നാശനഷ്ട ഫണ്ടിലേക്കുള്ള സംഭാവന

1. അനെക്സ്-1 രാജ്യങ്ങൾ 2025 മുതൽ പ്രതിവർഷം 100 ബില്യൺ യുഎസ് ഡോളർ നാശനഷ്ടഫണ്ടി- ലേക്ക് സംഭാവന നൽകണം, അത് 1850 – 2020 വരെയുള്ള ക്യുമുലേറ്റീവ് എമിഷനിലേക്കുള്ള (എല്ലാ അനെക്സ്-1 എമിഷനുകളും കണക്കിലെടുത്ത്) അവരുടെ വിഹിതത്തിന് ആനുപാതികമായിരിക്കണം. COP-29-ൽ സ്ഥാപിതമായ ഒരു പ്രക്രിയയിലൂടെ ഫണ്ട് എല്ലാ അനെക്സ്-1 ഇതര രാജ്യങ്ങളെയും പിന്തുണയ്ക്കും.
2. അനെക്സ്-1 രാജ്യങ്ങൾ 2030 മുതൽ പ്രതിവർഷം 100 ബില്യൺ യുഎസ് ഡോളർ നാശനഷ്ട ഫണ്ടിലേക്ക് സംഭാവന നൽകണം, അത് 1990 വരെയുള്ള ക്യുമുലേറ്റീവ് എമിഷനിലേക്കുള്ള അവരുടെ വിഹിതത്തിന് ആനുപാതികമായിരിക്കണം.COP-29-ൽ സ്ഥാപിതമായ ഒരു പ്രക്രിയയിലൂടെ അവികസിത രാജ്യങ്ങളെയും (LDC) ചെറിയ ദ്വീപ് രാഷ്ട്രങ്ങളെയും ഫണ്ട് പിന്തുണയ്ക്കും.
3. നഷ്ടത്തിനും നാശനഷ്ടത്തിനും ഉള്ള സംഭാവന രാജ്യങ്ങൾ സ്വമേധയാ നൽകണം.

ഫോസിൽ ഇന്ധനങ്ങൾ ഘട്ടം ഘട്ടമായി ഇല്ലാതാക്കുന്നു

1. Annex-I രാജ്യങ്ങൾ 2035 ഓടെ എല്ലാ ഫോസിൽ ഇന്ധനങ്ങളും നിർത്തലാക്കണം.
2. 2035ഓടെ എല്ലാ രാജ്യങ്ങളും ഫോസിൽ ഇന്ധനങ്ങൾ നിർത്തലാക്കണം.
3. 2035 -ഓടെ എല്ലാ രാജ്യങ്ങളും കൽക്കരി നിർത്തലാക്കണം.

കാലാവസ്ഥാ പ്രവർത്തനം ത്വരിതപ്പെടുത്തുന്നതിന് ആഗോള ബൗദ്ധിക സ്വത്തവകാശ (IPR) വ്യവസ്ഥയെ പരിവർത്തനം ചെയ്യുന്നു

1. ചെലവ് വർദ്ധിപ്പിച്ച്, ലഭ്യത പരിമിതപ്പെടുത്തി, എൽ സി ടി കളുടെ വ്യാപനം നിയന്ത്രിച്ചു കൊണ്ട് വികസ്വര രാജ്യങ്ങളിലേക്ക് ലോ കാർബൺ സാങ്കേതികവിദ്യകളുടെ (എൽസിടി) സാങ്കേതിക കൈമാറ്റത്തിന് ബൗദ്ധിക സ്വത്തവകാശങ്ങൾ ഒരു തടസ്സമാണ്. ആഗോള സമ്പദ്‌വ്യവസ്ഥയുടെ കാര്യക്ഷമവും ത്വരിത ഗതിയിലുള്ളതുമായ ഡീകാർബണൈസേഷനായി Annex-I മുതൽ non-Annex-I രാജ്യങ്ങളിലേക്ക് ഡീകാർബണൈ- സേഷനിൽ ഏറ്റവുമധികം സംഭാവന ചെയ്യുന്ന പ്രധാന LCT കളിലേക്കുള്ള കൈമാറ്റത്തിനുള്ള IPR-കൾ നീക്കം ചെയ്യണം
2. നവീകരണത്തെ പ്രോത്സാഹിപ്പിക്കുന്നതിനും നിക്ഷേപങ്ങളിൽ നിന്നുള്ള വരുമാനം ഉറപ്പാക്കുന്നതിനും ഐപിആറുകൾ അത്യന്താപേക്ഷിതമാണ്. വികസ്വര രാജ്യങ്ങൾക്ക് LCT-കളിലേക്കുള്ള പ്രവേശനം ഉറപ്പാക്കാൻ UNFCCC-യിൽ നിലവിലുള്ള സാങ്കേതിക സംവിധാനം ഉപയോഗിച്ച് രാജ്യങ്ങൾ തമ്മിലുള്ള സന്നദ്ധ സഹകരണവും ഉഭയകക്ഷി/ബഹുകക്ഷി കരാറുകളും സുഗമമാക്കേണ്ടതുണ്ട്.

ശേഷിക്കുന്ന കാർബൺ ബജറ്റിന്റെ ന്യായമായ വിഹിതത്തത്തെ പ്രവർത്തനക്ഷമമാക്കുന്നു

എല്ലാ രാജ്യങ്ങളും നെറ്റ് സീറോയിൽ എത്തുമ്പോഴേക്കും ശേഷിക്കുന്ന കാർബൺ ബജറ്റിന്റെ (ആർസിബി) ന്യായമായ വിഹിതത്തിൽ തന്നെ തുടരണം. രാജ്യങ്ങൾ അവരുടെ RCB-യുടെ ന്യായമായ വിഹിതം കവിയുന്നുവെങ്കിൽ, അവർ വർഷം തോറും ഏറ്റെടുക്കുന്ന കാർബൺ ബജറ്റിന് ഒരു ടണ്ണിന് CO2 ന് 100 USD എന്ന നിരക്കിൽ നൽകണം, അത് ഗ്രീൻ ക്ലൈമറ്റ് ഫണ്ടിലേക്ക് (GCF) വർഷം തോറും നൽകണം.

ഇന്ത്യ

ലോകത്തിലെ ഏറ്റവും വലിയ ജനാധിപത്യ രാഷ്ട്രമായ ഇന്ത്യ ജനസംഖ്യയിൽ ചൈനക്ക്  തൊട്ടുപിറകിൽ നിൽക്കുന്നു. വികസ്വര രാഷ്ട്രമായ ഇന്ത്യ ജനസംഖ്യാ സാന്ദ്രതയിൽ ഒന്നാമതാണ്. വൈവിധ്യമാർന്ന ഭൂപ്രദേശങ്ങൾ ഇന്ത്യയുടെ മറ്റൊരു പ്രത്യേകതയാണ്. ദാരിദ്ര്യനിവാരണം, ജനങ്ങളുടെ ആരോഗ്യം, തൊഴിൽ, ഗതാഗതം, മെച്ചപ്പട്ട ജീവിത സൗകര്യങ്ങൾ  അടിസ്ഥാനവികസനങ്ങൾ തുടങ്ങിയവക്ക് പ്രഥമ പരിഗണന നൽകേണ്ടതുണ്ട്. അതുകൊണ്ടു തന്നെ കാലാവസ്ഥാ വ്യതിയാനം നേരിടാനുള്ള മാർഗ്ഗങ്ങൾ അവലംബിക്കുക എന്നത് ഇന്ത്യക്ക് സാരമായ വെല്ലുവിളിയാണ്. ചരിത്രപരമായി കാലാവസ്ഥാ വ്യതിയാനത്തിന്റേയും ആഗോളതാപനത്തിന്റേയും കാരണമായ ഹരിതഗൃഹ വാതകങ്ങളുടെ കാര്യത്തിൽ ഇന്ത്യക്ക് വളരെ ചെറിയ പങ്കാണു ള്ളത്. അതുകൊണ്ടു തന്നെ താരതമ്യേന ചെലവ്  ചുരുങ്ങിയ ഫോസിൽ ഇന്ധനങ്ങളെ പൂണ്ണമായും ഉപേക്ഷിക്കാൻ ഇന്ത്യക്ക് ഇപ്പോൾ സാധ്യമല്ല. ഗ്രീൻ ടെക്നോളജിയിലേക്ക് പൂർണ്ണമായും ചുവടു മാറ്റാൻ സാങ്കേതിക വിദ്യയും സാമ്പത്തികഭദ്രതയും കൈവരിക്കേണ്ടതുണ്ട്. Renewable energy രംഗത്ത് ഇന്ത്യ ഇപ്പോൾ തന്നെ ധാരാളം പുതിയ കാൽവെയ്പുകൾ നടത്തിവരുന്നു. എന്നാൽ വർഷങ്ങൾ നീണ്ട കൊളോണിയൽ അധിനിവേശം, ജനപ്പെരുപ്പം തുടങ്ങിയ കാരണങ്ങൾ കൊണ്ട് ഇന്ത്യക്ക് ഇത് മറ്റുപല രാജ്യങ്ങളെ പോലെ എളുപ്പമല്ല. വികസന കാര്യത്തിൽ ആദിവാസികൾ ഉൾപ്പെടുന്ന ദരിദ്രരും പാർശ്വവൽക്കരിക്കപ്പെട്ടവരുമായ സമൂഹത്തിന് പ്രത്യേകപരിഗണന കൊടുക്കേണ്ടതുണ്ട്. എല്ലാ വിഭാഗങ്ങളേയും ഉൾക്കൊള്ളിച്ചുള്ള ഒരു inclusive strategy ആണ് ഇന്ത്യ നടപ്പിലാക്കാൻ ശ്രമിക്കുന്നത്.

എങ്കിലും കാലാവസ്ഥാ വ്യതിയാനത്തെ ചെറുക്കാനുള്ള ആഗോളശ്രമങ്ങളിൽ നിന്നും ഇന്ത്യ പുറകോട്ടു പോകുന്നില്ല. ആഗോള സഹായവും സഹകരണവും ഇക്കാര്യത്തിൽഇന്ത്യക്ക് അത്യാവശ്യമാണ്. വികസിത രാജ്യങ്ങൾ ഇതിനോടകം തന്നെ ഗണ്യമായ carbon emission ചെയ്തു കഴിഞ്ഞു. അതുകൊണ്ടു തന്നെ കാലാവസ്ഥാ വ്യതിയാനത്തെ ചെറുക്കാൻ മറ്റു രാജ്യങ്ങളെ സഹായിക്കാനുള്ള ഉത്തരവാദിത്വത്തിൽ നിന്നും ഒഴിഞ്ഞു നിൽക്കാൻ അവർക്കാകില്ല.

