പുതിയ മരുന്നുകൾ പരീക്ഷിക്കുമ്പോൾ

നൂറു ശതമാനം ഫലപ്രദവും സുരക്ഷിതവുമായ ഔഷധങ്ങളൊന്നും തന്നെ കോവിഡ് 19 ൽ കണ്ടെത്തിയിട്ടില്ല. ചികിത്സിക്കുന്ന ഡോക്ടർമാർ മറ്റു മരുന്നുകൾ രോഗശമനത്തിന് ഉപയോഗിക്കാൻ സാധ്യതയുണ്ട്. ലോകത്തിൻറെ വിവിധ ഭാഗങ്ങളിൽ ഈവിധം ശ്രമങ്ങൾ നടക്കുന്നുമുണ്ട്. ഇതേക്കുറിച്ചു ലോകാരോഗ്യ സംഘടനയുടെ അഭിപ്രായമിതാണ്.

• കോവിഡ് 19 നു അംഗീകരിച്ചിട്ടില്ലാത്ത മരുന്നുകൾ പല ഡോക്ടർമാരും നൽകിവരുന്നു. ഡോക്ടർമാർ അതാത് രാജ്യങ്ങളിൽ നിലനിൽക്കുന്ന നിയമങ്ങൾക്കനുസരിച്ചു മാത്രമേ ഇങ്ങനെ മരുന്നുകൾ നല്കാൻ പാടുള്ളൂ. മറ്റു രോഗങ്ങൾക്ക് ആവശ്യമായ ഇത്തരം മരുന്നുകൾ കോവിഡ് രോഗത്തിൽ ഉപയോഗിക്കുമ്പോൾ അമിത മാധ്യമ പരസ്യമുണ്ടാകരുത്. കാരണം ഇത് മരുന്നുകൾ കൂട്ടിവെയ്ക്കാനും മറ്റു രോഗങ്ങളുള്ളവർക്ക് മരുന്നുകളുടെ ദൗർലഭ്യം ഉണ്ടാകുകയും ചെയ്യും.
• എല്ലാ രോഗികൾക്കും പുതിയ മരുന്ന് നല്കുകയല്ല വേണ്ടത്. ഓരോ രോഗിയുടെയും രോഗനിലയും അവസ്ഥയും അനുസരിച്ചു വ്യക്തി തലത്തിൽ എടുക്കേണ്ട തീരുമാനമാണത്.
• പരീക്ഷണാർത്ഥത്തിൽ പുതിയ മരുന്നുകൾ നൽകാമെങ്കിലും ഇത് രോഗിയുടെയും, ഉത്തരവാദിത്തപ്പെട്ട അടുത്ത ബന്ധുവിനെയും അറിവും സമ്മതവും ഉണ്ടായിരിക്കണം. അതിനാവശ്യമായ സമ്മതവും വാങ്ങിയിരിക്കണം. പരീക്ഷിക്കപ്പെട്ട മരുന്നിന്റെ പ്രവർത്തന ഫലം രേഖപ്പെടുത്തുകയും അംഗീകൃത മാർഗ്ഗങ്ങളിലൂടെ അറിവുകൾ പങ്കുവയ്ക്കുകയും വേണം.
• ക്ലിനിക്കൽ പരീക്ഷണമായി വികസിപ്പിക്കാൻ സാധ്യതയുള്ള ഇടങ്ങളിൽ ഡോക്ടർമാർ അപ്രകാരം ചെയ്യേണ്ടതാണ്.