രോഗവിമുക്തരായവര്‍

10,38,390

Last updated : 2020 മെയ് 1 രാവിലെ 7 മണി

2000 നു മുകളിൽ മരണം നടന്ന രാജ്യങ്ങള്‍

രാജ്യം	ബാധിച്ചവർ	മരണം	ഭേദമായവര്‍	ടെസ്റ്റ് /1M pop*
യു. എസ്. എ.	1,094,423	63,825	151,784	19,245
സ്പെയിന്‍	239,639	24,543	137,984	31,126
ഇറ്റലി	205,463	27,967	75,945	32,735
യു. കെ.	171,253	26,771		13,286
ഫ്രാൻസ്	167,178	24,376	49,476	11,101
ജര്‍മനി	163,009	6,623	123,500	30,400
തുര്‍ക്കി	120,204	3,174	48,886	12,255
ഇറാന്‍	94,640	6,028	75,103	5,516
ബ്രസീല്‍	85,380	5,901	35,935	1,597
ചൈന	82,862	4,633	77,610	1,597
കനഡ	53236	3184	21423	20,286
ബെല്‍ജിയം	48,519	7,594	11,576	20,532
നെതര്‍ലാന്റ്	39,316	4,795		12,824
സ്വീഡന്‍	21,092	2,586	1,005	11,833
…
ഇൻഡ്യ	34,862	1,154	9,068	613
…
ആകെ	3,303,055	233,775	1,038,390

*10 ലക്ഷം ജനസംഖ്യയി,ല്‍ എത്രപേര്‍ക്ക് ടെസ്റ്റ് ചെയ്തു

ഇന്ന് സാര്‍വദേശീയ തൊഴിലാളിദിനം

ഈ മെയ്‌ ദിനത്തിൽ, മാനവരാശി നേരിടുന്ന കോവിഡ് മഹമാരിയെ നേരിടാന്‍ സ്വന്തം ജീവൻ തന്നെ അപകടപ്പെടുത്തി മുന്നണികളിൽ പ്രവർത്തിക്കുന്ന ലോകത്തെങ്ങുമുള്ള ആരോഗ്യപ്രവർത്തകരോടും ഡോക്ടർമാരോടും നേഴ്സുമാരോടും ജീവനക്കാരോടും ശുചീകരണത്തൊഴിലാളികളോടും നമുക്ക് ഐക്യപ്പെടാം. നന്ദിപറയാം.
ലോക്ക്ഡൗൺ കാലത്തും കുടിവെള്ളം, വൈദ്യുതി, പോർട്ട്, വാർത്താവിനിമയം, ധനം, പാൽ വിതരണം, പലവ്യഞ്ജനങ്ങൾ, പച്ചക്കറികൾ, ഔഷധങ്ങള്‍ തുടങ്ങി ദശലക്ഷക്കണക്കിനു മനുഷ്യരുടെ ജീവസന്ധാരണത്തിനു വേണ്ട അവശ്യസേവനങ്ങൾ നൽകുന്ന തൊഴിലാളികളെ നമുക്ക് സ്മരിക്കാം.
കോവിഡ് പശ്ചാത്തലത്തില്‍ ജോലിയും ജീവനോപാധികളും നഷ്ടപ്പെട്ട അനേകം മനുഷ്യരുണ്ട്. അസംഘടിതരും നിരാലംബരുമായ അനേകലക്ഷം മനുഷ്യരെ ഓര്‍ക്കാം.