ഈ പശ്‌ചാത്തലത്തിൽ ഈ COP 28 ഉച്ചകോടിയിൽ ഉന്നയിച്ചിട്ടുള്ള പ്രമേയങ്ങളിൽ  ഇന്ത്യയുടെ നിലപാട് താഴെ പറയും വിധമാണ്.

1.  Loss and damage fund സംബന്ധിച്ച് – Annex 1 രാജ്യങ്ങൾ1850 മുതലുള്ള cumulative emission കണക്കിലെടുത്ത് 2025 മുതൽ loss and damage fund ലേക്ക് പ്രതിവർഷം100 billion USD നിരക്കിൽ non-annex 1 രാജ്യങ്ങളെ സഹായിക്കാനായി നൽകണം.

2.Phasing out fossil fuels സംബന്ധിച്ച് – എല്ലാ annexure 1 രാജ്യങ്ങളും fossil fuelന്റെ ഉപയോഗം2035 ഓടു കൂടി നിർത്തണം

3. IPR സംബന്ധിച്ച് – എല്ലാ Annexure 1 രാജ്യങ്ങളും IPR വ്യവസ്ഥകളിൽ ഇളവുവരുത്തി low carbon technologies Non Annex 1 രാജ്യങ്ങൾക്ക് നൽകണം

4. Fair share  സംബന്ധിച്ച് – എല്ലാ രാജ്യങ്ങൾക്കും അവരവരുടെ RCB യിൽ നിന്നു കൊണ്ടുള്ള emissions മാത്രമേ നടത്താൻ കഴിയുകയുള്ളൂ. അല്ലാത്ത പക്ഷം അധികമായി ഉൽസർജ്ജിക്കുന്ന ഓരോ ടൺ CO2 നും100 billion USD നിരക്കിൽ പിഴ GCF ലേക്ക് അടക്കണം

ആഫ്രിക്കൻ യൂണിയൻ

പലസ്തീനിലും ഉക്രൈനിലും നടക്കുന്ന യുദ്ധങ്ങളെയും മനുഷ്യക്കുരുതിയെയും ആഫ്രിക്കൻ യൂണിയൻ അപലപിക്കുന്നു, യുദ്ധങ്ങൾ ഉടനടി നിർത്തണമെന്ന് ശക്തമായി ആവശ്യപ്പെടുന്നു.

മനുഷ്യവംശത്തിന്റെ കളിത്തൊട്ടിലും പിള്ളത്തൊട്ടിലുമായ ഞങ്ങളുടെ ഭൂഖണ്ഡത്തിനു മഹത്തായ ചരിത്രമാണുള്ളത്. മധ്യ ആഫ്രിക്കയിലെ റിഫ്ട് വാലി, ഓൾഡ് വൈ തടത്തിൽ രൂപപ്പെട്ട ആദിപിതാവും കിഴക്കൻ ആഫ്രിക്കയിൽ ജനിച്ച മൈറ്റോകോൺഡ്രിയൽ ആദിമാതാവുമാണ് മനുഷ്യകുലത്തിന്റെ വംശവൃക്ഷത്തിന്റെ തായ്‌വേരുകൾ. പരിസ്ഥിതിയെക്കുറിച്ചും കാലാവസ്ഥാമാറ്റത്തെക്കുറിച്ചും ആദ്യം ചിന്തിച്ചവരിൽ പ്രമുഖരായ സിയാറ്റിൻ മൂപ്പനും വാംഗാരി മാതായിയും ഞങ്ങളുടെ അഭിമാനമാണ്.

ഇന്ന് കാലാവസ്ഥ മാറ്റത്തിന്റെ കെടുതികൾ ഏറ്റവും കൂടുതൽ അനുഭവിക്കുന്നതും ലോകരാജ്യങ്ങളിൽ ഏറ്റവും അവികസിതവും പട്ടിണിയും കുടിവെള്ളമില്ലായ്മയും അനാരോഗ്യവും കുട്ടികളിലെ വളർച്ചക്കുറവും ഏറ്റവും കൂടുതൽ ഞങ്ങളുടെ യൂണിയനിൽപെട്ട രാജ്യങ്ങളിലാണ്. കാലാവസ്ഥ അഭയാർത്ഥികളാക്കപ്പെടുന്നവരിൽ ഏറെയും ഞങ്ങളാണ്. ഞങ്ങളുടെ പട്ടിണിക്കോലങ്ങളുടെയും ചെളിവെള്ളം നക്കിക്കുടിക്കുന്ന കുട്ടികളുടെയും ചിത്രങ്ങൾ പ്രചരിപ്പിച്ചു മേനി നടിക്കുന്ന നിങ്ങളുടെ വികസനത്തിന്റെ പിന്നിൽ, ഞങ്ങളുടെ മുൻ തലമുറകളിൽപെട്ട സമാധാന പ്രിയരെ ആക്രമിച്ചു കീഴടിക്കി ചങ്ങലയ്ക്കിട്ട്  കടത്തിക്കൊണ്ടുപോയി അടിമകളാക്കി നിങ്ങളുടെ കൃഷിയിടങ്ങളിലും മറ്റു പണിയിടങ്ങളിലും അധ്വാനിപ്പിച്ച ചരിത്രമാണുള്ളത്. സമ്പന്നമായിരുന്ന ഞങ്ങളുടെ ഖനിജങ്ങളും പ്രക്ര്യതി വിഭവങ്ങളും കൊള്ളയടിച്ചുകൊണ്ടുപോയും സമ്പന്നരായവരാണ് നിങ്ങൾ, വികസിത രാജ്യങ്ങൾ.

കാലാവസ്ഥാ മാറ്റത്തിന്റെ കാരണക്കാരായവരിൽ ഞങ്ങൾ ഏറ്റവും താഴെയാണെങ്കിലും അതിന്റെ കടുതികൾ ഏറ്റുവാങ്ങുന്നവരിൽ ഏറ്റവും മുകളിലാണ് ഞങ്ങൾ. ഭൂമിയുടെ ഉർവ്വരത നശിക്കൽ, വനനശീകരണം, ജൈവ വൈവിധ്യനാശം, മരുഭൂവൽക്കരണം തുടങ്ങിയ ആഘാതങ്ങൾ ഞങ്ങളെ നിരന്തരം വേട്ടയാടിക്കൊണ്ടിരിക്കുന്നു. കഴിക്കാൻ ഭക്ഷണം, കുടിക്കാൻ വെള്ളം, കുട്ടികൾക്ക് വിദ്യാഭ്യാസം, ആരോഗ്യം, കൃഷി, വ്യവസായം തുടങ്ങി എല്ലാ മേഖലയിലും പിന്നാക്കം നിൽക്കുന്ന ഞങ്ങളുടെ ഈ അവസ്ഥയ്ക്ക് കാരണക്കാർ ഞങ്ങളല്ല, നിങ്ങളാണ്. അതുകൊണ്ടുതന്നെ അവ പരിഹരിക്കാനുള്ള ചരിത്രപരവും മനുഷ്യത്വപരവുമായ ഉത്തരവാദിത്വവും നിങ്ങൾക്കാണെന്നു മറന്നു പോകരുത്.

5% മാത്രം ജനസംഖ്യയുള്ള അമേരിക്ക അന്തരീക്ഷത്തിലേക്ക് പുറത്തുവിടുന്ന ഹരിത ഗൃഹ വാതകങ്ങൾ ആകെയുടെ 18% ആണ്.

• 4 % ആളോഹരി GHG 1.1 ടൺ
• ഞങ്ങളിൽ ഏറ്റവും കൂടുതൽ GDP യുള്ള രാജ്യം നൈജീരിയ ആണ്. GDP US $ Billion
• Nigiria 477 .38
• Egypt 475 .23
• Senegal 27 .46

US 26954 Per Capita income $ 80 .21 thousand

• China 17786 -12 .54
• India 3730 -2 .61
• Canada 2122 – 53 .25

ഇതിനോട് ചേർത്ത് എടുത്തുപറയേണ്ട ഒരു വസ്തുതയാണ്, സുസ്ഥിര വികസനത്തിന്റെയും ക്ലീൻ എനർജിയുടെയും പാത ഇതിനോടകം ഞങ്ങളിൽ പല രാജ്യങ്ങളും സ്വീകരിച്ചുകഴിഞ്ഞു എന്നുള്ളത്.

ഞങ്ങളുടെ പൗരന്മാരുടെ സുരക്ഷയാണ് ഞങ്ങളുടെ മുഖ്യ പരിഗണന. അതിനായി ഞങ്ങളിൽ നിന്ന് കൊള്ളയടിച്ചു കൊണ്ടുപോയ സമ്പത്ത് ഞങ്ങൾക്ക് തിരിച്ചു കിട്ടേണ്ടതുണ്ട്. ഞങ്ങളുടെ മണ്ണും വെള്ളവും വായുവും ആകാശവും മലിനമാക്കിയ OECD , EU രാജ്യങ്ങളാണ് മുഖ്യമായും ആ കടമ നിർവ്വഹിക്കാനുള്ളത്.

Loss and Damage Fund ലേക്ക് $100 Bn കൊല്ലംതോറും നൽകാമെന്ന Paris Agreement 2015 ലെ വാഗ്ദാനം നിങ്ങൾ പാലിച്ചിട്ടില്ല. 2019 ൽ $79.6 Bn നൽകിയെന്ന് നിങ്ങൾ കൃത്രിമമായി സൃഷ്ടിച്ച കണക്കുകൾ പോലും അപര്യാപ്തത വെളിവാക്കുന്നു. L&D Fund വിഹിതം കാലാനുസൃതമായി വർധിപ്പിച്ച് ഞങ്ങൾക്കർഹതപ്പെട്ട വിഹിതം അനുവദിക്കണമെന്ന ആവശ്യവും ഞങ്ങൾ ശക്തമായി ഉന്നയിക്കുന്നു.

