങള്‍ ഉള്‍ക്കൊള്ളുന്ന ദരം. |
| orchid | ഓര്‍ക്കിഡ്‌. | ഓര്‍ക്കിഡേസിയേ ഫാമിലിയില്‍ പെടുന്ന സസ്യങ്ങള്‍. അധികവും എപ്പിഫൈറ്റുകളാണ്‌. |
| orchidarium | ഓര്‍ക്കിഡ്‌ ആലയം. | ഓര്‍ക്കിഡുകളെ പരിപാലിക്കുന്ന ഇടം. |
| order 1. (maths) | ക്രമം. | 1. ഒരു മാട്രിക്‌സിലെ വരികളുടെയും നിരകളുടെയും എണ്ണം. 2. ഒരു ചരത്തിന്റെ എത്രാമത്തെ അവകലജം ആണെന്ന്‌ കാണിക്കുന്ന സംഖ്യ. ഉദാ: dy/dx ന്റെ ഓര്‍ഡര്‍ ഒന്നാണ്‌. d2y/dx2 ന്റെ ഓര്‍ഡര്‍ രണ്ടാണ്‌. 3. സമവാക്യത്തിലെ ഏറ്റവും ഉയര്‍ന്ന ഘാതമുള്ള അവകലജത്തിന്റെ ഘാതമാണ്‌ അതിന്റെ ഓര്‍ഡര്‍. ഉദാ: d3y/dx3+dy/dx=0 എന്നതിന്റെ ഓര്‍ഡര്‍ മൂന്നാണ്‌. 4. ഒരു കരണിയുടെ ഇന്‍ഡക്‌സിനും കരണിയുടെ ഓര്‍ഡര്‍ എന്നു പറയും. ഉദാ: 3 √5 ന്റെ ഓര്‍ഡര്‍ മൂന്നാണ്‌. |
| order 2. (zoo) | ഓര്‍ഡര്‍. | ജീവികളുടെ വര്‍ഗീകരണ പദ്ധതിയില്‍ ഫാമിലിക്ക്‌ മുകളിലുള്ള വര്‍ഗം. കുറേ ഫാമിലികള്‍ ചേര്‍ന്നതാണ്‌ ഒരു ഓര്‍ഡര്‍. |
| order of reaction | അഭിക്രിയയുടെ കോടി. | ഒരു രാസപ്രവര്‍ത്തനത്തില്‍ ഏതെല്ലാം തന്മാത്രകളുടെ ഗാഢതയില്‍ വരുന്ന മാറ്റങ്ങള്‍ പ്രതിപ്രവര്‍ത്തനത്തിന്റെ ഗതിവേഗം നിശ്ചയിക്കുന്നുവോ, ആ തന്മാത്രകളുടെ ഏറ്റവും ചുരുങ്ങിയ എണ്ണം എത്രയാണോ ആ സംഖ്യ. മൂന്നില്‍ കൂടുതല്‍ കോടിയുള്ളവ വിരളമാണ്‌. ഓര്‍ഡര്‍ ഭിന്നസംഖ്യയും പൂജ്യവും ആയുള്ള പ്രതിപ്രവര്‍ത്തനങ്ങളും ഉണ്ട്‌. ഒരു പ്രതിപ്രവര്‍ത്തനത്തിന്റെ ഓര്‍ഡര്‍ പരീക്ഷണത്തില്‍ കൂടി മാത്രമെ കണ്ടുപിടിക്കാന്‍ സാധിക്കുകയുള്ളു. |
| ordered pair | ക്രമ ജോഡി. | 1. ഒരു നിശ്ചിത ക്രമത്തില്‍ എഴുതപ്പെടുന്ന രണ്ട്‌ ചരങ്ങള്‍ അഥവാ അവയുടെ മൂല്യങ്ങള്‍. ഉദാ: ദ്വിമാന കാര്‍ടീഷ്യന്‍ നിര്‍ദേശാങ്കങ്ങള്‍ (x, y) എന്ന ക്രമ ജോഡി ആയാണ്‌ എഴുതുന്നത്‌. 2. A യും B യും രണ്ടു ഗണങ്ങളായാല്‍ A x B യിലെ അംഗങ്ങള്‍ ക്രമിത ജോഡികളായാണ്‌ എഴുതുന്നത്‌. |
