പിൻവീൽ ഗ്യാലക്സിയിലെ സൂപ്പർനോവ -കേരളത്തിൽ നിന്നുള്ള കാഴ്ച്ച

Read Time:3 Minute

ഡോ.നിജോ വർഗീസ്

അസി. പ്രൊഫസർ

എസ്.എച്ച്.കോളേജ് , ചാലക്കുടി

സപ്തർഷികൾ എന്നറിയപ്പെടുന്ന നക്ഷത്രരാശിക്കടുത്തായി കാണുന്ന പിൻവീൽ ഗ്യാലക്സിയിൽ, ഈ കഴിഞ്ഞ മെയ് മാസം 19-നാണ് സൂപ്പർനോവയെ കാണപ്പെട്ടതായി ആദ്യം റിപ്പോർട്ട് ചെയ്തത്.
കഴിഞ്ഞ 5 വർഷത്തിനിടെ ഭൂമിക്കു ഏറ്റവും അടുത്തായി കാണപ്പെട്ട ഈ സൂപ്പർനോവ ഏതാണ്ട് 2 കോടി പ്രകാശവർഷം അകലെയാണ്.
സൂര്യനെക്കാൾ പതിന്മടങ്ങു ഭാരമുള്ള നക്ഷത്രങ്ങൾ പരിണാമത്തിന്റെ അവസാന നാളുകളിൽ ന്യൂക്ലിയർ ഊർജ്ജ സ്രോതസ്സുകൾ തീരുമ്പോൾ അകക്കാമ്പു തകർന്നു പൊട്ടിത്തെറിക്കുന്നതാണ് സൂപ്പർനോവയായി ദൃശ്യമാകുന്നത്.
സൂര്യൻ അതിന്റെ ജീവിതകാലം മുഴുവൻ പുറത്തുവിടുന്ന ഊർജ്ജത്തെക്കാൾ കൂടുതലായിരിക്കും സൂപ്പർനോവ സ്പോടനത്തിൽ ഉണ്ടാക്കപ്പെടുന്നത്. അതിനാലാണ് ഇത്രയും ദൂരെനിന്നുപോലും നമുക്ക് ഇവയെ കാണാൻ സാധിക്കുന്നത്.
അവശേഷിക്കുന്ന അകക്കാമ്പ് ന്യൂട്രോൺ സ്റ്റാറോ ബ്ലാക്ക് ഹോളോ ആയിത്തീരും.
ഏതാനും മാസക്കാലം കൂടി സൂപ്പർനോവയെ സാമാന്യം നല്ല ഒരു ടെലിസ്കോപ്പിലൂടെ കാണാനാകും..