Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| inert gases | അലസ വാതകങ്ങള്‍. | ആവര്‍ത്തന പ്പട്ടികയിലെ പൂജ്യം ഗ്രൂപ്പ്‌ മൂലകങ്ങള്‍. ഇവയില്‍ ഹീലിയം ഒഴിച്ചുളളവയുടെയെല്ലാം ബാഹ്യപരിപഥത്തില്‍ 8 ഇലക്‌ട്രാണുകള്‍ ഉണ്ടായിരിക്കും.(ഹീലിയത്തില്‍ 2 ഇലക്‌ട്രാണുകളേ ഉളളൂ) ഇക്കാരണത്താല്‍ ഇവ പൊതുവേ നിഷ്‌ക്രിയങ്ങളായിരിക്കും. ഏക ആറ്റോമികങ്ങളായി കാണപ്പെടുന്നു. വളരെ കുറഞ്ഞ അളവില്‍ മാത്രം കാണപ്പെടുന്നവയായതിനാല്‍ അപൂര്‍വ വാതകങ്ങള്‍ എന്നും, ക്രിയാശേഷി വളരെ കുറവായതിനാല്‍ ഉല്‍കൃഷ്‌ട വാതകങ്ങള്‍ എന്നും അറിയപ്പെടുന്നു. |
| inert pair | നിഷ്‌ക്രിയ ജോടി. | ആവര്‍ത്തനപ്പട്ടികയിലെ ഗ്രൂപ്പ്‌ IIIലും IVലും ഉളള, ദ്രവ്യമാനം കൂടിയ മൂലകങ്ങളില്‍ കാണുന്ന പ്രഭാവം. ഇവ സംയുക്തങ്ങള്‍ ഉണ്ടാക്കുമ്പോള്‍ സംയോജകത, പ്രതീക്ഷിത സംയോജകതയെ അപേക്ഷിച്ച്‌ രണ്ട്‌ കുറവായിരിക്കും. പൂര്‍ണ്ണമായ ഷെല്ലില്‍ നിന്ന്‌ ഒഴിഞ്ഞ p നിലയിലേക്ക്‌ ഒരു ഇലക്‌ട്രാണിനെ ഉയര്‍ത്തിയാണ്‌ സംയുക്തങ്ങള്‍ ഉണ്ടാക്കുന്നത്‌. |
| inertia | ജഡത്വം. | നിശ്ചലാവസ്ഥയിലോ, ഏകസമാനപ്രവേഗാവസ്ഥയിലോ ഉളള ഒരു വസ്‌തുവിന്‌ ആ അവസ്ഥയില്‍ നിന്ന്‌ സ്വയം (ബാഹ്യബലത്തിന്റെ പ്രരണയില്ലാതെ)മാറാന്‍ കഴിയില്ല എന്ന ഗുണധര്‍മ്മം. ന്യൂട്ടന്റെ ഒന്നാം ചലനനിയമത്തില്‍ നിന്ന്‌ സിദ്ധമാവുന്നതാണ്‌ ഇത്‌. |
| inertial confinement | ജഡത്വ ബന്ധനം. | ലേസര്‍ ബീമുകള്‍ ഉപയോഗിച്ചുള്ള ഹൈഡ്രജന്‍ ഫ്യൂഷന്‍ സാങ്കേതിക വിദ്യ. ഒരു വായു ശൂന്യ അറയില്‍ വെച്ചിരിക്കുന്ന, മര്‍ദിച്ച്‌ കട്ടയാക്കിയ ഡോയ്‌ട്ടേറിയം-ട്രീറ്റിയം കഷണത്തില്‍ ( D-T Pellet) അനേകം ലേസര്‍ ബീമുകളെ ഒരേ ഫേസില്‍ എല്ലാ ദിശകളില്‍ നിന്നും പതിപ്പിച്ചാല്‍ അവ സൃഷ്‌ടിക്കുന്ന അതീവ സമ്മര്‍ദത്തില്‍ D, T ആറ്റങ്ങള്‍ ഞെരിഞ്ഞമര്‍ന്ന്‌ പ്രതിപ്രവര്‍ത്തിക്കുകയും ഫ്യൂഷന്‍ സാധ്യമാവുകയും ചെയ്യും എന്നതാണ്‌ ഇതിന്റെ അടിസ്ഥാനം. പരീക്ഷണങ്ങളില്‍ വിജയിച്ചുവെങ്കിലും ലാഭകരമായി ഊര്‍ജം ഉല്‍പ്പാദിപ്പിക്കാനുള്ള ശേഷി ഇതുവരെ കൈവരിച്ചിട്ടില്ല. |
| inertial frame of reference | ജഡത്വ ആധാരപദ്ധതി. | ന്യൂട്ടന്റെ ഒന്നും രണ്ടും ചലനനിയമങ്ങള്‍ സാധുവായിരിക്കുന്ന ആധാര വ്യവസ്ഥ. ത്വരണരഹിതമാണ്‌ ഈ ആധാര വ്യവസ്ഥ. |
| inertial mass | ജഡത്വദ്രവ്യമാനം. | - |
| infarction | ഇന്‍ഫാര്‍ക്‌ഷന്‍. | രക്തചംക്രമണം നിന്നു പോകുന്നതുമൂലം ശരീരകലകള്‍ക്കോ, അവയവങ്ങളുടെ ചില ഭാഗങ്ങള്‍ക്കോ ഉണ്ടാകുന്ന നാശം. രക്തചംക്രമണം നിന്നുപോകുന്നത്‌ എംബോളിസം കൊണ്ടോ, രക്തം കട്ടപിടിക്കുന്നതുകൊണ്ടോ ആവാം. ഉദാ: മയോകാര്‍ഡിയല്‍ ഇന്‍ഫാര്‍ക്‌ഷന്‍. ഹൃദയപേശികള്‍ക്ക്‌ രക്തം ലഭിക്കാതെ വരുന്നതുമൂലമുണ്ടാകുന്ന ഹൃദയസ്‌തംഭനം. |
| inference | അനുമാനം. | ഒരു കൂട്ടം ആധാര പ്രസ്‌താവനകളെ അടിസ്ഥാനമാക്കി ഒരു നിഗമനത്തില്‍ എത്തിച്ചേരുന്ന രീതി. ഈ രീതിക്ക്‌ നിയതമായ നിയമങ്ങളുണ്ട്‌. |
| inferior ovary | അധോജനി. | ജനിപുടം മറ്റ്‌ പുഷ്‌പമണ്‌ഡലങ്ങളുടെ താഴെയായി വരുന്ന അവസ്ഥ. ഉദാ: തെച്ചി. |
| infinite set | അനന്തഗണം. | അംഗങ്ങളുടെ എണ്ണം അനന്തമായ ഗണം. ഉദാ: എണ്ണല്‍സംഖ്യാഗണം. |
| infinitesimal | അനന്തസൂക്ഷ്‌മം. | പൂജ്യമല്ലാത്ത, എന്നാല്‍ ഏതൊരു യഥാര്‍ത്ഥ മൂല്യത്തിലും കുറവായിരിക്കുന്ന അളവ്‌. |
| infinity | അനന്തം. | പരിമേയമായ ഏത്‌ മൂല്യത്തേക്കാളും കൂടിയ മൂല്യം. പരിമേയമായ ഏത്‌ സംഖ്യയേക്കാളും കൂടിയ സംഖ്യ. പ്രതീകം ∝. അനന്തം ഒരു സംഖ്യയല്ല. |
