Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| improper fraction | വിഷമഭിന്നം. | 1. അങ്കഗണിതത്തില്‍ ഛേദത്തേക്കാള്‍ കൂടിയ അംശമുളള ഭിന്നം. 2. ബീജഗണിതത്തില്‍ ഛേദത്തേക്കാള്‍ കൂടിയ ഘാതമുളള ബഹുപദം അംശമായിട്ടുളള ഭിന്നം. |
| impulse | ആവേഗം. | വളരെ ചുരുങ്ങിയ സമയത്തേയ്‌ക്ക്‌ മാത്രം പ്രയോഗിക്കപ്പെടുന്ന ബലവും ആ ബലം പ്രയോഗിക്കപ്പെട്ട സമയവും തമ്മില്‍ ഗുണിച്ചുകിട്ടുന്നത്‌. I=f.δt |
| impurity | അപദ്രവ്യം. | അര്‍ധചാലകത്തിന്റെ ചാലകത വര്‍ദ്ധിപ്പിക്കുന്നതിനായി കുറഞ്ഞ അളവില്‍ അതിലേക്കു ചേര്‍ക്കുന്ന പദാര്‍ത്ഥങ്ങള്‍. ഉദാ: ജര്‍മേനിയം ക്രിസ്റ്റലില്‍ പി ടൈപ്പ്‌ അര്‍ധചാലകം നിര്‍മ്മിക്കുവാന്‍ ചേര്‍ക്കുന്ന ബോറോണ്‍. |
| in situ | ഇന്‍സിറ്റു. | ശരീരത്തിനുളളില്‍ വെച്ച്‌ നടക്കുന്ന പ്രവര്‍ത്തനങ്ങളെയോ പരീക്ഷണങ്ങളെയോ സൂചിപ്പിക്കുന്ന പദം. |
| in vitro | ഇന്‍ വിട്രാ. | ശരീരത്തിനു പുറത്ത്‌ കോശങ്ങളോ, ജൈവരാസവസ്‌തുക്കളോ ഉപയോഗിച്ച്‌ നടത്തുന്ന പരീക്ഷണങ്ങള്‍. "ഗ്ലാസ്സിനുളളില്‍' എന്നാണ്‌ ലാറ്റിന്‍ പദത്തിന്റെ അര്‍ത്ഥം. |
| in vivo | ഇന്‍ വിവോ. | ശരീരത്തിനകത്ത്‌ (കോശത്തിനകത്ത്‌) നടത്തുന്ന പരീക്ഷണങ്ങള്‍. |
| inbreeding | അന്ത:പ്രജനനം. | ജനിതകപരമായി വളരെ അടുത്ത ബന്ധമുളള വ്യക്തികള്‍ തമ്മില്‍ നടക്കുന്ന പ്രജനനം. cf. outbreeding. |
| incandescence | താപദീപ്‌തി. | ഒരു വസ്‌തുവിനെ ഉയര്‍ന്നതാപനിലയിലേക്ക്‌ ചൂടാക്കുമ്പോള്‍ ഉണ്ടാകുന്ന പ്രകാശ ഉല്‍സര്‍ജനം. ഉദാ: വൈദ്യുത ബള്‍ബിലെ ഫിലമെന്റിലേത്‌. |
| incentre | അന്തര്‍വൃത്തകേന്ദ്രം. | - |
| incircle | അന്തര്‍വൃത്തം. | എല്ലാവശങ്ങളെയും സ്‌പര്‍ശിക്കുന്ന വിധത്തില്‍ ഒരു ബഹുഭുജത്തിനുളളില്‍ വരയ്‌ക്കുന്ന വൃത്തം. inscribed circle എന്നത്‌ ലോപിച്ച്‌ ഉണ്ടായതാണ്‌. അന്തര്‍വൃത്തത്തിന്റെ കേന്ദ്രത്തിന്‌ അന്തര്‍വൃത്തകേന്ദ്രം എന്നു പറയുന്നു. |
| incisors | ഉളിപ്പല്ലുകള്‍. | സസ്‌തനികളുടെ ദന്തവിന്യാസത്തില്‍ മുന്‍നിരയില്‍ ഉളള ഉളിപോലുളള പല്ലുകള്‍. സാധാരണയായി മുറിക്കുവാനും കരണ്ടു തിന്നുവാനും ഉപയോഗിക്കുന്നു. |
| incoherent | ഇന്‍കൊഹിറെന്റ്‌. | - |
| incompatibility | പൊരുത്തക്കേട്‌. | ചില സപുഷ്‌പികളില്‍ പരാഗണത്തിനു ശേഷം ബീജസങ്കലനം നടക്കാത്ത അവസ്ഥ. പരാഗനാളികള്‍ വര്‍ത്തികയില്‍ കൂടി വളരാതിരിക്കും. |
| incomplete dominance | അപൂര്‍ണ പ്രമുഖത. | - |
| incomplete flower | അപൂര്‍ണ പുഷ്‌പം. | എല്ലാ പുഷ്‌പമണ്‌ഡലങ്ങളും ഇല്ലാത്ത പുഷ്‌പം. |
| inconsistent equations | അസംഗത സമവാക്യങ്ങള്‍. | സംഗതം അല്ലാത്ത സമവാക്യങ്ങള്‍. തന്നിട്ടുളള എല്ലാ വാക്യങ്ങളും ശരിയാകുമാറ്‌ അവയിലടങ്ങിയിട്ടുളള ചരങ്ങളുടെ വില നിര്‍ണ്ണയിക്കാന്‍ കഴിയാത്ത സമവാക്യങ്ങള്‍. ഉദാ : x+y=3, x+y=2. |
| increasing function | വര്‍ധമാന ഏകദം. | സ്വതന്ത്ര ചരത്തിന്റെ മൂല്യം വര്‍ധിക്കുമ്പോള്‍, ഏകദത്തിന്റെ മൂല്യവും വര്‍ധിക്കുന്ന തരത്തിലുളള ഏകദം. y=2x+4 |
| incubation | അടയിരിക്കല്‍. | അടയിരിക്കല്‍. |
| incubation period | ഇന്‍ക്യുബേഷന്‍ കാലം. | ഒരു രോഗാണു ശരീരത്തില്‍ പ്രവേശിക്കുന്നതിനും രോഗലക്ഷണങ്ങള്‍ പ്രകടിപ്പിക്കുന്നതിനും ഇടയ്‌ക്കുള്ള കാലം. |
| incus | ഇന്‍കസ്‌. | സസ്‌തനികളുടെ മധ്യകര്‍ണത്തിലെ ഒരു എല്ല്‌. മാലിയസിനും സ്റ്റേപ്പിസിനും നടുവിലായി സ്ഥിതി ചെയ്യുന്നു. |