Fossil Fuel Phase out ന്റെ കാര്യത്തിൽ ഞങ്ങൾക്ക് കാര്യമായ പങ്ക് നിർവ്വഹിക്കാനില്ല. ഞങ്ങൾ 1.1 % മാത്രമാണ് ഉത്സർജ്ജിക്കുന്നത്. ഞങ്ങളുടെ വികസന പ്രവർത്തനങ്ങൾക്ക് മുൻഗണന നൽകി നിർവ്വഹിക്കാവുന്ന കടമ ഞങ്ങൾ നിറവേറ്റുക തന്നെ ചെയ്യും.

IPR വ്യവസ്ഥകൾ ലഘൂകരിച്ച് Technology യുടെ പ്രയോജനം ദരിദ്ര വിഭാഗങ്ങൾക്കും പ്രാപ്യമാകുമാറുള്ള നടപടികൾ UNEP യും UNFCC യും കൈക്കൊള്ളേണ്ടതാണ്. ഒപ്പം ടെക്നോളജി വികസനത്തിന് വേണ്ട incentive നൽകി patent ഉടമകളെ പ്രോത്സാഹിപ്പിക്കണം.

നിശ്ചിത Carbon Budget നുള്ളിൽ രാജ്യങ്ങൾ ഉപഭോഗവും ഉല്പാദനവും പരിമിതപ്പെടുത്തണം. അധികമാകുന്ന 1 Ton GHG യ്ക്ക് $100 എന്ന നിരക്കിൽ 2025 മുതൽ പിഴയൊടുക്കണം, Budget നു താഴെ emit ചെയ്ത രാജ്യങ്ങൾക്ക് ഈ തുക ആനുപാതികമായി വിതരണം ചെയ്യണം.

കാലാവസ്ഥാ വ്യതിയാനത്തെ അഭിമുഖീകരിക്കുന്നതിനുള്ള ആഗോള പ്രതികരണങ്ങളിൽ ആഫ്രിക്കയുടെ അഭിപ്രായങ്ങളും ആവശ്യങ്ങളും കണക്കിലെടുക്കണം. അതിനായി ഈ ലോകവേദിയിൽ ഞങ്ങളുടെ ശബ്ദം ഉച്ചത്തിൽ മുഴക്കുന്നു. ഞങ്ങളുടെ നിലപാടുകൾക്ക് ലോകരാഷ്ട്രങ്ങൾ പിന്തുണ നൽകണമെന്ന് അഭ്യർത്ഥിക്കുന്നു.

അഭിവാദ്യങ്ങൾ

ആഫ്രിക്കൻ യൂണിയൻ ടീം

ചൈന

Mock cop 28 ൽ ചൈനയെ പ്രതിനിധീകരിച്ചിട്ടുള്ള പ്രസ്താവനയാണ് ചുവടെ നൽകിയിട്ടുള്ളത്.

കാലാവസ്ഥ വ്യതിയാനം എന്ന ആഗോള പ്രശ്നത്തെ പരിഹരിക്കുക എന്ന കൂട്ടുത്തരവാദത്തെ  ഓർമ്മിപ്പിച്ചുകൊണ്ട് ഈ ഭൂമിയിലെ ജീവജാലങ്ങളുടെയാകെ ഭാവി നിശ്ചയിക്കുന്നതിൽ നിർണായകമായ ഈ ഉച്ചകോടിയിൽ പങ്കെടുക്കുന്ന എല്ലാവർക്കും പീപ്പിൾസ് റിപ്പബ്ലിക് ഓഫ് ചൈനയുടെ  അഭിവാദ്യങ്ങൾ.

 കഴിഞ്ഞുപോയ വർഷങ്ങളുടെ കണക്കെടുപ്പും, വരാനിരിക്കുന്ന കാലഘട്ടത്തിലേക്കുള്ള കണക്കെടുപ്പിനെ പറ്റി തീരുമാനവുമെടുക്കുന്ന ഈ വേദിയിൽ ചൈന വലിയ അഭിമാനത്തോടെയാണ് നിൽക്കുന്നത്. ഒരു വികസ്വര രാജ്യമെന്ന നിലയിൽ, ലോകത്തിന്റെ നെറുകയിൽ  നിൽക്കുന്ന സാമ്പത്തിക ശക്തിയായി വളരുമ്പോഴും, മറ്റ് വികസിത രാജ്യങ്ങളെക്കാൾ ജനസംഖ്യയിൽ മുന്നിട്ടു നിൽക്കുമ്പോഴും ചൈന ഉയർത്തിപ്പിടിക്കുന്ന ആശയം  സുസ്ഥിര വികസനത്തിന്റെതാണ്.

 ലോകത്താകമാനമുള്ള കണക്കെടുത്താൽ 80 ശതമാനത്തിൽ അധികം സോളാർ പാനലുകൾ കയറ്റി അയക്കുന്നത് ചൈനയിൽ നിന്നാണ്. ആഫ്രിക്കൻ യൂണിയനുകളിലുള്ള രാജ്യങ്ങളെ സാമ്പത്തികമായി സഹായിക്കുന്ന കാര്യത്തിലായാലും, ചെറിയ ദ്വീപ് രാജ്യങ്ങളെ വികസന പ്രക്രിയകളിൽ സഹായിക്കുന്ന കാര്യത്തിലായാലും ചൈനയുടെ പങ്ക് വിസമ്മതിക്കാനാവാത്തതാണ്. ഇതിനായി ഏകദേശം 3.18 Billion USD  ആണ് ചൈന  2021 ൽ മാത്രം ചിലവാക്കിയത്. യൂറോപ്പ്യൻ യൂണിയൻ അവരുടെ  64 ശതമാനം ഈ വേസ്റ്റുകൾ  ആഫ്രിക്കൻ വൻകരയിലേക്ക് തള്ളുമ്പോൾ ചൈന കയറ്റിയക്കുന്നത് വികസനത്തെയാണ് എന്ന് അടിവരയിടുന്നതാണ് ഈ കണക്കുകൾ.

 ഭൂമി അതിന്റെ ഊഷ്മ ഘട്ടത്തിലൂടെ കടന്നു പോകുമ്പോൾ മനുഷ്യനിർമ്മിത പ്രവർത്തനങ്ങൾ ആഗോളതാപനത്തിന്റെ ആക്കം കൂട്ടുകയാണല്ലോ ചെയ്യുന്നത്. 1850 കളിൽ ആരംഭിച്ച വ്യവസായിക വിപ്ലവത്തിലൂടെ വികസിച്ച യൂറോപ്യൻ രാജ്യങ്ങളും, അമേരിക്ക ഉൾപ്പെടുന്ന രാജ്യങ്ങളുമാണ് ഇതിന്റെ ഏറ്റവും വലിയ ഉത്തരവാദികൾ എന്നതിൽ എതിരഭിപ്രായം ഉണ്ടാകുമെന്ന് ഞങ്ങൾ കരുതുന്നില്ല. COP പോലുള്ള വേദികളിൽ ഉദാരമായ പ്രസ്താവനകൾ ഇറക്കുന്ന ഇവർ താഴെത്തട്ടിൽ കാലാവസ്ഥ വ്യതിയാനത്തെ ചെറുക്കാൻ എന്ത് ചെയ്യുന്നു എന്ന് അന്വേഷിക്കുമ്പോഴാണ് ചൈനയുടെ പ്രവർത്തനങ്ങൾ മാതൃകാപരമാകുന്നത്.  

 ലോക യുദ്ധങ്ങൾ ആയാലും മറ്റു യുദ്ധങ്ങൾ ആയാലും കാലാവസ്ഥ വ്യതിയാനത്തെ പ്രോത്സാഹിപ്പിക്കുന്ന യന്ത്രവൽകൃത വസ്തുക്കളുടെ ആവശ്യകത വലുതാക്കുകയാണ് ചെയ്യുന്നത്. യൂറോപ്പ്യൻ യൂണിയനും, അമേരിക്കയും സ്പോൺസർ ചെയ്യുന്ന രണ്ട് വൻ യുദ്ധങ്ങളാണ് ഈ നിമിഷം നടന്നുകൊണ്ടിരിക്കുന്നത്. ഇവിടെ ഇന്ത്യയുടെ പുതിയ വിദേശനയവും ചോദ്യ മുനമ്പിലാണ്. യുദ്ധങ്ങളിൽ പരിഹാരം കാണാതെ അവയെ വലുതാക്കി സ്വാർത്ഥതാല്പര്യങ്ങൾ സംരക്ഷിക്കുന്ന ഈ കൂട്ടരോട്  പറയാനുള്ളത് “china is not a talker but a doer”.

 2030 നു മുന്നോടിയായി തന്നെ ഫോസിൽ ഇന്ധനങ്ങളുടെ ഉപയോഗം കുറച്ചു കൊണ്ടുവരാനാണ് ചൈന ശ്രമിക്കുന്നത്. എന്നാൽ ഇത് ഒറ്റയടിക്ക് കുറച്ചു കൊണ്ടുവരിക എന്നത് അയാഥാർത്ഥമാണ്. ചൈനയുടെ ഊർജ്ജനയമായ establishing the new before destroying the old എന്ന ആശയത്തിൽ ഊന്നിക്കൊണ്ട് ഞങ്ങൾ അടിവരയിട്ട് പറയട്ടെ പുനരുപയോഗ ഊർജ്ജ സംവിധാനത്തിൽ ചൈന ഏറെ മുന്നിലാണ്. സൗരോർജ്ജവുമായി ബന്ധപ്പെട്ട വിവിധതരത്തിലുള്ള ഗവേഷണങ്ങൾ ചൈനയിൽ മുന്നേറിക്കൊണ്ടിരിക്കുകയാണ്. ചെലവ് കുറഞ്ഞ പാനലുകളുടെ നിർമ്മാണം, പ്രസരണ നഷ്ടം ഏറ്റവും കുറഞ്ഞ കണ്ടക്ടറുകളുടെ നിർമ്മാണം, അതുപോലെ ദക്ഷത ഏറിയ ഉപകരണങ്ങളുടെ നിർമ്മാണം, ഇവയുമായി ബന്ധപ്പെട്ട സാങ്കേതിക വിദ്യകളുടെ വികസനം എന്നിവയെല്ലാം അത്യന്തം   ഊർജ്ജിതമായ രീതിയിൽ ചൈനയിൽ നടന്നുകൊണ്ടിരിക്കുകയാണ്. നിലവിൽ 48 ശതമാനം ഊർജ്ജ ഉപയോഗവും പുനരുപയോഗ ഊർജ്ജ സംവിധാനത്തിൽ നിന്നാണ്. 2035 ഓടെ ഇവ  80 ശതമാനത്തിൽ എത്തിക്കാനും 2050 ഓടെ കൽക്കരി ഇല്ലാതാക്കാനുമാണ് ചൈന പദ്ധതി ഇട്ടിരിക്കുന്നത്. ഇതിനായി ഫോസിൽ ഇന്ധനങ്ങളുമായി ബന്ധപ്പെട്ട് കിടക്കുന്ന കമ്പനികളെ കൂടി ഉൾപ്പെടുത്തി കൊണ്ടുള്ള പ്രവർത്തനങ്ങളാണ് ചൈന മുന്നോട്ടുവെക്കുന്നത്.

