• ഇന്ത്യയിൽ 112335 രോഗബാധിതർ. 24 മണിക്കൂറിനുള്ളിൽ 5611 രോഗികൾ. മരണപ്പെട്ടവർ 3303 ആയി.
• മഹാരാഷ്ട്രയിൽ ഇന്നലെയും 2250 പേർ രോഗബാധിതരായി. ആകെ രോഗം  ബാധിച്ചവർനാൽപ്പതിനായിരത്തിനോടടുത്തു.
• മുംബൈയിൽ 1372 പേർക്ക് പുതിയതായി രോഗം ബാധിച്ചു, 41 മരണവും. ആകെ 23000 രോഗികൾ.
• തമിഴ്നാട്ടിൽ 743 പേർക്ക് പുതുതായി രോഗം ബാധിച്ചു. ആകെ 13191 രോഗബാധിതർ.
• ഗുജറാത്തിൽ 398 പേർക്ക് പുരതായി രോഗം ബാധിച്ചു. ഉത്തര പ്രദേശിൽ 249 ഉം, രാജസ്ഥാനിൽ 170 ഉം, പശ്ചിമ ബംഗാളിൽ 142 ഉം, ആസ്സാമിൽ 170 ഉം പുതിയ കോവിഡ് കേസുകൾ റിപ്പോർട്ട് ചെയ്തു.
• രാജ്യ തലസ്ഥാനമായ ഡൽഹിയിൽ കോവിസ് രോഗികൾ 11000 കടന്നു. ഇന്നലെ 534 പേർക്ക് രോഗം സ്ഥിരീകരിച്ചു, 10 മരണവും റിപ്പോർട്ട് ചെയ്തു. 5196 പേർ രോഗമുക്തരായി.
• ഇന്ത്യയുടെ രോഗമുക്തി നിരക്ക് 39. 62 % ലേക്ക് ഉയർന്നുവെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി. ഇന്നലത്തെ രോഗമുക്തി നിരക്ക് 38. 73% ആയിരുന്നു രാജ്യത്താകെ ഇതുവരെ 25,12,388
  കോവിഡ് ടെസ്റ്റുകൾ നടത്തിയെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് . 391 സർക്കാർ ലബോറട്ടറികളിലും 164 സ്വകാര്യ ലബോറട്ടറി കളിലുമായാണ് നാളിതുവരെ ഇത്രയും പരിശോധനകൾ നടത്തിയത്. കഴിഞ്ഞ 24 മണിക്കൂറിനുള്ളിൽ നടത്തിയ കോവിഡ് ടെസ്റ്റ് കളുടെ എണ്ണം
  1,08, 121 ആണ്.
• ഇന്ത്യയിൽ കോവിഡ് സ്ഥിരീകരിക്കപ്പെട്ടവരിൽ 6.39% ന് മാത്രമേ ആശുപത്രി സേവനം ആവശ്വമുള്ളുവെന്ന് കേന്ദ്ര ആരോഗ്യ മന്ത്രാലയം .ഓക്സിജൻ സഹായം ആവശ്യമുള്ളവർ 2.94 % വും ഇൻ്റൻസീവ് കെയർ യൂണിറ്റിൻ്റെ സഹായം വേണ്ടവർ വെറും 3% വും മാത്രമാണെന്നും 0.45% ന് മാത്രമേ വെൻ്റിലേറ്റർ സഹായം ആവശ്യമുള്ളുവെന്നും കേന്ദ്ര ആരോഗ്യമന്ത്രാലയത്തിലെ ജോയിൻ്റ് സെക്രട്ടറി ലാവ് അഗർവാൾ വ്യക്തമാക്കി.
• ലോക ജനസംഖ്യയിൽ ഒരു ലക്ഷം പേരിൽ 62 പേർക്ക് എന്ന നിലയിലാണ് കോവിഡ് ബാധിച്ചിട്ടുള്ളതെങ്കിൽ ഇന്ത്യയിൽ ഒരു ലക്ഷം പേരിൽ 7.9 പേർക്ക് മാത്രമാണ് കോവിഡ് രോഗം സ്ഥിരീകരിക്കപ്പെട്ടിട്ടുള്ളത് .അതു പോലെ മരണതോതിൻ്റെ കാര്യത്തിലും ഈ വ്യത്യാസം പ്രകടമാണ് .ലോകത്താകെ ഒരു ലക്ഷം പേരിൽ 4.2 പേർ മരണപ്പെടുമ്പോൾ ഇന്ത്യയിൽ അത് ലക്ഷത്തിന് 0.2 പേർ മാത്രമാണെന്ന് കേന്ദ്ര ആരോഗ്യമന്ത്രാലയത്തിലെ ജോയിൻ്റ് സെക്രട്ടറി ലാവ് അഗർവാൾ .
• കോവിഡ് പശ്ചാത്തലത്തിൽ 2020 മാർച്ച് 25ന് നിർത്തിവച്ച രാജ്യത്തിനകത്തെ വിമാന സർവ്വീസ് മെയ് 25 ന് പുനരാരംഭിക്കുമെന്ന് സിവിൽ ഏവിയേഷൻ മന്ത്രാലയം വ്യക്തമാക്കി.
• മഹാരാഷ്ട്രയിൽ 1388 പോലീസ് ഉദ്യോഗസ്ഥർക്ക് ഇതുവരെ കോ വിഡ് സ്ഥിരീകരിച്ചിട്ടുണ്ട് .അതിൽ 948 പേർ ഇപ്പോഴും ചികിൽസയിലാണ്. പോലീസ് സേനയിൽ 12 പേരാണ് കോവിഡ് ബാധിച്ച് മരിച്ചത്.
• കോവിഡ് വ്യാപനത്തെ തുടർന്ന് ചെന്നെയിൽ നിന്നും ഒഡീഷയിലെ വീട്ടിലേക്ക് സൈക്കിളിൽ പോയ റാം ബിശ്വാസ് എന്ന കുടിയേറ്റ തൊഴിലാളി പട്ടിണിയും, നിർജലികരണവും മൂലം മരിച്ചു. ലോക്ക് ഡൗണിനെ തുടർന്ന് കയ്യിൽ പണമില്ലാത്തതിനാലാണ് റാം ബിശ്വാസ് അടക്കം 5 പേർ സൈക്കിളിൽ ഒഡീഷയില്ലക്ക് യാത്ര തിരിച്ചത്.