ലോകം

ലോകമെമ്പാടും, സ്ഥിരീകരിച്ച കോവിഡ് കേസുകളുടെ എണ്ണം 3.3 ദശലക്ഷത്തിന് മുകളിലാണ്, 2.33 ലക്ഷത്തിലധികം മരണങ്ങളും പത്തുലക്ഷത്തിലേറെ പേര്‍ സുഖം പ്രാപിച്ചു. അതായത് രോഗബാധിതരില്‍ മൂന്നിലൊന്ന് പേര്‍
അമേരിക്കയിൽ 24 മണിക്കൂറിനിടെ 2352 പേർ മരിച്ചു.രോഗം സ്ഥിരീകരിച്ചവരുടെ എണ്ണം രാജ്യത്ത് പത്തര ലക്ഷത്തിലേറെ. ഇന്നലെ മാത്രം 20000ലെറെ പേർക്ക് രാജ്യത്ത് രോഗം സ്ഥിരീകരിച്ചു.
ബ്രിട്ടണിൽ 765 പേർ ആണ് ഇന്നലെ മരിച്ചത്. യുകെയിൽ നഴ്സിംഗ് ഹോമുകളിൽ മരിച്ച ആളുകളുടെ കണക്കുകൾ പുറത്തു വിട്ടതോടെ മരണനിരക്ക് വീണ്ടും ഉയ‍ർന്നു. 26000 ത്തിലേറെ പേരാണ് ഇതുവരെ മരിച്ചത്.
ഗിലിയാഡ് സയൻസസ് ഇൻ‌കോർപ്പറേഷൻ നടത്തിയ ക്ലിനിക്കൽ ട്രയലിനിടെ കോവിഡ് -19 രോഗികളുടെ ഫലങ്ങൾ മെച്ചപ്പെടുത്തുന്നതിന് പരീക്ഷണാത്മക ആൻറിവൈറൽ മരുന്ന് റിമെഡെസിവിർ(remdesivir) സഹായിച്ചുവെന്ന് യുഎസ് ആരോഗ്യ വിദഗ്ധൻ ആന്റണി ഫസി അറിയിച്ചു.
റഷ്യൻ പ്രധാനമന്ത്രി മിഖായേൽ മിഷുസ്‌ടിൻ കോവിഡ്‌ സ്ഥിരീകരിച്ചതോടെ സ്വയം ക്വാറന്റൈനിൽ പ്രവേശിച്ചു. ഉയർന്ന രണ്ട്‌ ഉദ്യോഗസ്ഥരുമായുള്ള സമ്പർക്കത്തിലൂടെയാണ്‌ അണുബാധയുണ്ടായത്‌.
പശ്ചിമ ആഫ്രിക്കൻ രാജ്യങ്ങളിൽ കൊറോണ വൈറസിന്റെ സമൂഹ വ്യാപനം ലോകാരോഗ്യസംഘടനയെ ആശങ്കപ്പെടുത്തുന്നു.സബ്-സഹാറൻ ആഫ്രിക്കയിൽ 23,800 കേസുകളും 900 അധികം മരണങ്ങളും സ്ഥിരീകരിച്ചു.
514 പുതിയ കേസുകളുമായി നെതർലൻഡിന്റെ കേസുകളുടെ എണ്ണം 39,316 ആയി ഉയർന്നു. 84 പുതിയ മരണങ്ങൾ റിപ്പോർട്ട് ചെയ്തു. രാജ്യത്ത് ആകെ മരിച്ചവരുടെ എണ്ണം 4,795 ആണ്.
മതസേവനങ്ങൾക്കായി പള്ളികളും സിനഗോഗുകളും വീണ്ടും തുറക്കാൻ ജർമ്മനി ഒരുങ്ങുന്നു. കൊറോണ വൈറസ് പകരുന്നത് തടയുന്നതിനുള്ള കർശന വ്യവസ്ഥകൾ പാലിക്കും.
ഓരോ 2-4 ആഴ്ചയിലും അയർലൻഡ് നിയന്ത്രണങ്ങൾ ലഘൂകരിക്കുന്നത് പരിഗണിക്കുമെന്ന് പ്രധാനമന്ത്രി പറയുന്നു.
ഇറാനിൽ കൊറോണ വൈറസിൽ നിന്ന് 71 പുതിയ മരണങ്ങൾ റിപ്പോർട്ട് ചെയ്തു.രാജ്യത്തെ മൊത്തം മരണസംഖ്യ 6,000 കടന്നതായി ഇറാൻ ആരോഗ്യ മന്ത്രാലയം അറിയിച്ചു.കൊറോണ
വൈറസ് വ്യാപനത്തിന്റെ വെളിച്ചത്തിൽ ആഭ്യന്തരമായും അന്തർദ്ദേശീയമായും ആരോഗ്യമേഖലയുടെ ആവശ്യങ്ങൾ നിറവേറ്റുന്നതിനായി ഖത്തർ ആർട്ടിഫിസിയൽ റെസ്പൈറേറ്ററി യന്ത്രങ്ങൾ നിർമ്മിക്കാൻ തുടങ്ങി.
ഇന്തോനേഷ്യ 347 പുതിയ കേസുകൾ സ്ഥിരീകരിച്ചു,ഇതോടെ മൊത്തം രോഗബാധിതർ 10,000 ത്തിൽ കൂടുതൽ ആയി.എട്ട് പുതിയ മരണങ്ങൾ റിപ്പോർട്ട് ചെയ്തു, ആകെ മരണങ്ങൾ 792 ആയി, 1,522 പേർ സുഖം പ്രാപിച്ചു.
മലേഷ്യൻ 57 പുതിയ കൊറോണ വൈറസ് കേസുകൾ റിപ്പോർട്ട് ചെയ്തു, മൊത്തം കേസുകള് 6,002 ആയി ഉയർന്നു. രണ്ട് പുതിയ മരണങ്ങളും റിപ്പോർട്ട് ചെയ്തു. മൊത്തം മരണങ്ങൾ 102 ആയി.