MOCK COP 28 നായി  വോട്ട് ചെയ്യുന്ന വിവിധ വിഷയങ്ങളെ പറ്റിയുള്ള ചൈനയുടെ നിലപാടുകളാണ് ചുവടെ പ്രതിപാദിക്കുന്നത്.

 ആദ്യത്തെ വിഷയമായ നാശനഷ്ട ഫണ്ടിലേക്കുള്ള സംഭാവന എന്ന വിഷയത്തെ ചൈന പൂർണ്ണമായി അംഗീകരിക്കുന്നു. രണ്ടാമത്തെ വിഷയമായ ഫോസിൽ ഇന്ധനങ്ങളുടെ ഘട്ടം ഘട്ടമായ ഇല്ലാതാക്കൽ എന്നതിന് ഭാഗികമായ പിന്തുണയാണ് ചൈന നൽകുന്നത്. 2035 ഓടെ ഫോസിൽ ഫോസിൽ ഇന്ധനങ്ങളും കൽക്കരിയും പൂർണമായും നിർത്തലാക്കണം എന്നതിനോട് പൂർണ്ണമായ വിയോജിപ്പാണ് ചൈനയ്ക്ക് ഉള്ളത്. എന്നാൽ അനക്സ് 1 രാജ്യങ്ങൾ ഇവ നിർത്തലാക്കാൻ ബാധ്യസ്ഥരാണെന്ന കാര്യത്തിൽ തർക്കമില്ല.

 മൂന്നാമത്തെ വിഷയമായ കാലാവസ്ഥ പ്രവർത്തനം തൊരപ്പെടുത്തുന്നതിന് ആഗോള ബൗദ്ധിക സ്വത്തവകാശ(IPR) വ്യവസ്ഥയെ പരിവർത്തനം ചെയ്യുന്ന വിഷയത്തിൽ ചൈന പൂർണ്ണസമ്മതരാണ്. കാലാവസ്ഥ വ്യതിയാനത്തെ ലഘൂകരിക്കേണ്ടതിന്റെ കൂട്ട ഉത്തരവാദിത്വത്തെ അടിവരയിടുന്നതാണിത്.

എന്നാൽ നാലാമത്തെ വിഷയമായ ശേഷിക്കുന്ന കാർബൺ ബജറ്റിൽ തുടരുന്നതിൽ പരാജയപ്പെടുന്ന രാജ്യങ്ങൾക്കുള്ള പിഴ എന്ന വിഷയത്തിൽ ചൈനയ്ക്ക് പരിപൂർണ്ണ എതിർപ്പാണ് രേഖപ്പെടുത്താനുള്ളത്. ലോകത്തിന്റെ സമ്പത്ത് വച്ച് വികസിച്ച രാജ്യങ്ങൾ മറ്റു രാജ്യങ്ങളുടെ വികസനത്തിനിടുന്ന കൂച്ചുവിലങ്ങായി ഞങ്ങൾ ഇതിനെ കാണുന്നു. ശേഷിക്കുന്ന കാർബൺ ബജറ്റിൽ നിന്നും ന്യായമായ വിഹിതം കഴിയുമ്പോൾ വർഷംതോറും ഏറ്റെടുക്കുന്ന കാർബൺ ബജറ്റിന് ഒരു ടൺ CO2 ന് 100usd എന്ന നിരക്ക് പല വികസ്വര രാജ്യങ്ങൾക്കും അപ്രാപ്യമാണെന്ന് ഞങ്ങൾ വിശ്വസിക്കുന്നു. ആഫ്രിക്കൻ യൂണിയനും ഇന്ത്യയും ഇതിൽ ഞങ്ങളോടൊപ്പം നിൽക്കും എന്നാണ് പ്രതീക്ഷ. ഷെൽ കമ്പനികൾക്കും അവരുടെ സുസ്ഥിര പ്രവർത്തനങ്ങളെ ബാധിക്കുന്ന രീതിയിലാണ് ഈ അജണ്ട ഉള്ളത്. വികസിത രാജ്യം അല്ലാതിരുന്നിട്ടും കൂടി ജനസംഖ്യയിൽ മുന്നിട്ടു നിൽക്കുന്ന ചൈന മറ്റ് അവികസിത രാജ്യങ്ങളെ സഹായിക്കുന്നതിലും മുന്നിലാണ് എന്ന് പറഞ്ഞതാണല്ലോ. കൂടാതെ കാർബൺ ടാക്സും ചൈന ഏർപ്പെടുത്തിയിട്ടുണ്ട്. പിന്നീടും വികസന പ്രക്രിയയിൽ പിഴ കൊടുക്കേണ്ടി വരിക എന്നത് ശാശ്വതമായി ഞങ്ങൾ കാണുന്നില്ല.

 സ്വാർത്ഥമായ ലാഭ ചിന്തകൾ വെടിഞ്ഞ്, പ്രായോഗികതയിൽ വിശ്വസിച്ച്, സുസ്ഥിരമായ വികസനത്തെ കൂട്ടുപിടിച്ചുകൊണ്ട് മാനവരാശിയുടെ പൊതുവായ നന്മയ്ക്കായി എല്ലാ രാജ്യങ്ങളും ഒത്തുചേരണമെന്ന് ഓർമിപ്പിച്ചുകൊണ്ട് കാലാവസ്ഥ വ്യതിയാനത്തെ ചെറുക്കാൻ ചൈനയുടെ പിന്തുണ പൂർണമായും ഉണ്ടാകുമെന്ന് അറിയിച്ചുകൊണ്ട് നിർത്തുന്നു.

 എന്ന്   ചൈന ഗ്രൂപ്പിലെ അംഗങ്ങളായ  

 സജിതാബി, മുഹമ്മദ് ഇഹ്സാൻ, ഇന്ദ്രജിത്ത് കെ എസ്, റാണിയ കെ, ആതിര എസ്, ഗായത്രി ആർ, ജിൻഷാദ്, ജസ്ന റിച്ചാർഡ്, അരവിന്ദാക്ഷൻ

യു.എസ്.എ

ഐക്യരാഷ്ട്രസഭയുടെ 28 – മത് കാലാവസ്ഥ ഉച്ചകോടി ഇന്നിവിടെ കൂടിച്ചേർന്നിരിക്കുന്നത് ആധുനികലോകം അഭിമുഖീകരിക്കുന്ന ഏറ്റവും പ്രധാനവും ശക്തവുമായ ഒരു പ്രശ്നത്തെക്കുറിച്ച് ചർച്ച ചെയ്യാനാണ്. കാലാവസ്ഥാ വ്യതിയാനത്തിന്റെ അനന്തരഫലങ്ങൾ ലോകത്തെ എങ്ങനെയെല്ലാം ബാധിക്കുന്നു എന്നും അതിനെ ചെറുക്കാനും പരിണിതഫലങ്ങൾ ചുരുക്കാനും ക്രിയാത്മകമായി ഐക്യരാഷ്ട്രങ്ങൾക്ക് എന്ത് ചെയ്യാൻ കഴിയും എന്ന് തീരുമാനിക്കുന്നതിനും വേണ്ടിയാണ്.

ഇന്ന് നാം ഇവിടെ ചർച്ച ചെയ്യുന്ന പ്രധാനപ്പെട്ട നാല് പ്രമേയങ്ങളിൽ ഞങ്ങളുടെ തീരുമാനങ്ങൾ അറിയിക്കുകയാണ്.

നാശനഷ്ട ഫണ്ടിലേക്കുള്ള സംഭാവന എന്ന വിഷയത്തിൽ യു എസ് എ യുടെ നിലപാട്, അനെക്സ് – 1 രാജ്യങ്ങൾ 2030 മുതൽ പ്രതിപക്ഷം 100 ബില്യൺ യുഎസ് ഡോളർ നാശനഷ്ട ഫണ്ടിലേക്ക് സംഭാവന നൽകണം. അത് 1990 വരെയുള്ള ക്യുമുലേറ്റീവ് എമിഷനിലേക്കുള്ള അവരുടെ വിഹിതത്തിന് ആനുപാതികമായിരിക്കണം. COP-29 ൽ സ്ഥാപിതമായ ഒരു പ്രക്രിയയിലൂടെ അവികസിത രാജ്യങ്ങളെയും ചെറിയ ദ്വീപ് രാജ്യങ്ങളെയും ഫണ്ട് പിന്തുണയ്ക്കും. ഏറ്റവും കൂടുതൽ മലിനീകരണം വർദ്ധിച്ചത് 1990 നു ശേഷമാണ് എന്ന വസ്തുതയും പല വികസ്വര രാഷ്ട്രങ്ങളും ഇന്നത്തെ പ്രമേയം കൃത്യമായി പാലിക്കുന്ന സംരംഭത്തിൽ ശ്രദ്ധ പുലർത്തുന്നില്ല എന്ന വസ്തുതയും കണക്കിലെടുത്താണ് ഈ തീരുമാനം.

