Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| epigynous | ഉപരിജനീയം. | മറ്റു പുഷ്‌പമണ്ഡലങ്ങള്‍ക്കു താഴെയായി വിന്യസിച്ചിരിക്കുന്ന തരം പുഷ്‌പഘടന. ഉദാ: പേര. |
| epimerism | എപ്പിമെറിസം. | രണ്ടോ അതിലധികമോ അസമമിത കാര്‍ബണ്‍ അണുക്കള്‍ ഉള്ള കാര്‍ബോ ഹൈഡ്രറ്റ്‌ തന്മാത്രകളില്‍ ഒരു അസമമിത കാര്‍ബണ്‍ അണുവിന്റെ വിന്യാസത്തിലുള്ള അന്തരം മൂലം ഉളവാകുന്ന ഐസോമെറിസം. |
| epinephrine | എപ്പിനെഫ്‌റിന്‍. | അഡ്രിനല്‍ ഗ്രന്ഥിയുടെ മെഡുലയില്‍ ഉണ്ടാകുന്ന ഒരു ഹോര്‍മോണ്‍. അഡ്രിനാലിന്‍ എന്നും പേരുണ്ട്‌. അടിയന്തര സാഹചര്യങ്ങളില്‍ ഹൃദയം, ശ്വാസകോശം, പേശികള്‍ എന്നിവയുടെ പ്രവര്‍ത്തനത്തെ ഈ ഹോര്‍മോണ്‍ ത്വരിതപ്പെടുത്തുന്നു. |
| epipetalous | ദളലഗ്ന. | കേസരതന്തുക്കള്‍ പുഷ്‌പദളങ്ങളോടു ചേര്‍ന്ന്‌ ഒന്നായിരിക്കുന്ന അവസ്ഥ. ഉദാ: തെച്ചിപ്പൂവ്‌. |
| epiphysis | എപ്പിഫൈസിസ്‌. | സസ്‌തനികളുടെ കൈകാലുകളിലെ എല്ലുകളുടെയും കശേരുവിന്റെയും അസ്ഥിവല്‍ക്കരിക്കപ്പെട്ട അറ്റങ്ങള്‍. ഇതിനും എല്ലിന്റെ നടുഭാഗത്തിനുമിടയ്‌ക്ക്‌ (ഡയാഫൈസിസ്‌) തരുണാസ്ഥിയുടെ പാളിയുണ്ടായിരിക്കും. എല്ലിന്റെ വളര്‍ച്ച പൂര്‍ത്തിയായാല്‍ എപ്പിഫൈസിസും ഡയാഫൈസിസും കൂടിച്ചേരും. |
| epiphyte | എപ്പിഫൈറ്റ്‌. | ചില മരങ്ങളുടെ മുകളിലോ, മറ്റു പ്രതലങ്ങളിലോ പറ്റിപ്പിടിച്ചു വളരുന്നവയും വേരുകള്‍ മണ്ണിലെത്താത്തവയുമായ സസ്യങ്ങള്‍. അന്തരീക്ഷത്തിലേക്കു തൂങ്ങിക്കിടക്കുന്ന പ്രത്യേകതരം വേരുകളിലൂടെ ഈര്‍പ്പവും ലവണങ്ങളും വലിച്ചെടുക്കുന്ന ഇവ സ്വപോഷിതങ്ങളാണ്‌. ഉദാ: മരവാഴ. |
| epistasis | എപ്പിസ്റ്റാസിസ്‌. | പര്യായ ജീനുകളല്ലാത്ത ജീനുകള്‍ തമ്മിലുള്ള ഒരുതരം പ്രവര്‍ത്തനം. ചിലപ്പോള്‍ രണ്ടു വ്യത്യസ്‌ത ജീനുകള്‍ ഒന്നിച്ചുവന്നാല്‍ ഒന്നിന്റെ പ്രവര്‍ത്തനം മറ്റേത്‌ മറയ്‌ക്കുന്നു. ഒറ്റനോട്ടത്തില്‍ പ്രമുഖരൂപവും ഗുപ്‌തരൂപവും തമ്മിലുള്ള ബന്ധം പോലെ തോന്നും. പക്ഷേ, പ്രമുഖരൂപവും ഗുപ്‌തരൂപവും പര്യായജീനുകളുടെ സ്വഭാവമാണ്‌. |
| epitaxy | എപ്പിടാക്‌സി. | ഒരേ ക്രിസ്റ്റലീയ ആകൃതി വരത്തക്കവണ്ണം ഒരു ക്രിസ്റ്റലീയ പദാര്‍ഥത്തില്‍ മറ്റൊരു പദാര്‍ഥത്തിന്റെ ക്രിസ്റ്റല്‍ വളരുന്ന പ്രതിഭാസം. ഇത്തരം ക്രിസ്റ്റലുകള്‍ അര്‍ദ്ധചാലകങ്ങളില്‍ ഉപയോഗിക്കുന്നു. |
| epithelium | എപ്പിത്തീലിയം. | ചേര്‍ന്ന്‌ സ്ഥിതിചെയ്യുന്ന കോശങ്ങളുടെ പാളിയോ, നാളിയോ. കോശങ്ങള്‍ക്കിടയില്‍ കോശാന്തര പദാര്‍ഥങ്ങള്‍ വിരളമായിരിക്കും. ശരീരത്തിന്റെ പുറംഭാഗങ്ങളെയും ശരീരത്തിനകത്തുള്ള ഗഹ്വരങ്ങളെയും നാളികളെയും ആവരണം ചെയ്യുന്ന പാളിയാണിത്‌. |
| epoch | യുഗം. | ഭൂവിജ്ഞാനീയത്തിലെ കാലയളവിനെ കുറിക്കുന്ന ഒരു ഏകകം. ചില മഹായുഗങ്ങളെ യുഗങ്ങളായി വിഭജിച്ചിട്ടുണ്ട്‌. |
