കണ്ണൂർ ജില്ലയിലെ കോളയാട്, കണിച്ചാർ പഞ്ചായത്തുകളിൽ 2022 ആഗസ്‌ത്‌ 1-ാം തീയതിളിലാണ് ഉരുൾപൊട്ടൽ നടന്നത്. പ്രദേശത്തുകാരുടെ ഭീതി അകറ്റാനും ഇത്തരം ദുരന്തങ്ങൾ ഇനി ആവർത്തിക്കാതിരിക്കാൻ ആവശ്യമായ മുൻകരുതലുകൾ എടുക്കാനും തദ്ദേശസ്വയംഭരണ സ്ഥാപനങ്ങൾക്ക് ആവശ്യമായ സഹായം നൽകുന്നതിനും വേണ്ടിയാണ് കേരള ശാസ്ത്ര സാഹിത്യ പരിഷത്ത് പേരാവൂർ മേഖല ഈ പഠനം ഏറ്റെടുത്ത് നടത്തിയത്. കോളയാട്, കണിച്ചാർ ഗ്രാമപഞ്ചായത്തിലെ ഭൂവിനിയോഗത്തിൽ വന്ന മാറ്റങ്ങൾ പ്രസ്‌തുത പ്രദേശത്തെ സൂക്ഷ്‌മ കാലാവസ്ഥയിലും മാറ്റങ്ങൾ ഉണ്ടാക്കിയിട്ടുണ്ട് എന്നും അതീവ കാലാവസ്ഥ ദുർബല പ്രദേശം എന്ന നിലയിൽ ഈ പ്രദേശത്തെ ഭൂവിനിയോഗത്തിൽ ഗുണപരമായ മാറ്റം വരുത്തേണ്ടതിന്റെ ആവശ്യകതയും ഈ അവസരത്തിൽ ഓർമ്മിക്കേണ്ടതാണ്.

പഠനത്തിന്റെ ഉദ്ദേശ്യലക്ഷ്യങ്ങൾ ഇവയായിരുന്നു

1. കോളയാട് കണിച്ചാർ ഗ്രാമപഞ്ചായത്തുകളിൽ 2022 ആഗസ്‌ത്‌ 1-ാം തീയതി നടന്ന ഉരുൾപൊട്ടലിന് പ്രേരകമായ ഭൗമശാസ്ത്ര കാരണങ്ങൾ.
2. ഉരുൾപൊട്ടൽ ദുരന്തവുമായി ബന്ധപ്പെട്ട സാമൂഹിക സാമ്പത്തിക ആഘാതം വിലയിരുത്തുക.
3. ഉരുൾപൊട്ടലിന്റെ ഫലമായി ആ പ്രദേശത്തെ ഇക്കോ വ്യൂഹത്തിനുണ്ടായ മാറ്റ ങ്ങൾ മനസ്സിലാക്കുക.
4. തദ്ദേശ സ്വയംഭരണ സ്ഥാപനങ്ങൾക്ക് ഉരുൾപൊട്ടൽ ദുരന്തവുമായി ബന്ധപ്പെട്ട മുന്നറിയിപ്പ് സംവിധാനങ്ങൾ ഒരുക്കുന്നതിനുള്ള നിർദ്ദേശങ്ങൾ സമർപ്പിക്കുക.
5. കോളയാട്, കണിച്ചാർ പഞ്ചായത്തുകളിൽ കാലാവസ്ഥാവ്യതിയാനത്തെ പ്രതിരോ ധിക്കാനുള്ള പ്രവർത്തനപദ്ധതികൾക്ക് ആവശ്യമായ അടിസ്ഥാന വിവരങ്ങൾ നൽകുക.