രാജ്യത്തിന്റെ വിവിധ ഭാഗങ്ങളിലുള്ള പകർച്ചവ്യാധിയുടെ അളവിലുള്ള വ്യത്യാസങ്ങൾ കണക്കിലെടുത്ത് രാജ്യത്തിന്റെ കൊറോണ വൈറസ് ലോക്ക്ഡൗൺ ക്രമേണ വിശ്രമിക്കുമെന്ന് ഇറ്റാലിയൻ പ്രധാനമന്ത്രി ഗ്യൂസെപ്പെ കോണ്ടെ പറഞ്ഞു.
സ്പെയിനിൽ കൊറോണ വൈറസ് മൂലം മരണമടഞ്ഞവരുടെ എണ്ണം 268 ആയി കുറഞ്ഞു, ഇത് ആറ് ആഴ്ചയ്ക്കുള്ളിലെ ഏറ്റവും താഴ്ന്ന നിരക്കാണ്. മരണസംഖ്യ വ്യാഴാഴ്ചയോടെ 24,543 ആയി.രാജ്യത്ത് രജിസ്റ്റർ ചെയ്ത കേസുകളുടെ എണ്ണം 2,39,639 ആയി ഉയർന്നു.
ഫിലിപ്പീൻസിൽ 276 പുതിയ കോവിഡ് കേസുകളും 10 മരണങ്ങളും കൂടി റിപ്പോർട്ട് ചെയ്തു.ഇതോടെ മൊത്തം കേസുകളുടെ എണ്ണം 8,488 ഉം മരണങ്ങൾ 568 ഉം ആയി.
പാകിസ്ഥാനിലെ കൊറോണ വൈറസ് കേസുകൾ തുടർച്ചയായ രണ്ടാം ദിവസവും വർദ്ധിച്ചു.874 പുതിയ കേസുകൾ റിപ്പോർട്ട് ചെയ്തു. മൊത്തം കേസുകളുടെ എണ്ണം 15,759 ആയി ഉയരുന്നു. 19 പുതിയ മരണങ്ങൾ റിപ്പോർട്ട് ചെയ്തു. മൊത്തം മരണസംഖ്യ 346 ആണ്.
കൊറോണ വൈറസ് ബാധിച്ച 7,099 പുതിയ കേസുകൾ റഷ്യയിൽ രേഖപ്പെടുത്തിയിട്ടുണ്ട്. ആകെ കേസുകളുടെ എണ്ണം 106,498 ആയി ഉയർന്നു.കഴിഞ്ഞ 24 മണിക്കൂറിനുള്ളിൽ 101 പേർ വൈറസ് ബാധിച്ച് മരിച്ചതിനെത്തുടർന്ന് ദ്യോഗിക മരണസംഖ്യ 1,073 ആയി ഉയർന്നു.
528 പുതിയ കൊറോണ വൈറസ് കേസുകൾ സിംഗപ്പൂർ വ്യാഴാഴ്ച സ്ഥിരീകരിച്ചു. മൊത്തം കേസുകൾ 16,169 ആയി ഉയർന്നു.
കൊറോണ വൈറസിൽ നിന്നുള്ള ആദ്യത്തെ രണ്ട് മരണങ്ങൾ യെമൻ റിപ്പോർട്ട് ചെയ്തു.കൊറോണ വൈറസ് സ്ഥിരീകരിച്ച അഞ്ച് കേസുകളും യെമൻ അധികൃതർ റിപ്പോർട്ട് ചെയ്തു.
ഉക്രെയ്നിൽ ഇതുവരെ 10,406 കൊറോണ വൈറസ് കേസുകളും 261 മരണങ്ങളും സ്ഥിരീകരിച്ചു.
പുതിയ ഏഴ് കൊറോണ വൈറസ് കേസുകൾ തായ്‌ലൻഡിൽ റിപ്പോർട്ട് ചെയ്തു എന്നാൽ പുതിയ മരണങ്ങളൊന്നും ഇല്ല. രാജ്യത്ത് മൊത്തം 2,954 കേസുകളം 54 മരണങ്ങളും ആണ് റിപ്പോർട്ട് ചെയ്തത്.
കേസുകൾ വീണ്ടും ഉയർന്നതിനെത്തുടർന്ന് ശ്രീലങ്കൻ സർക്കാർ രാജ്യത്തുടനീളം 24 മണിക്കൂർ കർഫ്യൂ ഏർപ്പെടുത്തുന്നു.ഏഴ് മരണങ്ങളടക്കം 630 കോവിഡ് -19 കേസുകൾ ശ്രീലങ്കയിൽ റിപ്പോർട്ട് ചെയ്തിട്ടുണ്ട്.
ആദ്യത്തെ കൊറോണ വൈറസ് മരണം മാലദ്വീപ് റിപ്പോർട്ട് ചെയ്യുന്നു. മാലിദ്വീപിൽ ആകെ 280 കേസുകൾ ആണ്‌ ഉള്ളത്.
നാല് പുതിയ കൊറോണ വൈറസ് കേസുകൾ ചൈന റിപ്പോർട്ട് ചെയ്യുന്നു.
യുഎഇയിൽ കോവിഡ് ബാധിച്ച് ഏഴു പേർ കൂടി മരിച്ചതോടെ ആകെ മരണ സംഖ്യ നൂറു കവിഞ്ഞു.പുതുതായി 552 പേർക്ക് രോഗം സ്ഥിരീകരിച്ചു. ഇതോടെ ആകെ രോഗികളുടെ എണ്ണം 12,481 ആയി.
സൗദിയിൽ 1351 പുതിയ കേസുകൾ കൂടി സ്ഥിരീകരിച്ചതോടെ രോഗബാധിതരുടെ എണ്ണം 22753 ആയി ഉയർന്നു.ഇന്ന് പുതുതായി അഞ്ചു മരണവും രേഖപ്പെടുത്തി. ഇതോടെ മരണ സംഖ്യ 162 ആയി.
ഖത്തറില്‍ 845 പേര്‍ക്ക് കൂടി കോവിഡ് 19 സ്ഥിരീകരിച്ചതോടെ രോഗബാധിതരുടെ എണ്ണം 13,409 ആയി.