| epoxides | എപ്പോക്‌സൈഡുകള്‍. | രണ്ട്‌ കാര്‍ബണ്‍ അണുക്കളെ തമ്മില്‍ ഓക്‌സിജന്‍ പാലത്താല്‍ ബന്ധിപ്പിച്ചിട്ടുള്ള സംവൃത ഈഥര്‍. ഉദാ: ഇപ്പോക്‌സിഈത്തീന്‍. |
| equal sets | അനന്യഗണങ്ങള്‍. | ഏതു രണ്ടു ഗണങ്ങളുടെയും അംഗങ്ങളുടെ എണ്ണം തുല്യമായിരിക്കുകയും രണ്ടിലും ഒരേ അംഗങ്ങള്‍ തന്നെ ആയിരിക്കുകയും ചെയ്‌താല്‍ അവ അനന്യഗണങ്ങളാണെന്നു പറയാം. A, B എന്നിവ രണ്ടു ഗണങ്ങളാണെങ്കില്‍ A=B എന്നതുകൊണ്ട്‌ അനന്യഗണങ്ങളെ സൂചിപ്പിക്കുന്നു. identical sets എന്നും പറയും. |
| equalising | സമീകാരി | ഉദാ: equalising circuit |
| equation | സമവാക്യം | സമീകരണം, രണ്ടു വ്യഞ്‌ജകങ്ങള്‍ ( expressions) പരസ്‌പരം തുല്യമാണെന്ന്‌ കാണിക്കുന്ന പ്രതീകാത്മകമായ പ്രസ്‌താവന. ഇത്‌ ചരങ്ങളുടെ ഏത്‌ മൂല്യങ്ങള്‍ക്കാണോ ശരി അവയാണ്‌ സമീകരണത്തിന്റെ മൂലങ്ങള്‍. ഉദാ: x2 = x+6 ന്റെ മൂലങ്ങള്‍ x=(3,-2) ഇവയാണ്‌. |
| equator | മധ്യരേഖ. | ഭൂമിയുടെ ഉത്തര-ദക്ഷിണ ധ്രുവങ്ങളില്‍ നിന്ന്‌ തുല്യദൂരത്തിലുള്ളതും ഭൂതലത്തില്‍ സങ്കല്‍പ്പിക്കപ്പെടുന്നതുമായ ബൃഹദ്‌ വൃത്തം. അക്ഷാംശം കുറിക്കാനുള്ള ആധാരവൃത്തമാണ്‌ (0 0 അക്ഷാംശം) ഇത്‌. |
| equatorial plate | മധ്യരേഖാ പ്ലേറ്റ്‌. | കോശവിഭജനത്തിലെ മെറ്റാഫെയ്‌സ്‌ ഘട്ടത്തില്‍ ക്രാമസോമുകളെല്ലാം കോശത്തിന്റെ ഒത്ത നടുവിലായി ഒരേ തലത്തില്‍ നിലകൊള്ളുന്ന സാങ്കല്‌പികതലം. |
| Equatorial satellite | മധ്യരേഖാതല ഉപഗ്രഹങ്ങള്‍. | ഭൂമധ്യരേഖയ്‌ക്ക്‌ മീതേയുള്ള ഭ്രമണപാതയിലൂടെ ചരിക്കുന്ന ഉപഗ്രഹങ്ങള്‍. |
| equilateral | സമപാര്‍ശ്വം. | ഉദാ: സമപാര്‍ശ്വത്രികോണം. |
| Equilibrium | സന്തുലനം. | ഒരു വ്യവസ്ഥയില്‍ ബലങ്ങള്‍, പ്രതിബലങ്ങള്‍ തുടങ്ങിയവയെല്ലാം പരസ്‌പരം തുല്യവും വിപരീതവുമാവുക വഴി അവയുടെ പരിണതമൂല്യങ്ങള്‍ ശൂന്യമാകുന്ന സ്ഥിതി. ബലങ്ങളും ബലയുഗ്മങ്ങളും പൂജ്യമായാല്‍ സ്ഥിതിക സന്തുലനം ( Static equilibrium); ചെറിയ വിക്ഷോഭങ്ങളിലൂടെ അസന്തുലിതമാക്കിയാലും സ്വയം സന്തുലനത്തിലേക്ക്‌ തിരിച്ചുവരുന്നെങ്കില്‍ സുസ്ഥിര സന്തുലനം ( stable equilibrium); പ്രവര്‍ത്തനവും പ്രതിപ്രവര്‍ത്തനവും നിരന്തരം നടക്കുമ്പോഴും വ്യവസ്ഥ മൊത്തത്തില്‍ സന്തുലനത്തിലാണെങ്കില്‍ ഗതിക സന്തുലനം ( Dynamic Equilibrium) |
| equinox | വിഷുവങ്ങള്‍. | ഖഗോള മധ്യരേഖയും ക്രാന്തിവൃത്തവും സന്ധിക്കുന്ന ബിന്ദുക്കള്‍. വര്‍ഷത്തില്‍ ഓരോ തവണ സൂര്യന്‍ ഈ ബിന്ദുക്കളില്‍ എത്തും. ഈ ദിവസങ്ങളെ വിഷുവങ്ങള്‍(സമരാത്രദിനങ്ങള്‍) എന്നു പറയും. 1. സെപ്‌റ്റംബര്‍ 23 ന്‌ തുലാം വിഷുവം. 2. മാര്‍ച്ച്‌ 21ന്‌ മേട വിഷുവം. ഈ ദിവസങ്ങളില്‍ പകലിന്റെയും രാത്രിയുടെയും ദൈര്‍ഘ്യം തുല്യമായിരിക്കും. |
