Home » ശാസ്ത്രം » ശാസ്ത്ര ചിന്തകൾ » അന്റാര്‍ട്ടിക്കയുടെ പുതിയ ഉപഗ്രഹ ചിത്രങ്ങള്‍

അന്റാര്‍ട്ടിക്കയുടെ പുതിയ ഉപഗ്രഹ ചിത്രങ്ങള്‍

ലോകമെമ്പാടുമുള്ള ഗവേഷകര്‍ക്ക് ആഹ്ളാദിക്കാന്‍ വക നല്‍കി, അന്റാര്‍ട്ടിക്കയുടെ പുതിയ ഉപഗ്രഹ ചിത്രങ്ങള്‍ വാട്ടര്‍ലൂ സര്‍വ്വകലാശാല പുറത്തുവിട്ടിരിക്കുന്നു. കാലവസ്ഥാവ്യതിയാനത്തെക്കുറിച്ച് പുതിയ ഉള്‍ക്കാഴ്ചകള്‍ നല്‍കുവാന്‍ ഈ ചിത്രങ്ങള്‍ സഹായകമാകുമെന്ന് കരുതുന്നു.

artic mosic
കടപ്പാട് : MacDonald, Dettwiler and Associates Ltd. (2008)

കനേഡിയന്‍ സ്പേസ് ഏജന്‍സിയും മക്ഡൊണാള്‍ഡ്, ഡെറ്റ്വിലര്‍ ആന്‍ഡ് ആസോസിയേറ്റ് ലിമിറ്റഡും വാട്ടര്‍ലൂ സര്‍വ്വകലാശാലയിലെ കനേഡിയന്‍ ക്രയോസ്ഫെറിക് ഇന്‍ഫര്‍മേഷന്‍ നെറ്റ്‌വര്‍ക്കും (CCIN) സംയുക്തമായി ആവിഷ്കരിച്ചിട്ടുള്ള RADARSAT-2 -ല്‍ നിന്നുമുള്ള ചിത്രങ്ങളാണ് ഇപ്രകാരം പൊതുജനങ്ങള്‍ക്കും ഗവേഷകര്‍ക്കുമായി സൗജന്യമായി ലഭ്യമാക്കിയിരിക്കുന്നത്.

2008 -ലെ ശീതകാലത്ത് റഡാര്‍സാറ്റ് -2 ഉപഗ്രഹത്തിലുള്ള സിന്തറ്റിക് അപ്പര്‍ച്ചര്‍ റഡാര്‍ ഉപയോഗിച്ച് അന്റാര്‍ട്ടിക്കയുടെ മുക്കും മൂലയും വരെ അരിച്ചുപെറുക്കി കനേഡിയന്‍ സ്പേസ് ഏജന്‍സി സമാഹരിച്ച 3150 ചിത്രങ്ങളാണ് ഈ ശേഖരത്തിലുള്ളത്. റഡാര്‍സാറ്റ് -1 ഉപയോഗിച്ച് 1997 -ല്‍ തയ്യാറാക്കിയ ചിത്രങ്ങള്‍ക്കു ശേഷം ഇതാദ്യമായിട്ടാണ് ഇത്രയും വിപുലമായ ദൃശ്യങ്ങള്‍ ലഭിക്കുന്നത്.

അന്റാര്‍ട്ടിക്കയുടെ മാറ്റമില്ലാത്ത ഐസ് പുതപ്പിനെക്കുറിച്ചും ഈ മേഖലയെക്കുറിച്ചും പഠിക്കുന്ന കാലാവസ്ഥാ നിരീക്ഷകര്‍ക്കും ഭൗമശാസ്ത്രജ്ഞര്‍ക്കും, ജീവശാസ്ത്രജ്‍ഞര്‍ക്കും, സമുദ്രഗവേഷകര്‍ക്കും ഏറെ താല്പര്യം ജനിപ്പിക്കുന്നതായിക്കുമെന്ന്  CCIN ഡയറക്ടര്‍ പ്രൊഫസര്‍ എല്‍സ്വര്‍ത്ത് ലീഡ്ര്യൂ അഭിപ്രായപ്പെട്ടു. ഗവേഷണ സ്രോതസ്സുകളും ഫലങ്ങളും വൈജ്ഞാനിക സമൂഹത്തിന് പങ്കുവെയ്കുന്നതില്‍ ബദ്ധ ശ്രദ്ധനാണ് അദ്ദേഹം.

അന്റാര്‍ട്ടിക്കയുടെ മൊസൈക്ക് മാപ്പ്  https://www.polardata.ca/pdcsearch/ എന്ന ലിങ്കിലാണ് ലഭ്യമാക്കിയിട്ടുള്ളത്. റഡാര്‍സാറ്റ് -1 ലെ ദൃശ്യങ്ങളുമായി ഇപ്പോഴുള്ളതിനെ താരതമ്യപ്പെടുത്തുമ്പോള്‍ ഈ മേഖലയിലെ മാറ്റങ്ങള്‍ സംബന്ധിച്ച് വിപുലമായ ഉള്‍ക്കാഴ്ചകള്‍ ലഭിക്കുമെന്ന് കരുതുന്നു. ആര്‍ട്ടിക്ക് പ്രദേശങ്ങളിലെ മാറ്റം കാലാവസ്ഥാ വ്യതിയാനത്തിന്റെ ദിശാ സൂചകമായിട്ടാണ് കണക്കാക്കുന്നത്.

സ്രോതസ്സ് : വാട്ടര്‍ ലൂ സര്‍വ്വകലാശാല

LUCA Science Quiz

Check Also

കപടശാസ്ത്രക്കാരുടെ വികലന്യായങ്ങൾ

ശാസ്ത്രീയ മനോവൃത്തി (scientific temper) വലിയ വെല്ലുവിളി നേരിട്ടുകൊണ്ടിരിക്കുന്ന ഒരു ഘട്ടത്തിലൂടെ ഇന്ത്യൻ സമൂഹം കടന്നുപോകുന്ന ഈ സമയത്ത് സാഗൻ ഇരുപത്തഞ്ചു വര്‍ഷങ്ങള്‍ക്ക് മുൻപ് എഴുതിയ ഈ പുസ്തകം ഏറെ ശ്രദ്ധാർഹമാണ്. സോഷ്യൽ മീഡിയയിൽ വരുന്ന ഫോർവേഡുകളായും, രാഷ്ട്രീയ സാംസ്‌കാരിക നായകന്മാരുടെ പ്രസ്താവനകളായും കപടശാസ്ത്രം (Pseudo Science) ഇന്ന് സമൂഹത്തിൽ പിടിമുറുക്കിക്കൊണ്ടിരിക്കുന്ന കാലമാണിത്. അന്ധവിശ്വാസങ്ങൾക്ക് ശാസ്ത്രത്തിന്റെ പിന്‍ബലമുണ്ട് എന്ന് സ്ഥാപിക്കാനുള്ള ശ്രമങ്ങൾ ഇവയിലൂടെ സജീവമായി നടക്കുമ്പോൾ കപടശാസ്ത്രവാദക്കാർ പ്രധാനമായി ഉന്നയിക്കുന്ന 20 കുയുക്തികളെ (Logical fallacies) സാഗൻ തന്റെ പുസ്തകത്തിൽ ചൂണ്ടിക്കാണിക്കുന്നു. അവയെ വിശദമായി പരിശോധിക്കാം.

Leave a Reply

%d bloggers like this: