Home » Scrolling News » അന്റാര്‍ട്ടിക്കയില്‍ ഹിമപാതത്തിന്റെ അളവു കൂടുന്നു !
Antartica
Antarctica. An orthographic projection of NASA's Blue Marble data set.

അന്റാര്‍ട്ടിക്കയില്‍ ഹിമപാതത്തിന്റെ അളവു കൂടുന്നു !

അന്റാര്‍ട്ടിക്കയില്‍ ഹിമപാതത്തിന്റെ അളവു കൂടുന്നുവെന്ന വാര്‍ത്ത വായിക്കൂ ….

Antarctica. An orthographic projection of NASA's Blue Marble data set.
മഞ്ഞുമൂടിയ അന്റാര്‍ട്ടിക്ക – നാസയുടെ ചിത്രം.
വാര്‍ത്ത അതിവേഗം ലോകം മുഴുവന്‍ പരക്കുകയാണ്‌. അന്റാര്‍ട്ടിക്കയില്‍ ഹിമപാതത്തിന്റെ അളവു കൂടുന്നുവത്രേ. 2000 മുതല്‍ 2014 വരെയുള്ള കാലത്ത്‌ ഹിമരൂപീകരണം 1999 നെ അപേക്ഷിച്ച്‌ അഞ്ച്‌ ഇരട്ടിയായി. ആര്‍ട്ടിക്കില്‍ ഹിമാനികള്‍ തകര്‍ന്നു വീഴുന്നു, മഞ്ഞുരുകുന്നു തുടങ്ങിയ ദുരന്തവാര്‍ത്തകള്‍ക്കിടയില്‍ ഈ വര്‍ത്ത (ശരിയാണെങ്കില്‍) തീര്‍ച്ചയായും സന്തോഷദായകം തന്നെ. അമേരിക്കന്‍ സര്‍ക്കാരിന്റെ ഊര്‍ജ വകുപ്പിന്റെ സാമ്പത്തിക സഹായത്തോടെ NCAR (National Centre for Atmosphere Research) ആണ്‌ 1979 മുതല്‍ ഈ പഠനം നടത്തിവരുന്നത്‌. നേച്ചര്‍ ജിയോ സയന്‍സ്‌ ജേര്‍ണല്‍ ആണ്‌ പ്രബന്ധം പ്രസിദ്ധീകരിച്ചിട്ടുള്ളത്‌. സമീപകാലത്തായി കിഴക്കന്‍ ശാന്തസമുദ്രത്തിലെ ഉപരിതലതാപനില കുറഞ്ഞുവരികയാണത്രേ.

നമ്മള്‍ ഇത്രയൊക്കെ കാര്‍ബണ്‍ ഡയോക്‌സൈഡും മറ്റും ഉല്‍പ്പാദിപ്പിച്ചിട്ടും ഇതെങ്ങനെ സംഭവിച്ചു എന്ന സംശയം സ്വാഭാവികമാണല്ലോ.

സൂര്യന്‍ താരതമ്യേന നിര്‍ജീവമാവുകയാണുപോലും. സൂര്യകളങ്കങ്ങള്‍ കുറഞ്ഞുകുറഞ്ഞുവരുന്നു. മൗണ്ടര്‍ മിനിമത്തിലേക്കാണ്‌ പോക്ക്‌ എന്നു തോന്നുന്നു. 2030ല്‍ അതു പരമാവധിയില്‍ എത്തും. ഇതുപോലൊരു മൗണ്ടര്‍ മിനിമം 1645 – 1715 കാലത്തുണ്ടായപ്പോള്‍ ഭയങ്കര തണുപ്പായിരുന്നത്രേ. അതുകൊണ്ട്‌ ഇക്കുറിയും അങ്ങനെ സംഭവിച്ചേക്കാം എന്നാണ്‌ ഊഹം. പക്ഷേ, കഴിഞ്ഞ 400 കൊല്ലങ്ങള്‍ക്കിടയില്‍ സംഭവിച്ച നാല്‌ മൗണ്ടര്‍മിനിമ കാലഘട്ടങ്ങളില്‍ ഹിമയുഗമൊന്നും ഉണ്ടായതായി സൂചനയില്ലതാനും.

ആകപ്പാടെ നോക്കുമ്പോള്‍ തട്ടിക്കൂട്ടിയ ഒരു ഗവേഷണം പോലെ തോന്നുന്നു അന്റാര്‍ട്ടിക്കയിലെ ഈ മഞ്ഞുവീഴ്‌ച. അമേരിക്ക, റഷ്യ, കനഡ, ഇംഗ്ലണ്ട്‌ പോലുള്ള ഇടങ്ങളില്‍ വ്യവസായികള്‍ ഏറെക്കാലമായി ആഗോളതാപനം തന്നെ ഒരു നുണയാണെന്നു പറഞ്ഞുകൊണ്ടിരിക്കയാണല്ലോ. എന്തായാലും നമുക്ക്‌ അത്രവേഗം ഈ വാര്‍ത്ത വിഴുങ്ങണ്ട. അല്‍പ്പം കൂടി കാത്തിരിക്കാം.

Check Also

ഇന്ന് വിക്രം സാരാഭായിയുടെ 100-ാം ജന്മദിനം

ഇന്ത്യൻ ബഹിരാകാശ ഗവേഷണപ്രവർത്തനങ്ങളുടെ പിതാവായ വിക്രം സാരാഭായിയുടെ നൂറാം ജന്മദിനമാണ്  2019 ആഗസ്റ്റ് 12. സാരാഭായിയെ നേരിൽക്കാണാനും സംസാരിക്കാനും കഴിഞ്ഞ, വി.എസ്.എസ്.സി. യിൽ മുപ്പതിലേറെ വർഷക്കാലം ഗവേഷകനായി പ്രവർത്തിച്ച പ്രൊഫ.പി.ആര്‍ മാധവപ്പണിക്കരുടെ  ഓർമക്കുറിപ്പ്.

Leave a Reply

%d bloggers like this: