Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| grana | ഗ്രാന. | ഹരിത കണങ്ങളില്‍ കാണുന്ന ഒന്നിനു മുകളില്‍ ഒന്നായി നാണയങ്ങള്‍ പോലെ അടുക്കിവെച്ചിട്ടുള്ള തൈലക്കോയിഡുകളുടെ കൂട്ടം. |
| Grand unified theory (GUT) | സമ്പൂര്‍ണ ഏകീകരണ സിദ്ധാന്തം. | സുശക്തബലം, അശക്തബലം, വിദ്യുത്‌ കാന്തികബലം ഇവയെ ഒറ്റ സിദ്ധാന്തത്തില്‍ സംയോജിപ്പിച്ച്‌ ഒരേ സമമിതിയില്‍ കൊണ്ടുവരാന്‍ ലക്ഷ്യമിടുന്ന കണസിദ്ധാന്തം. ഈ ഗണത്തില്‍പ്പെട്ട ഒന്നിലേറെ സിദ്ധാന്തങ്ങള്‍ ഉണ്ടെങ്കിലും സ്റ്റാന്‍ഡേര്‍ഡ്‌ മാതൃക എന്നറിയപ്പെടുന്ന സിദ്ധാന്തമാണ്‌ ഇന്നു പൊതുവേ അംഗീകരിക്കപ്പെട്ടിട്ടുള്ളത്‌. പ്രതിപ്രവര്‍ത്തന ഊര്‍ജം 10 15 GeV ക്ക്‌ മുകളില്‍ ആകുമ്പോള്‍ മൂന്നുതരം ബലങ്ങളും ഒന്നായി, ഒറ്റ സമീകരണത്തിനു വിധേയമാകുന്നു എന്നതാണ്‌ ഈ സിദ്ധാന്തത്തിന്റെ ഒരു പ്രധാന നിഗമനം. |
| granite ഗ്രാനൈറ്റ്‌. പരുപരുത്ത തരികളുള്ളതും, അമ്ലസ്വഭാവമുള്ളതുമായ ആഗ്നേയശില. ക്വാര്‍ട്‌സ്‌, മൈക്ക, ഫെല്‍സ്‌പാര്‍ എന്നിവയാണ്‌ പ്രധാന ഘടകങ്ങള്‍. | ഗ്രാനൈറ്റ്‌. | പരുപരുത്ത തരികളുള്ളതും, അമ്ലസ്വഭാവമുള്ളതുമായ ആഗ്നേയശില. ക്വാര്‍ട്‌സ്‌, മൈക്ക, ഫെല്‍സ്‌പാര്‍ എന്നിവയാണ്‌ പ്രധാന ഘടകങ്ങള്‍. |
| Granulation | ഗ്രാനുലീകരണം. | സൂര്യന്റെ പ്രഭാമണ്ഡലത്തില്‍ പുള്ളിക്കുത്തുകള്‍ പോലെയോ തിളയ്‌ക്കുന്ന ദ്രാവകത്തിന്റെ പ്രതലം പോലെയോ കാണപ്പെടുന്ന രൂപം. അടിയില്‍ നിന്ന്‌ ഉയര്‍ന്നുവരുന്ന ചൂടേറിയ വാതകപ്രവാഹമാണ്‌ ഈ രൂപത്തിനു കാരണം. |
| granulocytes | ഗ്രാനുലോസൈറ്റുകള്‍. | വെളുത്ത രക്തകോശങ്ങളിലെ ഒരു വിഭാഗം. കോശദ്രവ്യത്തില്‍ നിറയെ തരികള്‍ ഉള്ളതിനാലാണ്‌ ഇങ്ങനെ പേരിട്ടത്‌. വെളുത്ത രക്തകോശങ്ങളില്‍ 70% ഇതില്‍പെട്ടവയാണ്‌. ബേസോഫിലുകള്‍, ന്യൂട്രാഫിലുകള്‍, ഇയൊസിനോഫിലുകള്‍ എന്നിങ്ങനെ മൂന്നുതരം ഗ്രാനുലോസൈറ്റുകളുണ്ട്‌. |
| graph | ആരേഖം. | ഒരു ചരവും അതിനെ ആശ്രയിക്കുന്ന ഒരു ഏകദവും തമ്മിലുള്ള ബന്ധം കാണിക്കുന്ന രേഖ. x ഒരു സ്വതന്ത്ര ചരവും f(x) ഒരു ഏകദവുമായാല്‍ x ന്റെ ഓരോ മൂല്യത്തിനുമുള്ള f(x) ന്റെ മൂല്യം അടയാളപ്പെടുത്തി ഈ സ്ഥാനങ്ങള്‍ ചേര്‍ത്തു വരയ്‌ക്കുന്നതാണ്‌ ആരേഖം. |
| graphite | ഗ്രാഫൈറ്റ്‌. | കാര്‍ബണിന്റെ ഒരു രൂപാന്തരം. ഇരുണ്ട ചാര നിറത്തിലുള്ള ഈ ഖരവസ്‌തു വൈദ്യുത വാഹിയാണ്‌, ലോഹദ്യുതിയുണ്ട്‌. സ്‌നേഹകമായും അണുറിയാക്‌ടറുകളില്‍ മന്ദീകാരിയായും ഉപയോഗിക്കുന്നു. |
| grass | പുല്ല്‌. | Graminae കുടുംബത്തില്‍പ്പെടുന്ന സസ്യം. |
| graval | ചരല്‍ ശില. | ചരല്‍ നിക്ഷേപം മൂലമുണ്ടാകുന്ന ശ്ലഥശില. |
| gravimetric analysis | ഗ്രാവിമെട്രിക്‌ വിശ്ലേഷണം. | ഒരു ലായനിയില്‍ അടങ്ങിയിരിക്കുന്ന ലീനത്തിന്റെ അളവ്‌ കണ്ടുപിടിക്കുന്ന ഭാരമാപന പരീക്ഷണ രീതി. ലീനത്തെ അവക്ഷിപ്‌തപ്പെടുത്തി, ലായകത്തെ നീക്കം ചെയ്‌താണ്‌ കണ്ടുപിടിക്കുന്നത്‌. |
| gravimetry | ഗുരുത്വമിതി. | 1. ഗുരുത്വബലം അളക്കല്‍. 2. പിണ്ഡം തിട്ടപ്പെടുത്തിയുള്ള രാസവിശ്ലേഷണ രീതി. |
| gravitation | ഗുരുത്വാകര്‍ഷണം. | ദ്രവ്യത്തിന്റെ അടിസ്ഥാന ഗുണധര്‍മം. ഏത്‌ രണ്ട്‌ ദ്രവ്യകണവും പരസ്‌പരം ആകര്‍ഷിക്കുന്നു. ഇതാണ്‌ ഗുരുത്വാകര്‍ഷണം. ഈ ആകര്‍ഷണ ബലം കണങ്ങളുടെ ദ്രവ്യമാനത്തിന്റെ ഗുണിതത്തിന്‌ നേര്‍ അനുപാതത്തിലും അവയ്‌ക്കിടയിലെ ദൂരത്തിന്റെ വര്‍ഗത്തിന്‌ വിപരീതാനുപാതത്തിലും ആയിരിക്കും. F=−Gm1m2/r2. ഒരു കി. ഗ്രാം വീതമുള്ള രണ്ടു വസ്‌തുക്കള്‍ ഒരു മീറ്റര്‍ അകലത്തില്‍ ഉള്ളപ്പോള്‍ അവ തമ്മിലുള്ള ആകര്‍ഷണ ബലമാണ്‌ ഗുരുത്വ സ്ഥിരാങ്കം, G. |
| gravitational constant | ഗുരുത്വ സ്ഥിരാങ്കം. | - |
| gravitational interaction | ഗുരുത്വ പ്രതിപ്രവര്‍ത്തനം. | പ്രകൃതിയിലെ നാല്‌ അടിസ്ഥാന ബലങ്ങളില്‍ ഒന്ന്‌. ദ്രവ്യങ്ങള്‍ക്കിടയിലെ ആകര്‍ഷണം ഈ പ്രതിപ്രവര്‍ത്തന ഫലമായി ഉണ്ടാകുന്നതാണ്‌. ഗ്രാവിറ്റോണ്‍ എന്ന ക്ഷേത്ര ക്വാണ്ടങ്ങളുടെ കൈമാറ്റം വഴിയാണ്‌ ഈ പ്രതിപ്രവര്‍ത്തനം നടക്കുന്നത്‌ എന്ന്‌ കരുതപ്പെടുന്നു. |
| gravitational lens | ഗുരുത്വ ലെന്‍സ്‌ . | അത്യധികം ദ്രവ്യമാനമുള്ള ഖഗോള വസ്‌തുക്കളുടെ (ഉദാ: ഗാലക്‌സികള്‍) സമീപത്തുകൂടെ പ്രകാശം കടന്നുപോകുമ്പോള്‍ പ്രകാശത്തിന്റെ പഥത്തിന്‌ വ്യതിയാനം സംഭവിക്കുന്നു. തന്മൂലം ഇത്തരം വസ്‌തുക്കള്‍ക്കു സമീപമുള്ള സ്‌പേസ്‌ ഒരു ലെന്‍സുപോലെ പ്രവര്‍ത്തിക്കുന്നു. |
| gravitational mass | ഗുരുത്വ ദ്രവ്യമാനം. | - |
| gravitational potential | ഗുരുത്വ പൊട്ടന്‍ഷ്യല്‍. | - |
| graviton | ഗ്രാവിറ്റോണ്‍. | ഗുരുത്വാകര്‍ഷണത്തിന്റെ വാഹക കണം. ചാര്‍ജോ ദ്രവ്യമാനമോ ഇല്ല. ഗുരുത്വക്ഷേത്രത്തിന്റെ ക്വാണ്ടം; സ്‌പിന്‍ 2. ഇതുവരെ കണ്ടെത്തിയിട്ടില്ല. |
| gray | ഗ്ര. | ആഗിരണം ചെയ്യപ്പെട്ട അയണീകരണ വികിരണത്തിന്റെ അളവിന്റെ എസ്‌ ഐ ഏകകം. ആഗിരണം ചെയ്യുന്ന നിശ്ചിത പദാര്‍ഥത്തിന്‌ 1 ജൂള്‍ പ്രതി കിലോഗ്രാം ഊര്‍ജം നല്‍കാന്‍ പര്യാപ്‌തമായ അളവ്‌. പ്രതീകം Gy. |
| gray matter | ഗ്ര മാറ്റര്‍. | കശേരുകികളുടെ മസ്‌തിഷ്‌കത്തിന്റെ കോശശരീരങ്ങളും അവയുടെ ഡെന്‍ഡ്രറ്റുകളും അടങ്ങിയ ഭാഗം. ചാരനിറമുള്ളതുകൊണ്ട്‌ ഈ പേര്‍ വന്നു. കേന്ദ്ര നാഡീവ്യൂഹത്തിലെ ഏകോപന പ്രവര്‍ത്തനങ്ങള്‍ നടക്കുന്നത്‌ ഇവിടെയാണ്‌. |