കോവിഡ്- 19: സ്ഥിതിവിവരക്കണക്ക് – ഇന്ത്യ

Department of Health & Family Welfare വെബ്സൈറ്റിലെ സ്ഥിതി വിവരം

ഇന്ത്യയിലെ ഓരോ സംസ്ഥാനത്തെയും രോഗബാധ – സ്ഥിതിവിവരം (മെയ് 1 രാവിലെ)

അവലംബം : covid19india.org പ്രകാരം

സംസ്ഥാനം	ബാധിച്ചവർ	സുഖപ്പെട്ടവര്‍	മരണം	ടെസ്റ്റുകള്‍ /10 ലക്ഷം ജനസംഖ്യ
മഹാരാഷ്ട്ര	10498(+583)	1773(+180)	459(+27)	1207
ഗുജറാത്ത്	4395(+313)	613(+86)	214(+17)	1059
ഡല്‍ഹി	3515(+76)	1094(+2)	59(+3)	2813
മധ്യപ്രദേശ്	2625(+65)	482(+21)	137(+7)	574
രാജസ്ഥാന്‍	2582(+144)	893(+79)	58(+3)	1512
തമിഴ്നാട്	2323 (+161)	1258(+48)	27	1659
ഉത്തര്‍ പ്രദേശ്	2211 (+77)	551(+41)	40(+1)	390
ആന്ധ്രാപ്രദേശ്	1403(+71)	321(+34)	31	2251
തെലങ്കാന	1038(+22)	442(+33)	28(+3)	547
പ. ബംഗാള്‍	758(+33)	124(+5)	33(+11)	181
ജമ്മുകശ്മീര്‍	614(+33)	216(+24)	8	1618
കര്‍ണാടക	534+11)	216(+9)	21(+1)	984.6
കേരളം	498(+2)	383(+14)	3	777
ബീഹാര്‍	425(+22)	84(+20)	2	218
പഞ്ചാബ്	480(+105)	104(+3)	20(+1)	764
ഹരിയാന	339(+28)	235(+10)	4(+1)	1112
ഒഡിഷ	142(+17)	41(+2)	1	755
ഝാര്‍ഗണ്ഢ്	110(+3)	19	3	311
ഉത്തര്‍ഗണ്ഡ്	57(+2)	36(+8)	0	659
ഹിമാചല്‍	40	28(+3)	2	893
ചത്തീസ്ഗണ്ഡ്	40(+2)	3+(+2)	0	648
അസ്സം	43(+5)	29	1	305
ചണ്ഡീഗണ്ഢ്	74(+6)	18(+1)	0	—
അന്തമാന്‍	33	16(+1)	0	—
ലഡാക്ക്	22(+2)	17(+1)	0	—
മേഘാലയ	12		1	1397
ഗോവ	7	7	0
പുതുച്ചേരി	8	5	0
ത്രിപുര	2	2
മണിപ്പൂര്‍	2	2
അരുണാചല്‍	1	1
ദാദ്ര നഗര്‍ഹവേലി	1		0
മിസോറാം	1		0
നാഗാലാന്റ്	1		0
ആകെ	34863 (+1800)	9059(+630)	1154(+75)	613

ഇന്ത്യ

ഇന്ത്യയിലെ കൊറോണ വൈറസ് കേസുകൾ 34,000 കവിഞ്ഞു,
കഴിഞ്ഞ 24 മണിക്കൂറിൽ 1800 പുതിയ കേസുകൾ റിപ്പോർട്ട് ചെയ്തു
രോഗമുക്തി നേടുന്ന നിരക്ക് 24.91% , രണ്ടാഴ്ച മുന്നേ നിരക്ക് 13.06 ആയിരുന്നു
നിർദ്ദേശിച്ച ലോക്ക് ഡൗണ് സമയപരിധി ഉടൻ അവസാനിക്കുന്ന സാഹചര്യത്തിൽ COVID-19 മരണസംഖ്യ 1154 ന് അടുത്താണ്.
കേന്ദ്ര സർക്കാർ മെയ് 4 മുതൽ പുതിയ മാർഗ്ഗനിർദ്ദേശങ്ങൾ പ്രഖ്യാപിക്കുമെന്ന് പ്രതീക്ഷിക്കുന്നു.
മഹാരാഷ്ട്രയിൽ 9915 കേസുകൾ റിപ്പോർട്ട് ചെയ്തു, 432 പേർ മരിച്ചു.ധാരാവിയിൽ 25 പുതിയ COVID19 കേസുകൾ റിപ്പോർട്ട് ചെയ്തു. ധാരാവിയിൽ ആകെ പോസിറ്റീവ് കേസുകളുടെ എണ്ണം – 369, മരണസംഖ്യ 18:
ഗുജറാത്തിൽ 313 പുതിയ COVID19 പോസിറ്റീവ് കേസുകൾ റിപ്പോർട്ട് ചെയ്തു. സംസ്ഥാനത്ത് ആകെ 4395 കേസുകളുണ്ട്. ഇതിൽ 613 രോഗശാന്തി / ഡിസ്ചാർജ്, 214 മരണങ്ങൾ ഉൾപ്പെടുന്നു:
പശ്ചിമ ബംഗാളിൽ COVID-19 ൽ 11 പേർ കൂടി മരിച്ചു, മരണസംഖ്യ 33 ആയതായി ചീഫ് സെക്രട്ടറി രാജിവ സിൻഹ ഇന്ന് പറഞ്ഞു. കഴിഞ്ഞ 24 മണിക്കൂറിനുള്ളിൽ സംസ്ഥാനത്ത് 37 പുതിയ കൊറോണ വൈറസ് കേസുകൾ റിപ്പോർട്ട് ചെയ്യപ്പെട്ടിട്ടുണ്ട്. സുഖം പ്രാപിച്ചതിനെ തുടർന്ന് 15 പേരെ ആശുപത്രികളിൽ നിന്ന് ഡിസ്ചാർജ് ചെയ്തു. നിലവിൽ പശ്ചിമ ബംഗാളിൽ 572 കേസുകളുണ്ട്. 139 പേർ സുഖം പ്രാപിച്ചു,
മധ്യപ്രദേശിൽ കോവിഡ്‌ മരണം 2625 ആയി. വ്യാഴാഴ്‌ച വൈകുന്നേരത്തെ കണക്കനുസരിച്ച്‌ 137 പേർ മരിച്ചു. പ്രധാന നഗരമായ ഇൻഡോറിലാണ്‌ രോഗവ്യാപനം കുടുതൽ. ഇൻഡോറിൽ 24 മണിക്കൂറിൽ രോഗം സ്ഥിരീകരിച്ചത് 95 പേർക്കാണ്‌‌. ആകെ രോഗികളുടെ എണ്ണം 1485 ആയി. വ്യാഴാഴ്‌ച മൂന്നുപേർകൂടി മരിച്ചതോടെ മരണസംഖ്യ 68 ആയി. 4.57ശതമാനമാണ്‌ ആണ്‌ മരണനിരക്ക്‌.
മറ്റ് സംസ്ഥാനങ്ങളിൽ കുടുങ്ങി മടങ്ങിവരുന്ന ഛത്തീസ്ഗഡിലെ കുടിയേറ്റ തൊഴിലാളികൾക്ക് ഭക്ഷണവും താമസവും സംസ്ഥാന സർക്കാർ ഒരുക്കുന്നു. സ്കൂളുകളിലെയും പഞ്ചായത്ത് ഭവാനുകളിലെയും താൽക്കാലിക ഷെൽട്ടർ ഹോമുകളിൽ അവർ 14 ദിവസം താമസിക്കും: ഛത്തീസ്ഗഡ് മുഖ്യമന്ത്രി ഭൂപേഷ് ബാഗേൽ പറഞ്ഞു
ജൂലൈയിൽ സ്കൂളുകൾ തുറക്കാൻ യുപി പദ്ധതിയിടുന്നു
ഉത്തരാഖണ്ഡിൽ 2 പുതിയ COVID19 പോസിറ്റീവ് കേസുകൾ റിപ്പോർട്ട് ചെയ്തു
COVID19 ന്റെ 105 കേസുകൾ ഇന്ന് പഞ്ചാബിൽ റിപ്പോർട്ട് ചെയ്യപ്പെട്ടിട്ടുണ്ട്
161 പുതിയ കോവിഡ് -19 കേസുകൾ തമിഴ്‌നാട് റിപ്പോർട്ട് ചെയ്യുന്നു. ചെന്നൈയിൽ മാത്രം 138 കേസുകൾ