കേന്ദ്രമാര്‍ഗ്ഗരേഖയില്‌‌ നിന്ന്

•  പ്രത്യേക കോവിഡ് ആശുപത്രികളിൽ ജോലി ചെയ്യുന്ന ഡോക്ടർമാർ, നഴ്സുമാർ ഉൾപ്പെടെയുള്ള ആരോഗ്യ പ്രവർത്തകർ നിശ്ചിത ദിവസത്തെ ജോലിക്ക് ശേഷം 14 ദിവസം നിർബ്ബന്ധമായി ആശുപത്രി ക്വാറൻറീനിൽ കഴിയേണ്ടതില്ലെന്ന് കേന്ദ്ര ആരോഗ്യ മന്ത്രാലയം. കോവിഡ് രോഗികളുമായുള്ള സമ്പർക്കത്തിലൂടെ രോഗലക്ഷണങ്ങൾ കാണിക്കുന്നവർ മാത്രം ക്വാറൻറീനിൽ കഴിഞ്ഞാൽ മതി. നേരിയ ലക്ഷണമുള്ളവർ വീട്ടിൽ നിരീക്ഷണത്തിൽ കഴിയണം. വീട്ടിൽ സൗകര്യമില്ലെങ്കിൽ കോവിഡ് പരിചരണ കേന്ദ്രങ്ങളിൽ പ്രവേശിപ്പിക്കണം.
• ഗുരുതരമല്ലാത്ത ലക്ഷണങ്ങൾ കാണിക്കുന്നവരെ കോവിഡ് ആരോഗ്യ കേന്ദ്രങ്ങളിലും, ഗുരുതരാവസ്ഥയിലുള്ളവരെ പ്രത്യേക കോവിഡ് ആശുപത്രികളിലും പ്രവേശിപ്പിക്കണം. ആശുപത്രികളിൽ ഇൻഫക്ഷൻ കൺട്രോൾ കമ്മിറ്റി രൂപീകരിക്കണം.
• ആരോഗ്യ പ്രവർത്തകരുമായി ബന്ധപ്പെട്ട് പ്രശ്നങ്ങൾ പരിഹരിക്കാൻ നോഡൽ ഓഫീസറെ നിയോഗിക്കണം. ആശുപത്രിയിലെ മുഴുവൻ ആരോഗ്യ പ്രവർത്തകരും വ്യക്തി സുരക്ഷാ കവചം ധരിക്കുന്നുണ്ടെന്ന് ഉറപ്പാക്കണം. മുഴുവൻ ആരോഗ്യ പ്രവർത്തകർക്കും അണുബാധ നിയന്ത്രണത്തിൽ പരിശീലനം നൽകണം. ആരോഗ്യ പ്രവർത്തകരെ രണ്ടൊ അതിലധികമൊ ആയ ഗ്രൂപ്പുകളാക്കുകയും, ഗ്രൂപ്പിലുള്ളവർ ആവശ്യമായ മുൻകരുതലുകൾ എടുത്തിട്ടുണ്ടെന്ന് ഉറപ്പു വരുത്തുകയും വേണമെന്ന് മാർഗരേഖ നിർദ്ദേശിക്കുന്നു.

രോഗവ്യാപനം – ലിംഗ, പ്രായ അനുപാതം

ഇന്ത്യയുടെ സോണ്‍ തിരിച്ചുള്ള ഭൂപടം