Home » പംക്തികൾ » പുസ്തക പരിചയം » ആൽബർട്ട് ഐൻസ്റ്റൈൻ: ജീവിതവും ശാസ്ത്രവും

ആൽബർട്ട് ഐൻസ്റ്റൈൻ: ജീവിതവും ശാസ്ത്രവും

Timeഐന്‍സ്റ്റൈനെക്കുറിച്ച് ഇറങ്ങിയ പുസ്തകങ്ങളില്‍ ശ്രദ്ധേയമായ ഒന്നാണ് ആല്‍ബര്‍ട്ട് ഐന്‍സ്റ്റൈന്‍ : ദി എന്‍ഡുറിങ്ങ് ലെഗസി ഓഫ് എ മോഡേണ്‍ ജീനിയസ് (Albert Einstein: The Enduring Legacy of a Modern Genius) എന്ന ടൈം വാരിക പ്രസിദ്ധീകരിച്ച പുസ്തകം. ലോകം കണ്ട ഏറ്റവും വലിയ ധിഷണാശാലികളിലൊരാളായിരുന്ന ആൽബർട്ട് ഐൻസ്റ്റൈന്റെ ശാസ്ത്രസിദ്ധാന്തങ്ങൾ ലളിതമായ ഭാഷയിൽ വിശദീകരിച്ച് കൊണ്ടുള്ള വിജ്ഞാന പ്രദങ്ങളായ ലേഖനങ്ങളും ഐസ്റ്റൈന്റെ ഇതുവരെ പ്രസിദ്ധീകരിക്കാത്ത അത്യപൂർവ്വങ്ങളായ നിരവധി ചിത്രങ്ങളും ഉൾകൊള്ളിച്ചുകൊണ്ടാ ടൈം ഈ പ്രത്യേക പതിപ്പ് പ്രസിദ്ധീകരിച്ചത്.

Albert Einstein
സ്കൂള്‍ വിദ്യാര്‍ത്ഥിയായ ഐന്‍സ്റ്റീന്‍, പുസ്തകത്തിലെ ചിത്രം

ശാസ്ത്രകുതുകികൾക്ക് പ്രത്യേകിച്ച് ഐൻസ്റ്റൈന്റെ ആരാധകർക്ക് എക്കാലേത്തേക്കും സൂക്ഷിച്ചു വെയ്ക്കാവുന്നതും വീണ്ടു, വീണ്ടും, കണ്ടും വായിച്ചും ആഹ്ലാദിക്കാവുന്നതുമായ ഈ പതിപ്പ് പ്രമുഖ ഇ – പുസ്തകശാലകളില്‍ നിന്നും ഏകദേശം 500 – 600 രൂപ നിരക്കില്‍ ലഭിക്കും . 2011 ൽ പ്രസിദ്ധീകരിച്ച ഈ പുസ്തകത്തിന്റെ പരിഷ്കരിച്ച പുതിയ പതിപ്പ് 2014 ലും പ്രസിദ്ധീകരിച്ചിട്ടുണ്ട്.

ലളിതവും രസകരവുമായ ഭാഷയില്‍ ഐന്‍സ്റ്റൈനെക്കുറിച്ചും അദ്ദേഹത്തിന്റെ ജീവിതത്തെക്കുറിച്ചും സിദ്ധാന്തങ്ങളെക്കുറിച്ചും പ്രതിപാദിക്കുന്ന വെറും 96 പേജുള്ള ഈ പുസ്തകം അതിന്റെ വലിപ്പിക്കുറവുകൊണ്ടും വായനക്കാരെ ആകര്‍ഷിക്കും. കുട്ടികളിലും യുവാക്കളിലും ശാസ്ത്രാതാല്പര്യം വളര്‍ത്തുവാന്‍ ഏറെ സഹായകമാകുംവിധമാണ് ഈ പുസ്തകത്തിന്റെ ഉള്ളടക്കവും രചനയും.

കൂടുതല്‍ വായനയ്ക്ക് : http://content.time.com/time/photogallery/0,29307,2085230,00.html

About the author

തയ്യാറാക്കിയത് : ഡോ. ബി. ഇക്ബാല്‍
[email protected]

Check Also

കപടവാദങ്ങള്‍ പൊളിച്ചടുക്കാൻ ഒരു ‘ടൂള്‍കിറ്റ് ‘

സോഷ്യൽ മീഡിയയിൽ വരുന്ന ഫോർവേഡുകളായും, രാഷ്ട്രീയ സാംസ്‌കാരിക നായകന്മാരുടെ പ്രസ്താവനകളായും കപടശാസ്ത്രം (Pseudo Science) ഇന്ന് സമൂഹത്തിൽ പിടിമുറുക്കിക്കൊണ്ടിരിക്കുന്ന കാലമാണിത്. അന്ധവിശ്വാസങ്ങൾക്ക് ശാസ്ത്രത്തിന്റെ പിന്‍ബലമുണ്ട് എന്ന് സ്ഥാപിക്കാനുള്ള ശ്രമങ്ങൾ ഇവയിലൂടെ സജീവമായി നടക്കുമ്പോൾ, കാൾ സാഗന്റെ "Baloney detection tool kit" അഥവാ "കപടവാദങ്ങളെ പൊളിച്ചടുക്കാനുള്ള ടൂൾകിറ്റ്" ഉപയോഗപ്രദമായിരിക്കും.

Leave a Reply

%d bloggers like this: