• ഇന്ത്യയിൽ 118452 രോഗബാധിതർ. 24 മണിക്കൂറിനകം മരണപ്പെട്ടത് 132 പേരാണ്. മരണപ്പെട്ടവർ 3584 ആയി.
• ഇന്ത്യയുടെ രോഗമുക്തി നിരക്ക് 40.31 % ലേക്ക് ഉയർന്നുവെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി. ഇന്നലത്തെ രോഗമുക്തി നിരക്ക് 39.62% ആയിരുന്നു.
• രാജ്യത്താകെ ഇതുവരെ 26,15,920 കോവിഡ് ടെസ്റ്റുകൾ നടത്തിയെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് 393 സർക്കാർ ലബോറട്ടറികളിലും  173 സ്വകാര്യ ലബോറട്ടറി കളിലുമായാണ് നാളിതുവരെ ഇത്രയും പരിശോധനകൾ നടത്തിയത്. കഴിഞ്ഞ 24 മണിക്കൂറിനുള്ളിൽ നടത്തിയ കോവിഡ് ടെസ്റ്റ് കളുടെ എണ്ണം1,03,532 ആണ്.
• മഹാരാഷ്ട്രയിൽ രോഗബാധിതർ 41642, ഇന്നലെ മാത്രം 64 പേർ മരണപ്പെട്ടു., 2345 പുതിയ രോഗബാധിതർ.
  മുംബൈയിൽ 25,500 രോഗികൾ. ധാരാവിയിൽ ഇന്നലെ 47 പേർ മരണപ്പെട്ടു.
• ചെന്നൈയിൽ ഇന്നലെ 567 പേർക്ക് രോഗം ബാധിച്ചു, തമിഴ് നാട്ടിൽ 776 പുതിയ രോഗബാധിതർ.
  ഗുജറാത്തിൽ 341 ഉം, മദ്ധ്യപ്രദേശിൽ 248 ഉം, രാജസ്ഥാനിൽ 212 ഉം, ഉത്തര പ്രദേശിൽ 341 ഉം പുതിയ കോവിഡ് രോഗികൾ റിപ്പോർട്ട് ചെയ്തു.
• ഗുജറാത്തിൽ രോഗബാധിതർ 12910 ആയി. ഉത്തര പ്രദേശിലെ ബാരാബൻകിയിൽ ഇന്നലെ ഒറ്റ ദിവസം കൊണ്ട് 95 പേർക്ക് കോവിഡ് ബാധിച്ചു, 50 പേരും പുറത്ത് നിന്ന് വന്ന തൊഴിലാളികളാണ്.
• ഡൽഹിയിൽ 571 പേർക്ക് പുതുതായി രോഗം ബാധിച്ചു ആകെ രോഗബാധിതർ 11659.’
• രാജ്യത്ത് കർഷകരും, തൊഴിലാളികളൂം കോവിഡിൻ്റെ വ്യാപനത്തെ തുടർന്ന് വലിയ പ്രയാസത്തിലാണ്.
  വേണ്ടത്ര ഭക്ഷണവും ,വെള്ളവും ലഭിക്കാതെ സ്വന്തം ഗ്രാമം ലക്ഷ്യമാക്കി പൊരിവെയിലത്ത് നടന്നു നീങ്ങുന്ന തൊഴിലാളികമുടെ നീണ്ട നിര ഇപ്പോഴും ദൃശ്യമാണ്. കൊറോണയെ തുടർന്നുള്ള ലോക്ഡൗണിനെ തുടർന്ന് പ്രതിസന്ധിയിലായ മഹാരാഷ്ട്രയിലെ കർഷകർ പച്ചക്കറികൾ മണ്ണിൽ കഴിച്ച് മൂടി.
• ഭാരത് ബയോടെക്ക് ,ഫിലാഡൽഫിയായിലെ തോമസ് ജെഫെഴ്സൻ യൂണിവേഴ്സിറ്റിയുമായി ചേർന്ന് വികസിപ്പിക്കുന്ന കോവിഡ് 19 പ്രതിരോധ വാക്സിൻ 2021 ജനുവരി / ഫെബ്രുവരി മാസത്തോടെ ലഭ്യമാക്കാൻ കഴിയുമെന്ന് ICMR മുൻ ഡയറക്ടർ ജനറൽ N. K. ഗാംഗുലി
• കോവിഡ് 19 രോഗം സ്ഥിരീകരിച്ച് മരണമടയുന്ന ഒരാളിൻ്റെ ശരീരത്തിൽ എത്ര സമയം കൊറോണ വൈറസ് നിലനിൽക്കുമെന്നും മറ്റുള്ളവർക്ക് പകർന്നു നൽകുന്നതിനുള്ള സാദ്ധ്യത എത്രമാത്രമുണ്ടെന്നും പഠിക്കാൻ ആൾ ഇന്ത്യാ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് തയ്യാറെടുക്കുന്നു.
• ഗർഭിണികളായ സ്ത്രീ ജീവനക്കാരെ ഓഫീസിൽ ഹാജരാകുന്നതിൽ നിന്നും താൽക്കാലികമായി ഒഴിവാക്കി കേന്ദ്ര ഗവൺമെൻ്റ് പേഴ്സണൽ ആൻ്റ് ട്രെയിനിംഗ് ഡിപ്പാർട്ട്മെൻ്റ് സർക്കുലർ പുറപ്പെട്ടുവിച്ചു .
  ഭിന്നശേഷിക്കാരായ ജീവനക്കാർക്കും ഈ ആനുകൂല്യം ലഭിക്കുമെന്ന് കേന്ദ്ര മന്ത്രി ഡോ.ജിതേന്ദ്ര സിംഗ് . കേന്ദ്ര ഗവൺമെൻ്റിലെ മറ്റ് വകുപ്പുകളും സംസ്ഥാന ഗവൺമെൻറുകളും ഈ നടപടിയെ സ്വാഗതം ചെയ്യുമെന്നും നടപ്പിലാക്കുമെന്ന് കരുതുന്നുവെന്നും മന്ത്രി പറഞ്ഞു.
• ഫലപ്രദമായി കൈകൾ കഴുകുന്നതിനാവശ്യമായ സൗകര്യങ്ങൾ ഇല്ലാത്ത 5 കോടിയിലധികം ജനങ്ങൾ ഇന്ത്യയിലുണ്ടെന്ന് വാഷിംഗ്ടൺ യൂണിവേഴ്സിറ്റിയിലെ ഹെൽത്ത് മെട്രിക് സ് ആൻ്റ് ഇവാലുവേഷൻ നടത്തിയ പഠനം വ്യക്തമാക്കുന്നു. അവർക്ക് രോഗം ലഭിക്കാനും അവരിൽ നിന്നും പകരാനുമുള്ള വലിയ സാദ്ധ്യതയാണ് നിലനിൽക്കുന്നത്. കൈകൾ കഴുകുന്നതിന് സോപ്പും നല്ല വെള്ളവും ലഭിക്കുന്നില്ല എന്നത് ഗൗരവമായി കാണേണ്ട വിഷയമാണ്.