കാർബൺ എമിഷൻ കുറയ്ക്കാനും ലോ കാർബൺ എക്കോണമി എന്ന ആശയത്തിനും വേണ്ടി പ്രതിജ്ഞാബദ്ധരായി പ്രവർത്തിക്കുന്ന ഒരു രാജ്യമാണ് USA. ഞങ്ങളുടെ പ്രഖ്യാപിത ലക്ഷ്യങ്ങൾ 2030 ഓടുകൂടി 25 നെ അപേക്ഷിച്ചുള്ള GHG എമിഷൻ 50% കുറയ്ക്കണമെന്നും 100% കാർബൺ ഫ്രീ ഇലക്ട്രിസിറ്റി ഉത്പാദിപ്പിക്കണമെന്നുമാണ്. 2050 ഓടുകൂടി Net Zero എന്നതാണ് ഞങ്ങളുടെ പ്രതിജ്ഞ. എന്നാൽ ഇത് വളരെ ലളിതമായ ഒരു പ്രവർത്തി അല്ലാത്തതിനാൽ fossil fuel -2035 നുള്ളിൽ നിർത്തണമെന്ന പ്രമേയത്തോട് ഞങ്ങൾ യോജിക്കുന്നില്ല. എന്നാൽ 20035 ഓടെ എല്ലാ രാജ്യങ്ങളും കൽക്കരി നിർത്തലാക്കണം എന്ന പ്രമേയത്തോട് ഞങ്ങൾ ചേർന്നുനിൽക്കുന്നു.

കാലാവസ്ഥാ പ്രവർത്തനം ദുരിതപ്പെടുത്തുന്നതിന് ആഗോള ഭൗതിക സ്വത്തവകാശ (IPR) വ്യവസ്ഥയെ പരിവർത്തനം ചെയ്യുന്നതുമായി ബന്ധപ്പെട്ട നവീകരണത്തെ പ്രോത്സാഹിപ്പിക്കുന്നതിനും നിക്ഷേപങ്ങളിൽ നിന്നുള്ള വരുമാനം ഉറപ്പിക്കുന്നതിനും IPR അത്യന്താപേക്ഷിതമാണ്. വികസ്വര രാജ്യങ്ങൾക്ക് LCT  കളിലേക്കുള്ള പ്രവേശനം ഉറപ്പാക്കാൻ UNFCC യിൽ നിലവിലുള്ള സാങ്കേതിക സംവിധാനം ഉപയോഗിച്ച് രാജ്യങ്ങൾ തമ്മിലുള്ള —- സഹകരണവും ഉഭയകക്ഷി ബഹുകക്ഷി കരാറുകളും സുഗമമാക്കേണ്ടതുണ്ട്.

 രാജ്യങ്ങൾ അവരുടെ RCB യുടെ ന്യായമായ വിഹിതം കവിയുന്നുവെങ്കിൽ അവർ വർഷംതോറും ഏറ്റെടുക്കുന്ന കാർബൺ ബജറ്റിനെ ഒരു ടണ്ണിന് CO2 ന് 100 USD എന്ന നിരക്കിൽ നൽകണം. അത് ഗ്രീൻ ക്ലൈമറ്റ് ഫണ്ടിലേക്ക് വർഷംതോറും നൽകണം.

ചെറുദ്വീപ് രാഷ്ട്രങ്ങൾ

ഗ്രൂപ്പ്‌ ലീഡർ ആയി ഷിംന സി.പി യെ തെരഞ്ഞെടുത്തു.

Small islands നെ പ്രതിനിധീ കരിച്ച് cop 28 ൽ നടത്തിയ ആമുഖ അവതരണം. ചെറു ദ്വീപ് രാഷ്ട്രങ്ങൾ cop 28നെ വളരെയധികം പ്രതീക്ഷയോടെ യാണ് കാണുന്നത്. ഞങ്ങളുടെ കാലാവസ്ഥ വല്ലാത്തൊരു അവസ്ഥയിലാണ്. കാലാവസ്ഥാ മാറ്റം മറ്റ് രാഷ്ട്രങ്ങൾക്ക് ഒരു “പനി”യായി അനുഭവപെടുമ്പോൾ

ഞങ്ങളുടെ ഭൂമിയും കടലും തിളക്കുകയാണ്, ഒപ്പം ഞങ്ങളുടെ മനസ്സും.

ചരിത്രപരമായി തന്നെ ദ്വീപ് രാഷ്ട്രങ്ങൾ കടലിന്റെ കാവൽക്കാരാണ്. ലോകത്തിന്റെ blue economy സംരക്ഷിക്കുന്നതിൽ നിർണായക പങ്ക് ഞങ്ങൾ വഹിക്കുന്നുണ്ട്. പക്ഷെ ഇന്ന് ഞങ്ങൾ ഒരു mass migration ന്റെ നിഴലിലാണ്. Kiribati എന്ന രാജ്യം ശക്തമായ മണ്ണൊലിപ്പിൽ അകപ്പെട്ട് മനുഷ്യന് അന്തസ്സായി ജീവിക്കാൻ കഴിയാത്ത അവസ്ഥയിലാണ്. Cop 28 ഈ വിഷയം ഗൗരവമായി പരിഗണിക്കണം എന്ന് അഭ്യർത്ഥിക്കുന്നു.

ആഗോള കാർബൺ ഉത്സർജ്ജനത്തിൽ ഞങ്ങളുടെ വിഹിതം 1% ത്തിൽ താഴെയാണ്. പക്ഷെ ദുരന്തങ്ങളുടെ ആഘാതം വളരെ വലുതാണ്. ഒരു നൂറ്റാണ്ട് കൊണ്ട് സമുദ്ര ജലനിരപ്പ് 20cm ഉയർന്നു. എന്തിനും ഏതിനും മറ്റു രാഷ്ട്രങ്ങളെ ആശ്രയിക്കേണ്ട അവസ്ഥയുണ്ട്. ഇന്ധന വിലവർദ്ധനവ് ഞങ്ങളെ വല്ലാതെ ബാധിക്കുന്നു. നിത്യോപയോഗ സാധനങ്ങളുടെ വില വർധനവിന് കാരണമാകുന്നു. shell company ൽ നിന്ന് ഉദാരമായ സമീപനം പ്രതീക്ഷിക്കുന്നു. കാലാവസ്ഥ വ്യതിയാനം മൂലം ഉണ്ടാവുന്ന പ്രകൃതി ദുരന്തങ്ങൾ നമ്മുടെ സമ്പത്ത് വ്യവസ്ഥയെ പിന്നോട്ട് അടിക്കുന്ന സാഹചര്യം നില നിൽക്കുന്നു. മലിനീകരണവും, അമിതമായ മത്സ്യ ബന്ധനവും മറ്റും കടലിൻ്റെ ആവാസ വ്യവസ്ഥയെ തകർക്കുന്ന സാഹചര്യവും നിലവിൽ ഉണ്ട്. 

Conserve and sustainably use the oceans എന്ന 14 th Sustainable development goal, 2030 ഓട് കൂടി നടപ്പ് ആക്കാൻ എല്ലാ രാജ്യങ്ങളും ഒരുമിച്ച് നിൽക്കണം എന്ന് ഈ അവസരത്തിൽ ഓർമപ്പെടുത്തുന്നു.

ആയതിനാൽ അവതരിപ്പിക്കപ്പെട്ട പ്രമേയങ്ങളിൽ താഴെ പറയുന്ന നിലപാട് സ്വീകരിക്കാൻ തരുമാനിച്ചിരിക്കുന്നു

പ്രമേയം 1.

Loss &damage fund വളരെ ഗൗരവമുള്ളതാണ് അത് annnex 1 രാജ്യങ്ങളിൽ നിന്ന് അവരുടെ 1850 മുതലുള്ള co2 ഉത്സർജ്ജനത്തിന് ആനുപാതികമായി തന്നെ വേണം എന്ന 1. a option പിന്തുണക്കുന്നു. 

പ്രമേയം 2.

ഫോസിൽ ഇന്ധനങ്ങളുടെ ഉപയോഗം annnex 1 രാജ്യങ്ങൾ 2035 ഓടെ നിർത്തുക എന്ന നിർദേശത്തോട് യോജിക്കുന്നു. ഇത്തരം കടുത്ത നിർദേശങ്ങൾ വികസ്വര രാഷ്ട്രങ്ങളുടെ വളർച്ചയെയും അടിസ്ഥാന സൗകര്യ വികസനത്തെയും ഗൗരവമായി ബാധിക്കും. അതു കൊണ്ട് 2. a option നെ പിന്തുണക്കുന്നു

പ്രമേയം 3.

Low carbon technology ൽ കൂടുതൽ ഗവേഷണങ്ങൾ നടക്കുന്നത് വികസിത രാജ്യങ്ങളിലാണ്. പക്ഷെ co2 അളവ് ഗണ്യ മായി കുറയണമെങ്കിൽ വികസ്വര രാജ്യങ്ങൾക്ക് കൂടെ ഇത് തടസ്സങ്ങളില്ലാതെ ലഭ്യമാക്കേണ്ടതുണ്ട്. മനുഷ്യ വംശത്തിന്റെ തന്നെ നിലനിൽപ്പിന്റെ പ്രശ്നമായി കണ്ട് പ്രമേയം 3a യെ പിന്തുണക്കുന്നു

പ്രമേയം 4

ഓരോ രാജ്യവും അവരുടെ carbon fare share value മറികടക്കുകയാണെങ്കിൽ 100 Us dollar / ton fine അടക്കണം. തുക അപര്യാപ്തമാണെങ്കിലും പിന്തുണക്കുന്നു

ശ്രീ വിപിൻ .വി. പവനനും, എൻ. ബിജുവുമാണ് അവതരണം നടത്തിയത്  തുടർന്ന് നടന്ന വോട്ടിങ്ങിൽ ഈ രീതിയിൽ തന്നെ പങ്കെടുത്തു

തുടർന്ന് നടന്ന bilateral ചർച്ചകളിൽ ഇന്ത്യ, ചൈന, ആഫ്രിക്കൻ യൂണിയൻ, euoropian Union, എന്നിവരോട് ഒന്നിച്ചു നിൽക്കാൻ തീരുമാനിച്ചു. ആഫ്രിക്കൻ യൂണിയനും, ചൈനയും എടുത്ത ചില നിലപാട് കളോട് വിയോജിപ്പുണ്ടെങ്കിലും പൊതു താല്പര്യം മാനിച്ച് ഒന്നിച്ചു നിന്നു. യുറോപ്യൻ യൂണിയൻ അവരുടെ പാരമ്പരാഗത നിലപാടിൽ നിന്ന് വിട്ടു വീഴ്ച്ചക്ക്‌ തയ്യാറായത് സ്വാഗതർഹമാണ്.

