1642-ൽ കൂട്ടാനും കുറയ്ക്കാനും ഗുണിക്കാനും ഹരിക്കാനും കഴിയുന്ന യന്ത്രം ബെയ്സി പാസ്കൽ കണ്ടുപിടിച്ചു.

1679-ൽ ഗോഡ്ഫ്രൈഡ് വിൽഹെം ലെബിനിസ് ബൈനറി കോഡ് സിസ്റ്റം വികസിപ്പിച്ചെടുത്തു.

1834-ൽ പഞ്ച് ചെയ്ത കാർഡുകൾ ഉപയോഗിച്ച് പ്രോഗ്രാം ചെയ്യാവുന്ന ഉപകരണം എന്ന ആശയം ചാൾസ് ബാബേജ് ആവിഷ്കരിച്ചു.

1842-ൽ ചാൾസ് ബാബേജിന്റെ പഞ്ച് കാർഡ് മെഷീന്റെ സഹായത്തോടെ ഗണിതശാസ്ത്ര പ്രശ്നത്തിന് ഉത്തരം കണ്ടെത്തുന്നതിനുള്ള പടിപടിയായ പ്രവർത്തനം അഡാലസ് വിശദീകരിച്ചു. അതുവഴി, ആദ്യ പ്രോഗ്രാമർ എന്ന ഖ്യാതി സ്വന്തമാക്കുകയും ചെയ്തു.

1847-ൽ ജോർജ് ബൂളി ബൂളിയൻ ലോജിക്കിന് രൂപം നൽകി. ഏത് മൂല്യവും ശരി അല്ലെങ്കിൽ തെറ്റ് എന്നതിലേക്ക് ചുരുക്കാൻ കഴിയുമെന്നതായിരുന്നു ബൂളിയൻ ലോജിക്കിന്റെ സവിശേഷത

1936-ൽ ഒരു കൂട്ടം നിർദേശങ്ങൾ മനസ്സിലാക്കാനും അതനുസരിച്ച് പ്രവർത്തിക്കാനും കഴിയുന്ന യന്ത്രമെന്ന ആശയം അലൻ ടൂറിങ് പങ്കുവച്ചു. ഇതുമായി ബന്ധപ്പെട്ട് അദ്ദേഹം പ്രസിദ്ധീകരിച്ച പഠനം കമ്പ്യൂട്ടർ സയൻസിന്റെ അടിസ്ഥാനമായി വിലയിരുത്തപ്പെടുന്നു.

1952-ൽ ആർതർ സാമുവൽ ഐ ബി എം കമ്പ്യൂട്ടറുകൾക്കായി പ്രോഗ്രാം തയ്യാറാക്കി.

1959-ൽ ആർതർ സാമുവൽ മെഷീൻ ലേണിങ് എന്ന വാക്ക് ആദ്യമായി ഉപയോഗിച്ചു.

1959-ൽ ആദ്യത്തെ കൃത്രിമ ന്യൂറൽ നെറ്റ് വർക്ക് MADALINE പ്രയോഗത്തിൽ വന്നു. ടെലിഫോൺ ലൈനുകളിലെ പ്രതിധ്വനി ഒഴിവാക്കുന്നതിനായാണ് ഇത് ഉപയോഗിച്ചത്.

1985-ൽ ടെറി സെജിനോവ്സ്കിയുടെയും ചാൾസ് റോസ്ബെർഗിന്റെയും (Terry Sejnowski’s and Charles Rosenberg’s ) കൃത്രിമ ന്യൂറൽ നെറ്റ് വർക്ക് ഒരാഴ്ച കൊണ്ട് 20000 വാക്കുകൾ കൃത്യമായി ഉച്ചരിക്കാൻ പഠിച്ചു.

1997-ൽ ഐ ബി എമ്മിന്റെ ഡീപ് ബ്ലൂ ലോക ചെസ് ചാമ്പ്യൻ ഗാരി കാസ് പറോവിനെ പരാജയപ്പെടുത്തി.

1999-ൽ CAD (Computer-aided diagnosis) പ്രോട്ടോടൈപ്പ് അടിസ്ഥാന വർക്ക്സ്റ്റേഷൻ 22000 മാമോഗ്രാമുകൾ പരിശോധിക്കുകയും ഡോക്ടറെക്കാൾ കൃത്യതയോടെ കാൻസർ കണ്ടെത്തുകയും ചെയ്തു.

2006-ൽ ന്യൂറൽ നെറ്റ് ഗവേഷണം വിശദീകരിക്കുന്നതിനായി കമ്പ്യൂട്ടർ സയന്റിസ്റ്റ് Geoffrey Hinton ഡീപ് ലേണിങ് എന്ന പദം ആദ്യമായി ഉപയോഗിച്ചു.

2012-ൽ ഗൂഗിൾ വികസിപ്പിച്ചെടുത്ത ന്യൂറൽ നെറ്റ് വർക്ക് മനുഷ്യ മേൽനോട്ടമില്ലാതെ 74.8 ശതമാനം കൃത്യതയോടെ യുട്യൂബ് വീഡിയോകളിലെ പൂച്ചകളെ തിരിച്ചറിഞ്ഞു.

2014-ൽ ചാറ്റ്ബോട്ട് ടൂറിങ് ടെസ്റ്റ് വിജയിച്ചു. 33 ശതമാനം വിധികർത്താക്കളെ താൻ ഉക്രൈൻകാരനായ കൗമാരക്കാരൻ യൂജിൻ ഗുസ്റ്റമാൻ ആണെന്ന് ബോധ്യപ്പെടുത്തിയായിരുന്നു ചാറ്റ്ബോട്ടിന്റെ ഈ നേട്ടം.

2014-ൽ ലോകത്തിലെ ഏറ്റവും പ്രയാസകരമായ ബോർഡ് ഗെയിമായ ഗോ-യിലെ ചാമ്പ്യനെ ഗൂഗിളിന്റെ ആൽഫാഗോ പരാജയപ്പെടുത്തി.

2016-ൽ ഡീപ്മെൻഡിന്റെ ആർട്ടിഫിഷ്യൽ ഇന്റലിജൻസ് സംവിധാനമായ ലിറ്റ് വീഡിയോകളിലെ വ്യക്തികളുടെ ചുണ്ടുകളുടെ അനക്കം വിലയിരുത്തി 93.4 ശതമാനം കൃത്യതയോടെ വാക്കുകൾ തിരിച്ചറിഞ്ഞു.

2019-ൽ അമേരിക്കയിലെ വെർച്വൽ അസിസ്റ്റിന്റെ വിപണിയുടെ 70 ശതമാനം ആമസോൺ നിയന്ത്രിക്കുന്നു.

2022 നവംബർ 30-ന് ചാറ്റ് ജി പി ടി അവതരിപ്പിച്ചു. സാൻഫ്രാൻസിസ്കോ ആസ്ഥാനനായ ഡാൽ ഇ-2-വും വിസ്പർ എ ഐ-യുമാണ് ചാറ്റ് ജി പി ടിക്ക് പിന്നിൽ. ലാർജ് ലാംഗ്വേജ് മോഡലുകൾ എന്നറിയപ്പെടുന്ന നാചുറൽ ലാംഗ്വേജ് പ്രോസസ്സിങ് മാതൃകകളിലെ മറ്റൊരു മുന്നേറ്റമാണ് ചാറ്റ് ജി പി ടി.