Read Time:5 Minute
ഇപ്പോൾ ഉപയോഗത്തിലുള്ള പരമ്പരാഗത രീതികൾ പൂർത്തിയാകാൻ മണിക്കൂറുകൾ തൊട്ട് ദിവസങ്ങളെടുക്കും. ക്ഷയരോഗ കൾച്ചറാകട്ടെ, 40 ദിവസമെടുക്കും. പുതിയ രീതിയിലുള്ള പരിശോധന മിനിറ്റുകൾക്കുള്ളിൽ പൂർത്തീകരിക്കാൻ സാധിക്കും.
ഓരോ തരത്തിലുള്ള ബാക്ടീരിയയും പ്രകാശത്തിന്റെ തനതായ പാറ്റേണുകൾ പ്രദർശിപ്പിക്കുന്നു. എന്നാൽ, തന്നിരിക്കുന്ന സാമ്പിളിലെ മറ്റെല്ലാ തന്മാത്രകളും കോശങ്ങളും ഇതുപോലെ പാറ്റേണുകൾ പ്രദർശിപ്പിക്കുന്നുണ്ട്. അതിനാൽ, ബാക്ടീരിയയിൽ നിന്ന് പ്രതിഫലിക്കുന്ന പ്രകാശത്തെ വേർതിരിക്കാനും വർധിപ്പിക്കാനുമുള്ള മാർഗം ഗവേഷകർക്ക് കണ്ടെത്തേണ്ടി വന്നു. ഇതിനായി ഇങ്ക് ജെറ്റ് പ്രിന്റിങ് ഉപയോഗിച്ച് ആയിരക്കണക്കിന് ചെറിയ കുത്തുകൾ രൂപപ്പെടുത്തി അതിലേക്ക് രക്തത്തിന്റെ സാമ്പിളുകൾ ശേഖരിച്ചു. കൂടാതെ, സാമ്പിളുകളിൽ ഗോൾഡ് നാനോറോഡുകൾ ചേർക്കുകയുണ്ടായി. ഇവ ബാക്ടീരിയകളോട് സ്വയം ഘടിപ്പിക്കുകയും ആന്റിനകൾ പോലെ പ്രവർത്തിക്കുകയും ചെയ്യുന്നു.
ലേസർ ലൈറ്റ് ബാക്ടീരിയയിലേക്ക് പ്രകാശിപ്പിക്കുമ്പോൾ ഗോൾഡ് നാനോറോഡുകൾ പ്രതിഫലിക്കുന്ന സിഗ്നലിനെ അതിന്റെ 1500 മടങ്ങ് വർധിപ്പിക്കുന്നു. ഇത്തരത്തിലാണ് ബാക്ടീരിയകളുടെ പാറ്റേൺ വേർതിരിച്ചെടുക്കുന്നത്. അവസാനഘട്ടത്തിൽ ആർട്ടിഫിഷ്യൽ ഇന്റലിജൻസ് ഉപയോഗിച്ച് ബാക്ടീരിയകളെ തിരിച്ചറിയാനും സാധിക്കുന്നു.
ഡോ. ദീപ കെ.ജി
കടപ്പാട് : 2023 ഏപ്രിൽ ലക്കം ശാസ്ത്രഗതിയിൽ പ്രസിദ്ധീകരിച്ച കുറിപ്പ്
അധിക വായനയ്ക്ക്
Combining Acoustic Bioprinting with AI-Assisted Raman Spectroscopy for High-Throughput Identification of Bacteria in Blood, Nano Letters, 2023, https://pubs.acs.org/doi/10.1021/acs.nanolett.2c03015
Happy
67 %
Sad
0 %
Excited
0 %
Sleepy
0 %
Angry
0 %
Surprise
33 %
1
0