| inflation | ദ്രുത വികാസം. | പ്രപഞ്ചോല്‍പ്പത്തി സംബന്ധിച്ച മഹാസ്‌ഫോടന സിദ്ധാന്തത്തിന്‌ അനുബന്ധമായി അലന്‍ ഗൂത്തും സംഘവും അവതരിപ്പിച്ച സിദ്ധാന്തം. മഹാസ്‌ഫോടന ശേഷം 10 -36 സെക്കന്റ്‌ മുതല്‍ 10 -33 സെക്കന്റ്‌ വരെയുള്ള ഘട്ടത്തില്‍ പ്രപഞ്ച വ്യാപ്‌തം അത്യധികം ത്വരണത്തോടെ വര്‍ധിച്ചുവെന്നും 10 -33 സെക്കന്റിനൊടുവില്‍ പ്രപഞ്ചത്തിന്റെ വലിപ്പം 10 26 ഇരട്ടിയെങ്കിലുമായി വികസിച്ചു എന്നും ഈ സിദ്ധാന്തം പറയുന്നു. |
| inflexion point | നതിപരിവര്‍ത്തനബിന്ദു. | ഒരു വക്രത്തിന്റെ രൂപം അവതലത്തില്‍ നിന്ന്‌ ഉത്തലത്തിലേക്കോ തിരിച്ചോ മാറുന്ന സ്ഥാനം. |
| inflorescence | പുഷ്‌പമഞ്‌ജരി. | ഒന്നിലധികം പൂക്കള്‍ കണ്ടുവരുന്ന രൂപാന്തരീഭവിച്ച ശാഖ. മൂന്ന്‌ തരമുണ്ട്‌. 1. അനിയതമഞ്‌ജരി, 2. നിയതമഞ്‌ജരി, 3. വിശേഷമഞ്‌ജരി. |
| infrared astronomy | ഇന്‍ഫ്രാറെഡ്‌ ജ്യോതിശാസ്‌ത്രം. | ബാഹ്യാകാശ വസ്‌തുക്കള്‍ പുറപ്പെടുവിക്കുന്ന ഇന്‍ഫ്രാറെഡ്‌ വികിരണങ്ങളുടെ നിരീക്ഷണം വഴി പ്രസ്‌തുത വസ്‌തുക്കളെക്കുറിച്ചു പഠിക്കുന്ന ജ്യോതിശാസ്‌ത്ര ശാഖ. |
| infrared radiation | ഇന്‍ഫ്രാറെഡ്‌ വികിരണം. | റേഡിയോവികിരണങ്ങള്‍ക്കും ദൃശ്യപ്രകാശത്തിനും ഇടയ്‌ക്ക്‌ തരംഗദൈര്‍ഘ്യമുളള വിദ്യുത്‌കാന്തിക തരംഗങ്ങള്‍. ഏതാണ്ട്‌ 700 നാനോമീറ്റര്‍ മുതല്‍ 1 മില്ലിമീറ്റര്‍ വരെയാണ്‌ തരംഗദൈര്‍ഘ്യം. താപോര്‍ജ പ്രസരണം ഈ വികിരണം വഴിയാണ്‌. |
| infrasonic waves | ഇന്‍ഫ്രാസോണിക തരംഗങ്ങള്‍. | ഏതാണ്ട്‌ 20 ഹെര്‍ട്‌സില്‍ താഴെയുളള മര്‍ദ്ദ തരംഗങ്ങള്‍. മനുഷ്യകര്‍ണങ്ങളില്‍ ഇവ സംവേദനം സൃഷ്‌ടിക്കുന്നില്ല. |
| infusible | ഉരുക്കാനാവാത്തത്‌. | ഉയര്‍ന്ന ഉരുകല്‍ നിലയിലുളള പദാര്‍ത്ഥങ്ങള്‍. |
| inheritance | പാരമ്പര്യം. | ഒരു ജീവിയുടെ ലക്ഷണങ്ങളെ ജനിതക പദാര്‍ത്ഥങ്ങളിലൂടെ സന്തതികളിലേക്ക്‌ പകരുന്ന പ്രക്രിയ. |