സ്നേഹാദരങ്ങളോടെ

ചെറു ദ്വീപ് രാഷ്ട്രങ്ങൾക്ക് വേണ്ടി

എൻ. ബിജു

*അംഗങ്ങൾ*

 Adila Aboobacker,  BIJU N, Devanandan p s, NIMISHA N K, Sakhna sakkir, Shimna C P, Unnikrishnan VK, VIPIN V pavanan

യൂറോപ്യൻ യൂണിയൻ

ജനാധിപത്യത്തിന്റെ പിറവിയിലൂടെയും, വ്യവസായവത്കരണവുമായി ബന്ധപ്പെട്ട ശാസ്ത്രീയ-സാങ്കേതിക-സാമ്പത്തിക മുന്നേറ്റത്തിലൂടെയും ജനങ്ങളുടെ ജീവിതനിലവാരത്തിന്റെ ഉന്നമനത്തിന് സാക്ഷ്യം വഹിച്ച പ്രദേശമാണ് യൂറോപ്പ്. ഫോസിൽ ഇന്ധനങ്ങളുടെ അടിസ്ഥാനത്തിൽ പടുത്തുയർത്തിയ ഈ വളർച്ചയുടെ  അനന്തര ഫലമാണ് കാലാവസ്ഥാമാറ്റം. അതിന്റെ ഭവിഷ്യത്തുകളെ എങ്ങനെ നേരിടാം എന്നുള്ള കൂട്ടായ പ്രയത്നത്തിന്റെ ഭാഗമായാണല്ലോ നമ്മൾ ഇവിടെ കൂടിയിരിക്കുന്നത്. നമ്മൾ നേരിട്ടുകൊണ്ടിരിക്കുന്ന പ്രശ്നങ്ങളുടെ മൂലകാരണം തേടി പോകുകയാണെങ്കിൽ നമുക്ക് മനുഷ്യപ്രകൃതിയെ കുറിച് പറയേണ്ടിവരും. ജീവശാസ്ത്രപരമായി മനുഷ്യനെ കേവലമൊരു മൃഗത്തിൻ്റെ അടിസ്ഥാനത്തിൽ നോക്കി കാണുമ്പോൾ മാത്രമേ നമ്മൾ ചെയ്തുകൂട്ടുന്ന പ്രവർത്തനങ്ങളുടെ പൂർണരൂപം വ്യക്തമാവകയുള്ളു.

പ്രകൃതിയുമായി നിരന്തരം മല്ലടിച്ച പ്രാകൃതമനുഷ്യർ കൃഷിവൃത്തി തുടങ്ങിയതില്പിന്നെ മിച്ചം വന്ന മൂലധനത്തിൽ നിന്നാണ് പുത്തൻ ലോകം പടുത്തുയർത്തിയത്. ഇത്തരം വിഭവങ്ങൾ ചിലയിടങ്ങളിൽ മാത്രം കുമിഞ്ഞുകൂടുകയും തന്മൂലം ഉണ്ടാവുന്ന പ്രശ്നങ്ങളും നാമെല്ലാവരും അറിയുന്ന കാര്യങ്ങളാണ്. ഭയവും വെറുപ്പും ജന്മസിദ്ധമായ മനുഷ്യന്, ഇത്തരം പ്രാഥമിക വികാരങ്ങളെ അടക്കിപിടിച്ചുവെക്കുന്നത് അസാധ്യമായ കാര്യമാണ്. ദിനപ്രതി വർധിച്ചുവരുന്ന സുഖലോഭങ്ങൾക്കിടയിൽ മനുഷ്യന്റെ ആഗ്രഹങ്ങൾക്ക് ഒരു അന്തമില്ല എന്നതും ഒരു യാഥാർത്ഥ്യമായി കണ്ടുകൊണ്ടാണ് കാലാവസ്ഥാ പ്രതിസന്ധിയെ യൂറോപ്യൻ യൂണിയൻ നോക്കികാണുന്നത്. ഈയൊരു സാഹചര്യത്തിൽ പ്രകൃതി വിഭവങ്ങൾ എല്ലാ മനുഷ്യർക്കും ആവശ്യമുള്ള ഒന്നായി കാണുകയും, മനുഷ്യൻ പ്രകൃതിയുടെ ഭാഗമാണെന്നുമുള്ള തിരിച്ചറിവിൽ നിന്നുമാണ് യൂറോപ്യൻ യൂണിയൻ വളരെ വിശാലമായ സമീപനം കൈക്കൊള്ളാൻ തീരുമാനിച്ചിരിക്കുന്നത്.

യൂറോപ്പ് ഭൂഖണ്ഡം കഴിഞ്ഞ നൂറ്റാണ്ടിൽ ഏറ്റവും പ്രാകൃതമായ 2 യുദ്ധങ്ങൾക്ക് സാക്ഷ്യം വഹിക്കുകയുണ്ടായി. മൂന്നാമതൊരു ലോകയുദ്ധം എന്തുകൊണ്ട് ഉടലെടുത്തില്ല എന്ന വിഷയം കീറിമുറിച്ച് നോക്കുമ്പോഴേ അതിനുള്ളിലെ ഗൗരവമേറിയ കാരണത്തെ നമുക്ക് മനസ്സിലാക്കാൻ സാധിക്കുകയുള്ളൂ. മനുഷ്യരാശി വളരെ അധികം വളർന്നതുകൊണ്ടോ മനുഷ്യൻ സമൂഹത്തെ നോക്കിക്കാണുന്ന രീതി മാറിയതുകൊണ്ടോ അല്ല വീണ്ടുമൊരു യുദ്ധം ഉടലെടുക്കാത്തത്. മറിച്ച്, നമുക്ക് ലഭ്യമായ ഏറ്റവും നൂതനമായ ആണവായുധങ്ങളുടെ അതിതീവ്രമായ പ്രഹരശേഷി വ്യക്തമായി അറിയാവുന്നത് കൊണ്ടും ആ ശക്തിയെ ഭയക്കുകയും, പല രാജ്യങ്ങൾക്കും ആണവായുധം കയ്യിലുണ്ട് എന്ന തിരിച്ചറിവിലാണ് ലോകജനത ഇക്കാലയളവിൽ സമാധാനപരമായി നിലനിന്നു പോരുന്നത്. ഈ ഒരു തിരിച്ചറിവി ന്റെ പുറത്താണ് യൂറോപ്യൻയൂണിയൻ cop28 ഉച്ചകോടി എത്തിയിട്ടുള്ളത്.

ആണവായുധത്തിൻ്റെ പ്രഹരശേഷി കാലാവസ്ഥ മാറ്റം കാരണമുണ്ടാകുന്ന വിപത്തുകളുടെ മുന്നിൽ എത്രമാത്രം നിഷ്പ്രഭമാണെന്നുള്ളത് പ്രവചിക്കുക പോലും അസാധ്യമാണ്. ആ തലത്തിൽ ഈ വിഷയത്തെ നോക്കി കണ്ടുകൊണ്ടുള്ള ഒരു സമീപനമാണ് യൂറോപ്യൻ യൂണിയൻ ഉദ്ദേശിക്കുന്നത്.

ഒരു രാജ്യത്തിൻ്റെ വിഭവശേഷിയിൽനിന്നും സമാഹരിക്കുന്ന സമ്പത്തിനെ (ജിഡിപി) എങ്ങനെ കൈകാര്യം ചെയ്യണം എന്നുള്ളത് ഈ സന്ദർഭത്തിൽ വളരെ അനിവാര്യമായൊരു കാര്യമാണ്. രാജ്യരക്ഷക്കുവേണ്ടി ലോകത്തിലെ പ്രധാനപ്പെട്ട 10 രാജ്യങ്ങൾ മാറ്റിവെക്കുന്നത് ഏകദേശം 1680 ലക്ഷം കോടി ഡോളറാണ്. ഈ സംഖ്യയെ COP28 മുന്നോട്ടുവെക്കുന്ന ലോസ് ആൻഡ് ഡാമേജ് ഫണ്ടിനായി നീക്കിവെക്കേണ്ട വെറും 10000 കോടി ഡോളറുമായി താരതമ്യം ചെയ്‌താൽ മാത്രമേ നമ്മുടെ മുന്നിലുള്ള പ്രേശ്നത്തിന്റെ ശാശ്വത പരിഹാരമാർഗത്തിലേക്ക്നമ്മൾക്കെത്തിച്ചേരാൻ സാധിക്കുകയുള്ളൂ. ഇതിൽ ജിഡിപിയിൽ മുന്നിൽനിൽക്കുന്ന രണ്ട് രാജ്യങ്ങൾ (അമേരിക്ക, ചൈന) പ്രധിരോധമേഖലയിൽ 1 ലക്ഷം കോടി ഡോളറിന് മുകളിലാണ് ചിലവിടുന്നത്. 27 ലക്ഷം കോടി ഡോളർ ജിഡിപിയുള്ള യൂറോപ്യൻ യൂണിയൻ 20000 കോടി ഡോളർ (1.3%) മാത്രമാണ് പ്രതിരോധ മേഖലയിൽ ചെലവിടുന്നത്. ലോകത്ത്‌ ഭയത്തിന്റെ പേരിൽ ചിലവിടുന്നതിന്റെ ഒരു ശതമാനത്തിൽ താഴെയുള്ള പണം കൊണ്ട് ലോസ് ആൻഡ് ഡാമേജ് ഫണ്ട് നികത്താൻ സാധിക്കുന്നു എന്നുള്ളത് വിചിത്രമായൊരു കാര്യമായാണ് ഞങ്ങൾക്ക് തോന്നുന്നത്.

യൂറോപ്പ്യൻ യൂണിയൻ്റെ സംഭാവന ലോസ് ആൻഡ് ഡാമേജ് ഫണ്ടിന്റെ 27% വരുമെന്നാണ് കണക്കുകൾ വ്യക്തമാക്കുന്നത്. യൂറോപ്യൻ യൂണിയൻ പൂർണമായും ഇതിനുവേണ്ടി സഹകരിക്കും എന്നുള്ളത് ഇവിടെ പറഞ്ഞുകൊള്ളട്ടെ. നമ്മുടെ ഏറ്റവും വലിയ ശത്രു ആഗോള താപനം തന്നെ ആണ് എന്നുള്ള തിരിച്ചറിവിൽ നിന്നാണ് ഈ ഒരു തീരുമാനത്തിലേക്ക് ഞങ്ങൾ എന്തിച്ചേരുന്നത്. വൈകിയ വേളയിലെ ഈ ഉറച്ച നിലപാട് 21ആം നൂറ്റാണ്ടിന്റെ ദിശനിർണയിക്കുമെന്ന് ഞങ്ങൾ ഉറച്ചുവിശ്വസിക്കുന്നു.

സുസ്ഥിര ഊർജ്ജ സ്രോതസ്സുകളുടെ അടിയന്തിര ആഗോള ആവശ്യം പരിഹരിക്കുന്നതിന് വേണ്ടി ഒരു സമഗ്ര തന്ത്രം അത്യന്താപേക്ഷിതമാണ്. മൊത്തം ഉർജഉപയോഗത്തിന്റെ 82% ഫോസിൽ ഇന്ധനങ്ങളിൽ നിന്നാണെങ്കിലും, ഇതര വിഭവങ്ങളുടെ അപര്യാപ്തത അംഗീകരിച്ചുകൊണ്ട്, 2035-ഓടെ കൽക്കരി പൂർണ്ണമായും നിർത്തലാക്കുന്നതിന് എല്ലാ രാജ്യങ്ങളും കൂട്ടായി പ്രതിജ്ഞാബദ്ധരാകേണ്ടത് അത്യാവശ്യമാണ്. ഇത് പ്രായോഗിക തലത്തിൽ ബുദ്ധിമുട്ടുള്ള കാര്യമാണെന്നതിൽ തർക്കമില്ല. ഈ വെല്ലുവിളികൾക്കിടയിലും, 1990 ലെ നിലവാരത്തിൽ നിന്ന് 31% കുറവാണ് യൂറോപ്പ്യൻ യൂണിയൻ ഉപയോഗിച്ചത്. കൂടാതെ 2022-2023 കാലയളവിൽ മാത്രം കാർബൺ ഉദ്വമനത്തിൽ 3% കുറവ് കൈവരിച്ചിട്ടുണ്ട്. പുനരുൽപ്പാദിപ്പിക്കാവുന്ന ഊർജ്ജ സ്രോതസ്സുകളുടെ കാര്യം എടുത്താലും യൂറോപ്യൻ യൂണിയൻ മികച്ച പ്രകടനം തന്നെയാണ് കാഴ്ചവെക്കുന്നത്. അവയുടെ സംഭാവന 2020-ൽ 20% ത്തിൽനിന്നും 2022 ആയപ്പോഴേക്കും 22.5% ആയി ഉയർന്നു. കൂടാതെ, 2035-ഓടെ എല്ലാ പുതിയ കാറുകളും എമിഷൻ-ഫ്രീ ആയിരിക്കുമെന്നത് സുസ്ഥിരമായ ഭാവിയിലേക്കുള്ള യൂറോപ്യൻ യൂണിയന്റെ പ്രതിബദ്ധതയെ അടിവരയിടുന്നു. ഇതിനുപുറമെ, ഹരിതഗൃഹ വാതക ഉദ്‌വമനം ലഘൂകരിക്കാൻ വേണ്ടി യൂറോപ്യൻ യൂണിയൻ എമിഷൻ ട്രേഡിംഗ് സ്കീം കൊണ്ടുവരുകയും, 2030 ആവുമ്പോഴേക്കും 45% കുറവ് ലക്ഷ്യമിടുകയും ചെയ്യുന്നു. കാലാവസ്ഥാ വ്യതിയാനത്തെ ചെറുക്കുന്നതിനും കൂടുതൽ സുസ്ഥിരവും പ്രതിരോധശേഷിയുള്ളതുമായ ഊർജ്ജത്തിലേക്കുള്ള പരിവർത്തനത്തിന് യോജിച്ചതുമായ ഒരു ആഗോള സമീപനത്തിൽ ഞങ്ങൾ ഉറച്ചു വിശ്വസിക്കുന്നു.

മനുഷ്യരാശിയുടെ ഉന്നമത്തിനുവേണ്ടിയും, കാലാവസ്ഥാ പ്രതിസന്ധിയെ മറികടക്കാനുംവേണ്ടി യൂറോപ്യൻ യൂണിയൻ പണ്ട് മുതൽ തന്നെ വികസ്വര രാജ്യങ്ങളിലെ അടിസ്ഥാന സൗകര്യങ്ങൾ വികസിപ്പിക്കുന്നതിൽ അതീവ മുൻഗണനയാണ്കൊടുത്തിട്ടുണ്ട് . ഉദാഹരണത്തിന്, 2007ൽ ഞങ്ങൾ കൊണ്ടുവന്ന Switchasia പദ്ധതിയുടെ ഭാഗമായി ഇന്ത്യയും ചൈനും പോലുള്ള സൗത്ത് ഈസ്റ്റ് ഏഷ്യൻ രാജ്യങ്ങളിൽ കാലാവസ്ഥ വ്യതിയാനത്തെ ലഘൂകരിക്കാൻ വേണ്ടിയുള്ള പ്രവർത്തനങ്ങൾ നടന്നുവരുന്നതാണ്. വികസ്വരരാജ്യങ്ങളിൽ നടപ്പിലാക്കിയ ഇത്തരം പ്രവർത്തനങ്ങലുടെ ഭാഗമായി സ്വയം പര്യാപ്തത കൈവരിക്കുക എന്ന നാഴികക്കല്ല് നേടിയെടുത്ത രാജ്യമാണ് ചൈന. 2008ൽ നിർമാണം പൂർത്തിയായ ലോകത്തിലെ ഏറ്റവും വലിയ അണക്കെട്ടായ 3 ഗോർജസ് പദ്ധതിയുടെ ഭാഗമായി യൂറോപ്പിൽ നിന്നും അമേരിക്കയിൽനിന്നുമുള്ള വൻകിട കമ്പനികളുടെ സാങ്കേതിക വിദ്യകൾ ചൈനക്ക് കൈമാറിയിരുന്നു. അത്തരം പദ്ധതികളുടെ ഭാഗമായി ചൈനയിൽ സുസ്ഥിര ഊർജോൽപാദാനം വളരെ അധികം മുന്നോട്ടുപോയിട്ടുണ്ട്. ലോകത്തെ കാർബൺ ഫുട്പ്രിന്റിന്റെ 70% ഊർജമേഖലയിൽ ആയതിനാൽ പുനരുപയോഗ ഊർജോല്പാദനം ചൈനയുടെ വികസനത്തിന് അവിഭാജ്യമായ ഘടകം തന്നെയാണ്. സാങ്കേതികതയുടെയും ബൗദ്ധിക സ്വത്തവകാശത്തിൻ്റെയും സ്വാഭാവികമായ കൈമാറ്റം ചൈനയെപോലുള്ള വികസ്വര രാജ്യങ്ങളിലെ ജനതയുടെ ജീവിത നിലവാരം ഉയർത്താനും കൂടുതൽ വേഗത്തിൽ കാർബൺ ന്യൂട്രൽ ആക്കാൻ ഉതകുന്നതുമാകുന്നു. ആയതിനാൽ മറ്റുള്ള വികസിത രാജ്യങ്ങളിൽ നിന്നും സമാനമായ സമീപനം ഞങ്ങൾ പ്രത്യാശിക്കുന്നു. COP28 ഉച്ചകോടിയിൽ ഉന്നയിച്ച ബാക്കിയുള്ള കാർബൺ ബജറ്റിന്റെ കൃത്യമായ മേൽനോട്ടവും, ബഡ്ജറ്റിൽ കവിയുന്ന രാജ്യങ്ങൾക്കുള്ള പിഴയായ 100 ഡോളർ എന്നതിൽ തോതും യൂറോപ്യൻ യൂണിയൻ പൂർണപിന്തുണ നൽകുന്നു.

ചുരുക്കി പറയുകയാണെങ്കിൽ വളരെ പ്രത്യാശയോടെയാണ് യൂറോപ്യൻ യൂണിയൻ COP28ലേക്ക് വന്നിരിക്കുന്നത്. ചരിത്രപരമായി യൂറോപ്പ് കാർബൺ പുറം തള്ളുന്നതിൽ വലിയൊരു പങ്ക് വഹിച്ചിട്ടുണ്ട് എന്നതിൽ തർക്കമില്ല. എന്നിരുന്നാലും, ഞങ്ങളുടെയും മറ്റുള്ള മനുഷ്യൻ്റെയും ജീവിത നിലവാരത്തെ ഉയർത്തിയതിലുള്ള ഫോസിൽ ഇന്ധനങ്ങളിൽ നിന്നുള്ള ഊർജത്തിന്റെ പങ്ക് വളരെ വലുതാണ്. ഫോസിൽ ഇന്ധനങ്ങളുടെ ഉപയോഗം കുറയ്ക്കുക എന്നത് തർക്കമില്ലാത്ത വിഷയം തന്നെയാണെങ്കിൽകൂടിയും, നമുക്ക് മുന്നിലുള്ള വളരെ ചുരുങ്ങിയ കാലയവിനുള്ളിൽ ഫോസിൽ ഇന്ധനങ്ങളുടെ ഉപയോഗം ഇല്ലാതാക്കുക എന്നത് മറ്റുള്ള ഊർജ സ്രോത്സുകളുടെ ലഭ്യതയെ ബന്ധപ്പെട്ടിരിക്കുന്നു. അതിനാൽ പുനർനിർമ്മിക്കാവുന്ന ഊർജ്ജവുമായി ബന്ധപ്പെട്ട എല്ലാ സാങ്കേതിക വിദ്യയുടെയും തടസരഹിത കൈമാറ്റത്തിന് ഞങ്ങൾ സന്നതരാണ്. പലവിധം പ്രതിസന്ധി ഘട്ടങ്ങളിലും യൂറോപ്പ് പണ്ടുമുതലേ ലോകത്തെ മുന്നിൽ നിന്ന് നയിച്ചവരാണ്. നമ്മുടെ മുന്നിലുള്ള കാലാവസ്ഥാ പ്രതിസന്ധിയും അതുപോലെ മുന്നിൽ നിന്നും നയിച്ചുകൊണ്ട് തന്നെ മനുഷ്യരാശി ഒന്നാകെ നേരിടും എന്ന് ഇതിനാൽ ഞങ്ങൾ ഉറപ്പ് തരുന്നു. ഫോസിൽ ഇന്ധനങ്ങളുടെ ഉപയോഗം ഇല്ലാതാക്കുകയും പുനരുപയോഗ ഊർജസ്രോതസ്സുകൾ കണ്ടെത്തുകയും അതിനോടൊപ്പം ബൗദ്ധിക സ്വത്തവകാശത്തിലുള്ള ഇളവുകൾ വരുത്തുന്നതിലൂടെയും യൂറോപ്യൻ യൂണിയൻ ആഗോള കാലാവസ്ഥ പ്രതിസന്ധിക്കെതിരായിട്ടുള്ള പരിശ്രമങ്ങൾക്ക് മുൻനിരയിൽ നിന്നും നേതൃത്വം നൽകുന്നതായിരിക്കും.