| ordinal numbers | ക്രമസൂചക സംഖ്യകള്‍. | ഒന്നാമത്തേത്‌, രണ്ടാമത്തേത്‌, മൂന്നാമത്തേത്‌ എന്നിങ്ങനെ ക്രമത്തെ സൂചിപ്പിക്കുന്ന പൂര്‍ണസംഖ്യ. |
| ordinate | കോടി. | cartesian co ordinates നോക്കുക. |
| ordovician | ഓര്‍ഡോവിഷ്യന്‍. | ഒരു ജിയോളജീയ കല്‌പം. ഉദ്ദേശം 50 കോടി വര്‍ഷം മുമ്പ്‌ മുതല്‍ 44 കോടി വര്‍ഷം മുമ്പുവരെയുള്ള കാലം. |
| ore | അയിര്‌. | ലാഭകരമായ തോതില്‍ കുഴിച്ചെടുത്ത്‌ ശുദ്ധീകരിച്ച്‌ ലോഹം വേര്‍തിരിക്കാവുന്ന തരത്തിലുള്ള ഏത്‌ ഖനിജവും. അലോഹ ധാതുക്കള്‍ വേര്‍തിരിച്ച്‌ എടുക്കാവുന്ന മറ്റു ഖനിജങ്ങളെയും പറയും. |
| organ | അവയവം | അവയവം |
| organelle | സൂക്ഷ്‌മാംഗം | കോശികാംഗം. കോശങ്ങള്‍ക്കകത്ത്‌ കാണുന്ന പ്രത്യേക ഘടനയും, ധര്‍മവുമുള്ള ഭാഗങ്ങള്‍. |
| organic | കാര്‍ബണികം | ജൈവം. ഉദാ: organic chemistry. |
| organizer | ഓര്‍ഗനൈസര്‍. | ജന്തുക്കളുടെ ഭ്രൂണത്തിലെ ഒരു പ്രത്യേക ഭാഗം. ഇത്‌ സമീപത്തുള്ള കലകളുടെ വിഭേദനത്തെ പ്രരിപ്പിക്കുന്നു. ഉദാ: ഉഭയജീവികളുടെ ഭ്രൂണത്തിലെ ബ്ലാസ്റ്റോപോറിന്റെ മുകളിലത്തെ ചുണ്ട്‌. |
| organogenesis | അംഗവികാസം. | ഭ്രൂണവികാസത്തിന്റെ ഭാഗമായി സംഭവിക്കുന്ന അംഗങ്ങളുടെ രൂപീകരണം. |
| orientation | അഭിവിന്യാസം. | ശരീരമോ ശരീരഭാഗങ്ങളോ ഉദ്ദീപനത്തിന്‌ ആപേക്ഷികമായി പ്രത്യേക വിധത്തില്‍ വിന്യസിക്കുന്നത്‌. |
| origin | മൂലബിന്ദു. | 1. അളവുകള്‍ എടുക്കുന്നതിന്റെ അടിസ്ഥാന ബിന്ദു. 2. കാര്‍ടീഷ്യന്‍ ജ്യാമിതിയില്‍ അക്ഷങ്ങളുടെ സംഗമ ബിന്ദു. |
| Orion | ഒറിയണ്‍ | ഒരു നക്ഷത്രമണ്ഡലം. ഈ മണ്ഡലത്തിലാണ്‌ ഭാരതീയര്‍ ത്രിമൂര്‍ത്തികള്‍ എന്നും പാശ്ചാത്യര്‍ ഒറയോണ്‍ബെല്‍റ്റ്‌ എന്നും പറയുന്ന നക്ഷത്രങ്ങളും, തിരുവാതിര, റീഗല്‍, മകയിരം എന്നീ നക്ഷത്രങ്ങളും ഉള്ളത്‌. |
| orionids | ഓറിയനിഡ്‌സ്‌. | ഒക്‌ടോബര്‍ ഒടുവില്‍ ഓറിയോണ്‍ രാശിയുടെ ദിശയില്‍ പ്രത്യക്ഷപ്പെടുന്ന ഉല്‍ക്കാവര്‍ഷം. ഹാലി ധൂമകേതുവിന്റെ വാലിന്റെ അവസിഷ്‌ടങ്ങളാണ്‌ ഉല്‍ക്കകളായി പതിക്കുന്നത്‌. |