ഉംപുൻ : ബംഗാളിൽ സർവനാശം ; മാറ്റിപ്പാര്‍പ്പിച്ചത് 7 ലക്ഷം പേരെ.

• ബംഗാളില്‍ 100 വർഷത്തിനിടയിലുണ്ടായ ഏറ്റവും വലിയ ചുഴലിക്കാറ്റാണിത്‌‌. കൊൽക്കത്ത നഗരം നിശ്ചലമാണ്‌. നിരവധി ഗ്രാമങ്ങൾ ഇപ്പോഴും പൂർണമായും വെള്ളത്തിനടിയിലാണ്‌‌. അഞ്ചു ലക്ഷത്തോളം പേരെ മാറ്റിപ്പാർപ്പിച്ചെങ്കിലും ആയിരങ്ങൾ അപകടമേഖലയിൽ കുടുങ്ങിക്കിടക്കുകയാണ്‌. റോഡുകൾപോലും ഒലിച്ചുപോയ പ്രദേശങ്ങളിൽ രക്ഷാപ്രവർത്തകർക്ക്‌ എത്തിച്ചേരാനായില്ല‌‌. വൈദ്യുതക്കമ്പികൾ പൊട്ടിവീണാണ്‌ മരണമേറെയും. കോവിഡ്‌ പടർന്നുപിടിക്കുന്നതിനിടെ ചുഴലിക്കാറ്റ്‌ കൂടി എത്തിയതോടെ സംസ്ഥാനത്തിന്റെ പ്രവർത്തനങ്ങൾ കൂടുതൽ പ്രതിസന്ധിയിലായി. ആളുകളെ മാറ്റിത്താമസിപ്പിക്കുമ്പോൾ സാമൂഹിക അകലമടക്കം പാലിക്കാൻ കഴിയാതെ വന്നത്‌ രോഗവ്യാപനം കൂടുതൽ രൂക്ഷമാക്കാനും വഴിയൊരുക്കാനുമുള്ള സാധ്യതയുണ്ട്‌. ഏറ്റവും കൂടുതൽ കോവിഡ്‌ മരണനിരക്കുള്ള സംസ്ഥാനമാണ്‌ ബംഗാൾ.

അതിഥിത്തൊഴിലാളികൾ സാഹസികമായി യമുനാനദി നീന്തിക്കടക്കുന്നു.

രോഗവ്യാപനം – ലിംഗ, പ്രായ അനുപാതം