“മത്സരമല്ല, സഹകരണമാണ് വിജയത്തിൻ്റെ താക്കോൽ”

യൂറോപ്പ്യൻ യൂണിയൻ.

SHELL

വ്യവസായ വിപ്ലവാനന്തരമുള്ള  മനുഷ്യപുരോഗതിയിൽ എണ്ണക്കമ്പനികളുടെ വളരെ പങ്ക് വലുതാണ്. മനുഷ്യൻ ഇന്നെത്തി നിൽക്കുന്ന പുരോഗതിയോടൊപ്പം നിൽക്കുന്നതിനൊപ്പം  നാം അഭിമുഖീകരിക്കുന്ന  പ്രതിസന്ധികളെ തരണം ചെയ്യുന്നതിലും ഞങ്ങൾ പ്രതിജ്ഞാബദ്ധരാണ്. കാലാവസ്ഥാമാറ്റം പോലെയുള്ള പ്രതിസന്ധികളെ നേരിടുന്നതിൽ ലോക രാജ്യങ്ങൾക്കുള്ള ഉത്തരവാദിത്തത്തോടൊപ്പം ഞങ്ങളും ഞങ്ങളുടെ പങ്ക് വഹിക്കാൻ തയ്യാറാണ്.

Multilateral Developmental Banks

Multilateral Developmental Bank കളെയാണ് ഞങ്ങളുടെ ഗ്രൂപ്പ്‌ പ്രതിനിധാനം ചെയ്യുന്നത്. കാലാവസ്ഥ മാറ്റം ജനജീവിതത്തിൽ സൃഷ്ടിക്കുന്ന ആഘാതത്തിന്റെ കാഠിന്യം ഒരു പരിധി വരെ കുറയ്ക്കാൻ ഞങ്ങളിലൂടെ സാധിക്കുമെന്നും എല്ലാ രാജ്യങ്ങളുടെയും എണ്ണ കമ്പനികൾ പോലുള്ള ഏജൻസികളുടെയും സഹകരണം ഞങ്ങളോടൊപ്പം ഉണ്ടെന്നും ഉള്ള വിശ്വാസത്തിൽ COP 28-നെ ഏറെ പ്രതീക്ഷയോടെയാണ് ഞങ്ങൾ നോക്കിക്കാണുന്നത്.

നമ്മുടെ വരും തലമുറയ്ക്ക് വേണ്ടി, നല്ല നാളെക്കു വേണ്ടി എല്ലാ രാജ്യങ്ങളും മുന്നോട്ടു വന്നതിൽ അഭിനന്ദിക്കുന്നു, ആശംസകൾ അറിയിക്കുന്നു. ലോക ബാങ്ക്, ഏഷ്യൻ ഡെവലപ്പ്മെന്റ് ബാങ്ക് ആഫ്രിക്കൻ ഡെവലപ്പ്മെന്റ് ബാങ്ക്, യൂറോപ്യൻ ബാങ്ക്, ഇന്റർ അമേരിക്കൻ ബാങ്ക് എന്നിങ്ങനെ 5 ബാങ്കുകളാണ് പ്രധാനമായും മൾട്ടി ലേറ്ററൽ ഡെവലപ്പ്മെന്റ് ബാങ്കിൽ ഉൾപ്പെടുന്നത്.

ഒരു പരിധി വരെ നിഷ്പക്ഷ നിലപാട് സ്വീകരിക്കുവാനാണ് ഞങ്ങൾ ആഗ്രഹിക്കുന്നത്. പ്രകൃതി സംരക്ഷണത്തിന് carbon emission നിർബന്ധമായും കുറച്ചു കൊണ്ടുവരണം, വികസ്വര, അവികസിത രാജ്യങ്ങളെ കൂടുതൽ സഹായിക്കണം, ഫോസിൽ ഇന്ധനത്തിൽ നിന്നും ഗ്രീൻ എനർജിയിലേക്ക് ഉള്ള മാറ്റത്തിൽ അവരെ സഹായിക്കണം എന്നും ഉള്ള നിലപാടാണ് ഞങ്ങളുടേത്. രാജ്യങ്ങളിലേക്ക് മാത്രം ഒതുങ്ങിപ്പോകാതെ സ്വകാര്യ മേഖലകൾ കൂടി ഫണ്ട്‌ നൽകണം എന്നും, പിന്നോക്ക മേഖലയിൽ ഉള്ളവർക്ക് കൂടുതൽ പരിഗണന നൽകണം എന്ന അഭിപ്രായവും ഞങ്ങൾ മുന്നോട്ട് വയ്ക്കുന്നു.

Resolutions.

1. Loss and damage fund.

അനെക്സ്-1 രാജ്യങ്ങൾ 2025 muthal നാശനഷ്ടത്തിനു സംഭാവന നൽകണം. 1850-2020 കാലയളവിലെ അവരുടെ carbon emission നു ആനുപാതികമായാണ്  സംഭാവന നൽകേണ്ടത്.

2. വികസിത/ അവികസിത /വികസ്വര രാജ്യങ്ങളിലെ എല്ലാ ഫോസിൽ ഇന്ധനങ്ങളുടെയും ഘട്ടം ഘട്ടമായുള്ള ഒഴിവാക്കൽ ; വെല്ലുവിളികൾ.

വികസ്വര രാജ്യങ്ങളെ പരിഗണിച്ചു കൊണ്ട് തന്നെ, annex 1 രാജ്യങ്ങൾ 2035 ഓട് കൂടി ഫോസിൽ ഇന്ധനം നിർത്തലാക്കണം എന്ന അഭിപ്രായം ആണ് ഞങ്ങൾക്ക് ഉള്ളത്.

3. IPR

കണ്ടുപിടിത്തം മാനവരാശിയുടെ നന്മക്കും ഉപയോഗത്തിനും ഉള്ളതാണ് എന്നത് കൊണ്ട് തന്നെ എല്ലാവർക്കും ഉപകാരപ്പെടുന്ന രീതിയിൽ ഉപയോഗിക്കണം എന്നാ നിലപാട് ആണ് ഉള്ളത്.

4. നിലവിൽ ഉള്ള carbon budget ൽ തുടരാൻ കഴിയാത്തവർ ഒരു tonn നു 100 യൂ എസ് ഡോളർ എന്ന രീതിയിൽ ഗ്രീൻ ക്ലൈമറ്റ് ഫണ്ടിലേക്ക് സംഭാവന കൊടുക്കേണ്ടതാണ് എന്നാ നിലപാടിനോട് ഞങ്ങൾ യോജിക്കുന്നു.

Multilateral Development Bank കളെ പ്രതിനിധീകരിച്ചു കൊണ്ട്,

Anaswara Asokan.

ഇന്ത്യ, ചൈന, ഐലന്റ് നേഷൻസ്, യൂറോപ്പ്, ആഫ്രിക്ക എന്നീ രാജ്യങ്ങളെ പ്രതിനിധീകരിച്ചാണ് ഇവിടെ സംസാരിക്കുന്നത്. Loss and damage fund അനക്സ് – 1 രാജ്യങ്ങൾ നൽകണമെന്ന് തന്നെയാണ് ഞങ്ങളുടെ അഭിപ്രായം.

1850 മുതലുള്ള കാർബൺ എമിഷൻ പരിഗണിച്ചുകൊണ്ട് ആയിരിക്കണം ഓരോ രാജ്യങ്ങളുടെയും സംഭാവന തീരുമാനിക്കേണ്ടത്. ഫോസിൽ ഫ്യൂവൽസ് തീർച്ചയായും ഒഴിവാക്കേണ്ടതാണ്. എന്നാൽ ഞങ്ങൾ വികസ്വര രാജ്യങ്ങൾ അടങ്ങുന്ന ഭൂരിഭാഗത്തിനും വികസനം ഉണ്ടാകേണ്ടതുണ്ട്. അതിനാൽ അനക്സ് – 1 രാജ്യങ്ങൾ ഫോസിൽ ഇന്ധനങ്ങൾ Phase out ചെയ്യുകയും മറ്റു രാജ്യങ്ങൾക്ക് സീറോ എമിഷൻ എന്നതിലെത്താൻ 2035 വരെ സമയം നൽകണമെന്നുമാണ് ഞങ്ങളുടെ അഭിപ്രായം. Intellectual property rights എല്ലാവർക്കും ടെക്നോളജി ലഭ്യമാക്കുന്നതിൽ സഹായകരം ആകുന്നുണ്ട്. പ്രത്യേകിച്ചും ലോ കാർബൺ ടെക്നോളജി (LCT) യുടെ കാര്യത്തിൽ. അനക്സ് – 1 രാജ്യത്തിന് നോൺ അനക്സ് – 1 രാജ്യങ്ങളിലേക്ക് LCT trasfer ചെയ്യുന്ന കാര്യത്തിൽ IPRs ഒഴിവാക്കേണ്ടതുണ്ട്. Fair share Carbon ബജറ്റിലേക്ക് നൽകുന്നതിനോട് ഞങ്ങൾക്ക് എതിർപ്പില്ല. എന്നാൽ ‘Equity’ പരിഗണിച്ചു കൊണ്ടായിരിക്കണം fair share തീരുമാനിക്കേണ്ടത് എന്ന അഭിപ്രായം ഞങ്ങൾ മുന്നോട്ടുവയ്ക്കുന്നു.