രാജ്യത്ത്‌ കോവിഡ്‌ ബാധിച്ച്‌ മരിച്ചവരിൽ 65 ശതമാനവും പുരുഷന്മാർ. 49 ശതമാനത്തോളം 60 വയസ്സിൽ താഴെ പ്രായമുള്ളവരാണ്

കുടിയേറ്റതൊഴിലാളികളുടെ മടക്കം

അടച്ചിടലിനെത്തുടർന്ന്‌ വിവിധ സംസ്ഥാനങ്ങളിൽ കുടുങ്ങിയ കുടിയേറ്റത്തൊഴിലാളികളെ റോഡുമാർഗം തിരിച്ചയക്കാനുള്ള കേന്ദ്ര ഉത്തരവ് ആശ്വാസ്യകരമല്ല.തൊഴിലാളികളെ മടക്കി അയക്കുന്നതിൽ എല്ലാ ഉത്തരവാദിത്തവും സംസ്ഥാനങ്ങളെ ഏൽപ്പിച്ചിരിക്കുകയാണ്.
സംസ്ഥാനങ്ങൾ പരസ്‌പരം ചർച്ച ചെയ്‌ത്‌ തീരുമാനമെടുക്കാനാണ്‌ നിർദേശം. റോഡുമാർഗമുള്ള യാത്രയ്‌ക്ക്‌ പ്രായോഗിക ബുദ്ധിമുട്ടുകളുണ്ട്‌. കേന്ദ്ര ഉത്തരവിൽ ഈ വിഷയം പരിഗണിക്കുന്നേയില്ല.
തൊഴിലാളികളുടെ യാത്രാച്ചെലവ്‌‌ ആര്‌ വഹിക്കുമെന്നതിൽ വ്യക്തതയില്ല. കേരളം, മഹാരാഷ്ട്ര, രാജസ്ഥാൻ, പഞ്ചാബ്‌, ഒഡിഷ, ബിഹാർ, ജാർഖണ്ഡ്‌ സംസ്ഥാനങ്ങൾ പ്രത്യേക ട്രെയിനുകൾ അനുവദിക്കണമെന്ന്‌ ആവശ്യപ്പെട്ടിട്ടുണ്ട്. കുടിയേറ്റ തൊഴിലാളികൾ ഏതുസംസ്ഥാനങ്ങളിൽനിന്നാണോ ആ സംസ്ഥാനങ്ങൾ യാത്രയുടെ ചെലവ്‌ ഏറ്റെടുക്കണമെന്ന ആവശ്യം മഹാരാഷ്ട്ര മുന്നോട്ടുവച്ചു.
ദക്ഷിണേന്ത്യൻ സംസ്ഥാനങ്ങളിലെ കുടിയേറ്റത്തൊഴിലാളികളിൽ നല്ലൊരു പങ്കും ഉത്തരേന്ത്യയിൽനിന്നും വടക്കുകിഴക്കൻ സംസ്ഥാനങ്ങളിൽനിന്നും ഉള്ളവരാണ്‌‌. ഇവരെ റോഡുമാർഗം നാട്ടിലെത്തിക്കാൻ ദിവസങ്ങൾ വേണ്ടിവരും. കോവിഡ്‌ മുൻകരുതലുകൾ എടുക്കുന്നതിലും പ്രായോഗിക ബുദ്ധിമുട്ടുകളുണ്ടാകും. ഒരു ട്രെയിനിൽ സാമൂഹ്യ അകലം പാലിച്ച്‌ 1000 പേരെവരെ കൊണ്ടുപോകാം. ബസിലാണെങ്കിൽ പരമാവധി 20–-25 പേർ മാത്രം.
കേന്ദ്ര ഉത്തരവ്‌ വന്നതിനു‌ പിന്നാലെ രാജസ്ഥാൻ, ഹരിയാന തുടങ്ങിയ സംസ്ഥാനങ്ങൾ അയൽസംസ്ഥാനങ്ങളിലേക്ക്‌ ബസുകളിൽ തൊഴിലാളികളെ എത്തിച്ചുതുടങ്ങി. ഹരിയാനയിൽനിന്ന്‌ 12,000 തൊഴിലാളികൾ യുപിയിൽ എത്തി. യുപി, ബിഹാർ, ബംഗാൾ, ഒഡിഷ തുടങ്ങിയ സംസ്ഥാനങ്ങളും മടങ്ങിയെത്തുന്ന തൊഴിലാളികളെ പാർപ്പിക്കുന്നതിന്‌ നടപടി തുടങ്ങി
ശാരീരിക അകലം പാലിച്ചാവണം തൊഴിലാളികളെ കൊണ്ടുപോകൽ. ഓരോ ട്രെയിനിലും മെഡിക്കൽ സംഘമുണ്ടാകണം. ഭക്ഷണവും വെള്ളവും ലഭ്യമാക്കണം. അവർക്കിടയിൽ ഉണ്ടാകാൻ ഇടയുള്ള ധൃതിയും അതുമൂലമുള്ള സംഘർഷങ്ങളും തടയാൻ സംവിധാനങ്ങളും ഉറപ്പുവരുത്തണം.

കേരളം

കടപ്പാട് : dashboard.kerala.gov.in, covid19kerala.info

നിരീക്ഷണത്തിലുള്ളവര്‍	20711
ആശുപത്രി നിരീക്ഷണം	426
ഹോം ഐസൊലേഷന്‍	20285
Hospitalized on 29-04-2020	95

ടെസ്റ്റുകള്‍	നെഗറ്റീവ്	പോസിറ്റീവ്	റിസള്‍ട്ട് വരാനുള്ളത്
25973	25135	497	314

ജില്ല	കേസുകള്‍	സുഖം പ്രാപിച്ചവര്‍	സജീവം	മരണം
കാസര്‍കോട്	179(+1)	167	12
കണ്ണൂര്‍	114	68	46
കോഴിക്കോട്	24	23	1
ഇടുക്കി	24	10	14
എറണാകുളം	24	21	2	1
മലപ്പുറം	24(+1)	21	2	1
കോട്ടയം	20	3	17
കൊല്ലം	20	8	12
പത്തനംതിട്ട	17	16	1
തിരുവനന്തപുരം	17	14	2	1
പാലക്കാട്	13	11	2
തൃശ്ശൂര്‍	13	13
ആലപ്പുഴ	5	5
വയനാട്	3	3
ആകെ	497(+2)	383(+14)	111	3

സംസ്ഥാനത്ത് ഏപ്രില്‍ 30 ന് 2 പേര്‍ക്ക് കൊവിഡ്-19 സ്ഥിരീകരിച്ചു. മലപ്പുറം, കാസര്‍ഗോഡ് ജില്ലയിലുള്ളവര്‍ക്കാണ് രോഗം സ്ഥിരീകരിച്ചത്. മലപ്പുറത്ത് നിന്നുള്ളയാള്‍ മഹാരാഷ്ട്രയില്‍ നിന്നും വന്നതാണ്. കാസര്‍ഗോഡ് ജില്ലയിലുള്ളയാള്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്.
സംസ്ഥാനത്ത് 14 പേരാണ് ഇന്ന് രോഗമുക്തി നേടിയത്. പാലക്കാട് ജില്ലയില്‍ നിന്നുള്ള 4 പേരുടേയും കൊല്ലം ജില്ലയില്‍ നിന്നുള്ള 3 പേരുടേയും കണ്ണൂര്‍ കാസര്‍ഗോഡ് ജില്ലകളില്‍ നിന്നുള്ള 2 പേരുടെ വീതവും പത്തനംതിട്ട, മലപ്പുറം, കോഴിക്കോട് ജില്ലയില്‍ നിന്നുള്ള ഓരോരുത്തരുടേയും പരിശോധനാഫലമാണ് ഇന്ന് നെഗറ്റീവ് ആയത്. ഇതോടെ 383 പേരാണ് ഇതുവരെ കോവിഡില്‍ നിന്നും രോഗമുക്തി നേടിയത്. 111 പേരാണ് നിലവില്‍ സംസ്ഥാനത്തെ വിവിധ ആശുപത്രികളില്‍ ചികിത്സയിലുള്ളത്.
സംസ്ഥാനത്തെ വിവിധ ജില്ലകളിലായി 20,711 പേര്‍ നിരീക്ഷണത്തിലാണ്. ഇവരില്‍ 20,285 പേര്‍ വീടുകളിലും 426 പേര്‍ ആശുപത്രികളിലും നിരീക്ഷണത്തിലാണ്. 95 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. രോഗലക്ഷണങ്ങള്‍ ഉള്ള 25,973 വ്യക്തികളുടെ സാമ്പിള്‍ പരിശോധനയ്ക്ക് അയച്ചിട്ടുണ്ട്. ഇതില്‍ ലഭ്യമായ 25,135 സാമ്പിളുകളുടെ പരിശോധനാഫലം നെഗറ്റിവ് ആണ്. സെന്റിനല്‍ സര്‍വയലന്‍സിന്റെ ഭാഗമായി ആരോഗ്യ പ്രവര്‍ത്തകര്‍, അതിഥി തൊഴിലാളികള്‍, സാമൂഹിക സമ്പര്‍ക്കം കൂടുതലുള്ള വ്യക്തികള്‍ തുടങ്ങിയ മുന്‍ഗണനാ ഗ്രൂപ്പില്‍ നിന്ന് 1508 സാമ്പിളുകള്‍ ശേഖരിച്ചതില്‍ ലഭ്യമായ 897 സാമ്പിളുകള്‍ നെഗറ്റീവായി. സമൂഹത്തില്‍ കോവിഡ് പരിശോധന ഊര്‍ജിതമാക്കുന്നതിന്റെ ഭാഗമായി 3128 സാമ്പിളുകള്‍ പരിശോധനയ്ക്കയച്ചു. 3089 എണ്ണം നെഗറ്റീവ് ആണ്. ഇതില്‍ പോസിറ്റീവായ 4 ഫലങ്ങളാണ് ഇന്നലെവരെ പ്രഖ്യാപിച്ചത്. പുന:പരിശോധനയ്ക്കായി നിര്‍ദേശിച്ച 14 സാമ്പിളുകള്‍ ലാബുകളില്‍ പരിശോധിച്ച് വരികയാണ്. ഇതുകൂടാതെ ലാബുകള്‍ തിരസ്‌കരിച്ച 21 സാമ്പിളുകളും ലാബുകള്‍ പുന:പരിശോധനയ്ക്കായി നിര്‍ദേശിച്ചിട്ടുണ്ട്.

