ചാന്ദ്രയാത്ര- ഒരു ഫോട്ടോകഥ

ഭൂമിക്ക് ചുറ്റും, ഉപരിതലത്തിൽ നിന്ന് 600 കിലോമീറ്റർ മുകളിലായി ഏതാണ്ട് ഉഴുന്നുവട ആകൃതിയിൽ ഉള്ള റേഡിയേഷൻ സോൺ കണ്ടെത്തിയ ശാസ്ത്രജ്ഞന്റെ  പേരിലാണ് വാൻ അലെൻ മേഖല അറിയപ്പെടുന്നത്. സൂര്യനിൽ നിന്നുള്ള ശക്തമായ വികിരണങ്ങളെ ഭൂമിയുടെ കാന്തിക വലയം ട്രാപ്പ് ചെയ്യുന്നതാണ് ഈ റേഡിയേഷൻ സോൺ . ഉന്നത ഊർജ്ജമുള്ള പ്രോട്ടോണുകളുള്ളതും  വലിപ്പം കുറഞ്ഞതുമായ   ഇന്നർ ബെൽട്ടും താരതമ്യേന ഊർജം കുറഞ്ഞ ഇലക്ടോണുകൾ ഉള്ള ഔട്ടർ ബെൽട്ടും അടങ്ങിയതാണ് വാൻ അലെൻ ബെൽറ്റ് . അപ്പോളോ 11, ഇന്നർ ബെൽറ്റിലൂടെ വളരെ കുറച്ച് മിനിറ്റുകൾ മാത്രം സഞ്ചരിച്ചു. എന്നാൽ   ഔട്ടർ ബെൽറ്റിലൂടെ ഒന്നര മണിക്കൂർ യാത്ര ചെയ്തു. അലുമിനിയം ഫോയിലുകൾ ചെറിയ വികിരണങ്ങളെ തടയാൻ മതിയായിരുന്നു.

ഭൂമിയിലെ മേൽമണ്ണ് ഉണ്ടായിരിക്കുന്നത് പ്രധാനമായും അവസാദ ശിലകൾ പൊടിഞ്ഞും ജൈവാവശിഷ്ടങ്ങൾ അഴുകിപ്പൊടിഞ്ഞ് ചേർന്നും ആണ്. ചന്ദ്രോപരിതലത്തിൽ ജൈവാംശം ഇല്ലാത്തതിനാൽ മേൽമണ്ണ് ഉൽക്കാപതനം മൂലം ഉണ്ടായവ ആണ്. നനവില്ലെങ്കിലും പൊടി മണ്ണിന്റെ  അഗ്രങ്ങൾ കുർത്ത് നിൽക്കുന്നവയായതിനാൽ നന്നായി ചേർന്നു നിൽക്കും. അതിനാൽ ആസ്ട്രനട്ടുകളുടെ ബ്യൂട്ടിന്റെ അടയാളങ്ങൾ ഭൂമിയിലെ കുഴച്ച ചെളിയിൽ ചവിട്ടി ഉണ്ടായതുപോലെ വ്യക്തമായി കാണാം.

മോഡ്യൂളിനുള്ളിൽ – മൂവരും – അന്തരീക്ഷത്തിലേക്ക് പ്രവേശിക്കുന്നതോടെ ഘർഷണം മൂലം ഉണ്ടാവുന്ന അതി ഭയങ്കരമായ ചൂടിൽ നിന്ന് രക്ഷപ്പെടാനുള്ള സജ്ജീകരണങ്ങളോടെ – അതിവേഗത്തിൽ താഴോട്ട് വീഴുന്ന വാഹനം..മൂവരും കിടു കിടാന്ന് വിറച്ച് ഇരിക്കുന്നുണ്ടാവും