C-SIS – LUCA സ്കൂൾ അധ്യാപകർക്കായി ചെറു വീഡിയോ മത്സരം

Read Time:2 Minute

കൊച്ചി ശാസ്ത്രസാങ്കേതിക സർവകലാശാലയുടെ ശാസ്ത്രസമൂഹകേന്ദ്രവും (Centre for Science in Society, CUSAT) കേരള ശാസ്ത്രസാഹിത്യ പരിഷത്തിന്റെ ഓൺലൈൻ സയൻസ് പോർട്ടലായ ലൂക്കയുമായി (luca.co.in) സഹകരിച്ചു കൊണ്ട് കേരളത്തിലെ സ്കൂൾ അധ്യാപകർക്കായി സയൻസ് / ഗണിത വിഷയങ്ങളിൽ നടത്തിയ ചെറുവിഡിയോ മത്സരഫലം.

പൊതു നിരീക്ഷണങ്ങൾ

കോവിഡ് ലോക്ഡൗണിന്റെ പശ്ചാത്തലത്തിൽ ഓൺലൈൻ വിദ്യാഭ്യാസത്തിന് പ്രാധാന്യം ഏറിവരുന്ന സന്ദർഭത്തിൽ ഇത്തരത്തിൽ ഒരു മത്സരം ഏറെ പ്രസക്തമായിരുന്നു.
മത്സരത്തിന് ലഭിച്ച വിഡിയോകളെ സംബന്ധിച്ച് വിലയിരുത്തിയപ്പോൾ കുറച്ചെണ്ണം മാത്രമാണ് ഉയർന്ന നിലവാരം പുലർത്തിയതായി ബോദ്ധ്യപ്പെട്ടത്.
ജൂറിയുടെ മൂല്യനിർണയത്തിന് ഉള്ളടക്കത്തിന്റെ നിലവാരത്തോടൊപ്പം ദൃശ്യമാധ്യമം ഉപയോഗപ്പെടുത്തുന്നതിലെ സാമർത്ഥ്യവും പരിഗണിച്ചിട്ടുണ്ട്.
പ്രൈമറി വിഭാഗത്തിൽ സാമാന്യം ഭേദപ്പെട്ട ധാരാളം വീഡിയോകൾ ഉണ്ടായിരുന്നു. ഹൈസ്കൂൾ വിഭാഗത്തിൽ അത്തരം വിഡിയോകൾ കുറവായിരുന്നു. ഹയർ സെക്കൻഡറി വിഭാഗത്തിൽ മികച്ചതെന്നു പറയാവുന്നവ കാണാൻ കഴിഞ്ഞില്ല. അതിനാൽ ആ വിഭാഗത്തിൽ പ്രോത്സാഹന സമ്മാനങ്ങൾ മാത്രം നൽകിയാൽ മതി എന്ന് ജൂറി ശുപാർശ ചെയ്യുന്നു.
വിഡിയോ നിർമാണത്തിൽ അധ്യാപകർക്കു വിദഗ്ധ പരിശീലനം നൽകണമെന്ന് ജൂറി ശുപാർശ ചെയ്യുന്നു.
സമ്മാനാർഹരയാവരുടെ പേരുവിവരം താഴെ ചേർക്കുന്നു.