പുതുതായി 4 ഹോട്ട് സ്‌പോട്ടുകള്‍

പുതുതായി 4 ഹോട്ട് സ്‌പോട്ടുകള്‍ കൂടി ഉള്‍പ്പെടുത്തിയിട്ടുണ്ട്. കൊല്ലം ജില്ലയിലെ ഓച്ചിറ, തൃക്കോവില്‍വട്ടം, കോട്ടയം ജില്ലയിലെ ഉദയനാപുരം, തിരുവനന്തപുരം ജില്ലയിലെ നെയ്യാറ്റിന്‍കര മുന്‍സിപ്പാലിറ്റി എന്നിവയാണ് പുതിയ ഹോട്ട് സ്‌പോട്ടുകള്‍. ചില ഹോട്ട് സ്‌പോട്ടുകള്‍ ഒഴിവാക്കിയിട്ടുണ്ട്. ഇതോടെ ഹോട്ട് സ്‌പോട്ടുകളുടെ എണ്ണം 70 ആയി.

രോഗവ്യാപനതോതും ടെസ്റ്റുകളുടെ എണ്ണവും

കോവിഡ്–- 19 രോഗവ്യാപനതോത് മറ്റു സംസ്ഥാനങ്ങളെ അപേക്ഷിച്ച് കുറവാണ്. മാർച്ച്‌ 20വരെയുള്ള ആദ്യ ഘട്ടത്തിൽ 20 സാമ്പിൾ പരിശോധിക്കുമ്പോൾ ഒരാൾക്ക്‌ രോഗം സ്ഥിരീകരിച്ചിരുന്നു. ഇതേത്തുടർന്ന്‌ നിരീക്ഷണം കൂടുതൽ ശക്തമാക്കി. ഇതോടെ സമ്പർക്കത്തിലൂടെയുള്ള രോഗവ്യാപനം കുറയ്ക്കാനായെന്നാണ് കണക്കുകള്‍ സൂചിപ്പിക്കുന്നത്. നിലവിൽ 140 സാമ്പിളുകളിൽ ഒരെണ്ണത്തിന്‌ മാത്രമാണ്‌ രോഗം സ്ഥിരീകരിച്ചത്.
മറ്റ് സംസ്ഥാനങ്ങളിൽ രോഗവ്യാപനതോത് കൂടുതലുള്ളത് കൊണ്ടുതന്നെ കൂടുതൽ സാമ്പിൾ പരിശോധിക്കുമ്പോൾ രോഗികളുടെ എണ്ണവും വർധിക്കുന്നു. എന്നിരുന്നാലും രോഗത്തിനെതിരെ പഴുതടച്ച പ്രതിരോധം തീർക്കാൻ സംസ്ഥാനത്ത്‌ പരിശോധന വ്യാപകമാക്കേണ്ടതുണ്ട്. 26ന് വിവിധ ജില്ലകളിൽനിന്നായി 3156 സാമ്പിൾ പരിശോധനയ്ക്ക് അയച്ചതിൽ മൂന്നുപേർക്ക് മാത്രമാണ് രോഗം.
കോവിഡ്‌ ബാധിത പ്രദേശമല്ലാത്ത ഇടങ്ങളിലും റാൻഡം പരിശോധന നടത്തേണ്ടതുണ്ട്. ആഴ്ചയിൽ 900 സാമ്പിളുകൾ വിവിധ ഭാഗങ്ങളിൽ നിന്നായി ഇത്തരത്തിൽ ശേഖരിച്ചു പരിശോധിക്കുമെന്നാണ് സര്‍ക്കാര്‍ കഴിഞ്ഞദിവസം അറിയിച്ചിട്ടുള്ളത്.
21, 23, 25 ദിവസങ്ങളിൽ 747 റാൻഡം സാമ്പിൾ പരിശോധിച്ചു. ഇതിൽ രണ്ടുപേർക്ക്‌ മാത്രമാണ്‌ രോഗം.
സംസ്ഥാനത്ത് ആന്റിബോഡി കിറ്റുകൾ ലഭ്യമായാൽ റാൻഡം പരിശോധന കൂടുതൽ ഫലപ്രദമായി നടത്താനാകുമെന്ന് പ്രതീക്ഷിക്കാം. രാജീവ് ഗാന്ധി സെന്റർ ഫോർ ബയോടെക്നോളജി തദ്ദേശീയമായി വികസിപ്പിച്ച ആന്റിബോഡി പരിശോധനാ കിറ്റ്, ശ്രീ ചിത്രയുടെ ആന്റിജൻ കിറ്റ് എന്നിവയ്‌ക്ക്‌ ഐസിഎംആർ അനുമതി നൽകിയിട്ടില്ല. ഇവകൂടി ലഭിച്ചാൽ സംസ്ഥാനത്ത്‌ പരിശോധന കൂടുതൽ കാര്യക്ഷമമാക്കും.

