Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| guano | ഗുവാനോ. | കടല്‍പ്പക്ഷികള്‍, ഗുഹാവാസികളായ കടവാതിലുകള്‍ തുടങ്ങിയവയുടെ കാഷ്‌ഠനിക്ഷേപം. മികച്ച വളമാണ്‌. നൈട്രജന്‍, ഫോസ്‌ഫേറ്റുകള്‍, പൊട്ടാസിയം എന്നിവ ധാരാളമായി അടങ്ങിയിരിക്കുന്നു. |
| guard cells | കാവല്‍ കോശങ്ങള്‍. | സ്റ്റോമയുടെ ഇരു വശത്തും കാണുന്ന പ്രത്യേകതരം കോശങ്ങള്‍. ഇവ പ്രവര്‍ത്തിച്ചാണ്‌ സ്റ്റോമ തുറക്കുകയും അടയുകയും ചെയ്യുന്നത്‌. |
| gun metal | ഗണ്‍ മെറ്റല്‍. | 9:1 എന്ന അനുപാതത്തില്‍ കോപ്പര്‍, ടിന്‍ എന്നിവ ചേര്‍ന്ന കൂട്ടുലോഹം. ചിലപ്പോള്‍ അല്‍പം സിങ്കും ചേര്‍ക്കാറുണ്ട്‌. എളുപ്പം ദ്രവിക്കാത്തതും തേയ്‌മാനം സംഭവിക്കാത്തതുമായ സാമഗ്രികള്‍ ഉണ്ടാക്കുവാനുപയോഗിക്കുന്നു. ഉദാ: ബെയറിങ്ങ്‌, മണി. |
| gut | അന്നപഥം. | alimentary canal എന്നതിന്റെ മറ്റൊരു പേര്‌. |
| guttation | ബിന്ദുസ്രാവം. | സസ്യങ്ങളില്‍ നിന്ന്‌ രന്ധ്രങ്ങള്‍ വഴിയായി ദ്രാവക രൂപത്തില്‍ വെള്ളം നഷ്‌ടപ്പെടുന്ന പ്രക്രിയ. |
| gymnocarpous | ജിമ്‌നോകാര്‍പസ്‌. | ഫംഗസുകളിലും ലൈക്കനുകളിലും അനാവൃതമായ ഹൈമനിയം ഉള്ള അവസ്ഥ. |
| gynandromorph | പുംസ്‌ത്രീരൂപം. | ശരീരത്തിന്റെ ഒരു ഭാഗം ആണും മറ്റേ ഭാഗം പെണ്ണുമായ ജീവി. അണ്ഡ വിഭജന സമയത്ത്‌ ലിംഗനിര്‍ണയ ക്രാമസോമുകളുടെ വിതരണത്തില്‍ വരുന്ന അപാകത മൂലമാണ്‌ ഇങ്ങനെ സംഭവിക്കുന്നത്‌. |
| gynobasic | ഗൈനോബേസിക്‌. | അണ്ഡാശയത്തിന്റെ അടിഭാഗത്തു നിന്ന്‌ ഉത്ഭവിക്കുന്നത്‌. |
| gynoecium | ജനിപുടം | ആവൃതബീജി സസ്യങ്ങളുടെ പെണ്‍ ലൈംഗികാവയവം. ഇത്‌ അണ്ഡപര്‍ണങ്ങളുടെ കൂട്ടമാണ്‌. ജനിപുടത്തില്‍ അണ്ഡാശയം, വര്‍തിക, വര്‍തികാഗ്രം എന്നീ ഭാഗങ്ങളുണ്ട്‌. ചിത്രം flower നോക്കുക. |
| gypsum | ജിപ്‌സം. | കാത്സ്യം സള്‍ഫേറ്റ്‌ ( CaSO4. 2H2O). കെട്ടിട നിര്‍മ്മാണത്തിലും, സിമന്റ്‌, പേപ്പര്‍, പ്ലാസ്റ്റര്‍ ഓഫ്‌ പാരീസ്‌ ഇവ നിര്‍മ്മിക്കുവാനും ഉപയോഗിക്കുന്നു. |
| H | henry | henry എന്ന ഏകകത്തിന്റെ പ്രതീകം |
| H I region | എച്ച്‌വണ്‍ മേഖല | അയണീകൃതമല്ലാത്ത ഹൈഡ്രജന്‍ ഉള്ള മേഖല. നെബുലകളിലും നക്ഷത്രാന്തര സ്‌പേസിലും ദൃശ്യമാണ്‌. |
| habitat | ആവാസസ്ഥാനം | ഒരു സസ്യമോ ജന്തുവോ ജീവിക്കുന്ന പരിസ്ഥിതി ഭാഗം. ഉദാ: കടല്‍ത്തീരം, പുഴ. |
| Hadley Cell | ഹാഡ്‌ലി സെല്‍ | ഭൂമധ്യരേഖയ്‌ക്കിരുപുറവും വാണിജ്യ വാത മേഖലയില്‍ വായുചംക്രമണം മൂലമുണ്ടാകുന്ന കോശം. ഭൂമധ്യരേഖയില്‍ നിന്നുയരുന്ന വായു 30 ഡിഗ്രി അക്ഷാംശങ്ങളില്‍ താഴ്‌ന്നിറങ്ങുന്നതിന്റെ ഫലമായാണ്‌ ഈ വായു ചംക്രമണ കോശങ്ങള്‍ രൂപം കൊള്ളുന്നത്‌. പതിനെട്ടാം നൂറ്റാണ്ടില്‍ ജോര്‍ജ്‌ ഹാഡ്‌ലിയാണ്‌ ഈ സവിശേഷത തിരിച്ചറിഞ്ഞത്‌. |
| hadrons | ഹാഡ്രാണുകള്‍ | കണങ്ങളുടെ ഒരു ഗ്രൂപ്പ്‌. മെസോണുകള്‍, ബാരിയോണുകള്‍ എന്നിങ്ങനെ രണ്ട്‌ ഉപവിഭാഗങ്ങളായി തരം തിരിച്ചിരിക്കുന്നു. ശക്തിയായ പ്രതിപ്രവര്‍ത്തനത്തില്‍ പങ്കെടുക്കുന്നവയാണ്‌ ഇവ. elementary particles നോക്കുക. |
| haem | ഹീം | ഹീമോഗ്ലോബിന് തന്മാത്രയിലെ ഇരുമ്പിന്റെ ആറ്റം അടങ്ങിയ ഘടകം. പോര്‍ഫൈറിന്‍ എന്ന സംയുക്തവും ഗ്ലോബിന്‍ എന്ന പ്രാട്ടീനുമായി ചേര്‍ന്നാണ്‌ ഹീമോഗ്ലോബിന് ഉണ്ടാവുന്നത്‌. |
| Haematology | രക്തവിജ്ഞാനം | രക്തത്തെ സംബന്ധിച്ച വിജ്ഞാന ശാഖ. |
| haematuria | ഹീമച്ചൂറിയ | മൂത്രത്തില്‍ രക്തം കലര്‍ന്നുവരുന്ന അവസ്ഥ. |
| haemocoel | ഹീമോസീല് | രക്തപര്യയന വ്യൂഹത്തിന്റെ വികസിച്ച ഭാഗങ്ങള്‍. ആര്‍ത്രാപോഡുകളുടെയും മൊളസ്‌കുകളുടെയും പ്രധാന ശരീരദരം ഇതാണ്‌. ഒരിക്കലും ഇതിന്‌ പുറംഭാഗവുമായി ബന്ധമുണ്ടായിരിക്കുകയില്ല. മാത്രമല്ല, ജനനഗ്രന്ഥികള്‍ ഇവയ്‌ക്കകത്തായിരിക്കുകയുമില്ല. ഇതു യഥാര്‍ഥ സീലോം അല്ല. |
| haemocyanin | ഹീമോസയാനിന് | പല മൊളസ്‌കുകളുടെയും ക്രസ്റ്റേഷ്യനുകളുടെയും ശ്വസന വര്‍ണകം. ഹീമോഗ്ലോബിന് സമാനമായ ഇതില്‍ ഇരുമ്പിന്റെ സ്ഥാനത്ത്‌, ചെമ്പാണ്‌ ഉള്ളത്‌. അതിനാല്‍ ഇതടങ്ങിയ രക്തത്തിന്റെ നിറം നീലയായിരിക്കും. |