മാധ്യമ പ്രവർത്തകര്‍ ശ്രദ്ധിക്കേണ്ട കാര്യങ്ങള്‍

(പോസ്റ്ററുകള്‍ക്ക് ഇവിടെ ക്ലിക്ക് ചെയ്യാം)

മാസ്ക് നിർബന്ധമായും ധരിക്കണം.
മാസ്ക് ഇടയ്ക്കിടയ്ക്ക് മുഖത്ത് നിന്നും താഴ്ത്തിയിടാതിരിക്കാൻ ശ്രദ്ധിക്കുക.
ഉപയോഗിച്ച മാസ്ക് വീണ്ടും ഉപയോഗിക്കരുത്.
പൊതു സ്ഥലങ്ങളിൽ കഴിവതും സ്പർശിക്കാതിരിക്കുക.
ഒരാൾ ഉപയോഗിച്ച പേന, പേപ്പർ പാഡ്, തുടങ്ങിയവ മറ്റൊരാൾക്ക് കൈമാറരുത്-
ഫോൺ , വാട്ട്സ്ആപ്പ്. മറ്റ് ഓൺലൈൻ മാധ്യമങ്ങൾ വഴി വാർത്തകൾ ശേഖരിക്കാൻ കഴിവതും ശ്രമിക്കുക.
വളരെ അത്യാവശ്യ ഘട്ടത്തിൽ മാത്രമേ വാർത്തകൾ ശേഖരിക്കുന്നതിനും മറ്റുമായി പുറത്ത് പോകാവു. അങ്ങനെ പോകുമ്പോൾ സുരക്ഷാ മാനദണ്ഡങ്ങൾ കൃത്യമായി പാലിക്കണം.
പുറത്ത് പോയി വാർത്താ ശേഖരണം നടത്തുന്ന അവസരത്തിൽ വ്യക്തികളുമായി ശാരീരിക അകലം പാലിക്കണം.
മാധ്യമ പ്രവർത്തകർ അവർ ഉപയോഗിക്കുന്ന ക്യാമറ ,മൈക്ക് അനുബന്ധ ഉപകരണങ്ങൾ എന്നിവ കൈമാറാതിരിക്കാൻ ശ്രദ്ധിക്കേണ്ടതാണ്.
മൈക്ക് സംസാരിക്കുന്നവരുടെ വായ് ഭാഗവുമായി കൃത്യമായ അകലം പാലിച്ച് മാത്രമേ സ്ഥാപിക്കാൻ പാടുള്ളൂ.
മൈക്ക് തിരികെ എടുക്കുമ്പോൾ വായ് ഭാഗത്തിനഭിമുഖമായുണ്ടായിരുന്ന ഭാഗത്ത് സ്പർശിക്കാതിരിക്കാൻ ശ്രദ്ധിക്കുക.
ഇടയ്ക്കിടയ്ക്ക് കൈകൾ ഹാൻഡ് സാനിറ്റെ സർ ഉപയോഗിച്ചോ സോപ്പ് ഉപയോഗിച്ചോ കഴുകുക.
യാതൊരു കാരണവശാലും കൈകൾ മുഖത്ത് സ്പർശിക്കരുത്.
മറ്റ് രോഗങ്ങൾക്ക് മരുന്ന് കഴിക്കുന്നവരുണ്ടെങ്കിൽ അവ കൃത്യമായി കഴിച്ചുവെന്ന് ഉറപ്പ് വരുത്തുക.
ഇടയ്ക്കിടയ്ക്ക് ആവശ്യത്തിന് വെള്ളം കുടിക്കണം
ജോലി കഴിഞ്ഞ് വീട്ടിലെത്തിയാൽ കഴിയുന്നതും കുളിച്ചതിനു ശേഷം മാത്രം വീട്ടിനകത്തേക്ക് കയറുക.
ഒരു ദിവസം ഉപയോഗിച്ച വസ്ത്രങ്ങൾ അണുവിമുക്ത ലായനിയിൽ മുക്കിയ ശേഷം കഴുകി വെയിലിൽ ഉണക്കി മാത്രം ഉപയോഗിക്കുക.
വാർത്താശേഖരണ വേളയിലും, പത്രസമ്മേളന ഹാളിലേക്ക് കയറുമ്പോഴും ഇറങ്ങുമ്പോഴും തിക്കും തിരക്കും ഒഴിവാക്കണം
പത്രസമ്മേളന ഹാളിൽ ശാരീരിക അകലം നിർബന്ധമായും പാലിക്കണം

KSSP Dialogue ല്‍ ഇന്ന് 5 മണിക്ക് :

കോറോണക്കാലവും കേരളത്തിന്റെ ഭാവിയും

കേരള ശാസ്ത്രസാഹിത്യ പരിഷത്ത് എല്ലാ ദിവസങ്ങളിലും രാത്രി 7.30 ന് സംഘടിപ്പിക്കുന്ന KSSP Health Dialogue ല്‍ ഇന്ന് മെയ് 1ന് വൈകുന്നേരം 5 മണിക്ക് ഡോ.കെ.എന്‍.ഗണേഷ് കോറോണക്കാലവും കേരളത്തിന്റെ ഭാവിയും എന്ന വിഷയത്തില്‍ അവതരണം നടത്തും. നിങ്ങള്‍ക്കും ചോദ്യങ്ങള്‍ ചോദിക്കാം. എല്ലാ ലൂക്ക വായനക്കാരും പങ്കെടുക്കുമല്ലോ?

KSSP Dialogue- Live ഫേസ്ബുക്ക് പേജ്