Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| flexible | വഴക്കമുള്ള. | വഴക്കമുള്ള. |
| flexor muscles | ആകോചനപേശി. | കൈകാലുകളെ മടക്കാനുപയോഗിക്കുന്ന പേശികള്‍. |
| flicker | സ്‌ഫുരണം. | സ്‌ഫുരണം. |
| flint glass | ഫ്‌ളിന്റ്‌ ഗ്ലാസ്‌. | സിലിക്ക, പൊട്ടാസ്യം കാര്‍ബണേറ്റ്‌, ലെഡ്‌ ഓക്‌സൈഡ്‌ എന്നീ വസ്‌തുക്കള്‍ ഉപയോഗിച്ചു നിര്‍മ്മിക്കുന്ന ഗ്ലാസ്‌. അപവര്‍ത്തനാങ്കം ഉയര്‍ന്നതായിരിക്കും പ്രകീര്‍ണനം കുറവാണ്‌. ലെന്‍സ്‌, പ്രിസം എന്നിവ നിര്‍മ്മിക്കാനുപയോഗിക്കുന്നു. |
| flocculation | ഊര്‍ണനം. | ഒരു മാധ്യമത്തില്‍ പ്രകീര്‍ണനം ചെയ്യപ്പെട്ട ലഘുകണികകള്‍ അടിഞ്ഞു ചേര്‍ന്ന്‌ മേഘക്കെട്ടുപോലെ വേര്‍തിരിയുന്ന പ്രക്രിയ. പ്രകീര്‍ണനം ചെയ്യപ്പെട്ട കണികകളുടെ ചാര്‍ജിനെ ഇലക്‌ട്രാളൈറ്റ്‌ നിര്‍വീര്യമാക്കുന്നതു വഴിയാണ്‌ ഇത്‌ സാധാരണ സംഭവിക്കുന്നത്‌. |
| floppy disk | ഫ്‌ളോപ്പി ഡിസ്‌ക്‌. | കംപ്യൂട്ടറിലെ ഒരു കാന്തിക മെമ്മറി ഉപാധി. ഇപ്പോള്‍ ഉപയോഗത്തിലില്ല. |
| flops | ഫ്‌ളോപ്പുകള്‍. | ഫ്‌ളോട്ടിങ്‌ പോയിന്റ്‌ ഓപ്പറേഷന്‍സ്‌. കംപ്യൂട്ടറിന്റെ വേഗത സൂചിപ്പിക്കുന്ന ഒരു പദം. |
| flora | സസ്യജാലം. | ഒരു പ്രത്യേക ഭൂപ്രദേശത്ത്‌ കാണപ്പെടുന്ന സസ്യജാലം. |
| floral diagram | പുഷ്‌പ പ്രതീകചിത്രം. | പൂവിന്റെ ഘടനയെ കാണിക്കുന്ന രേഖാചിത്രം. ഇതില്‍ പുഷ്‌പമണ്ഡലങ്ങള്‍ സംകേന്ദ്രവൃത്തങ്ങളായി കാണിച്ചിരിക്കും. ചിത്രത്തിന്റെ അടിഭാഗം പൂവിന്റെ അഗ്രഭാഗത്തെ സൂചിപ്പിക്കുന്നു. |
| floral formula | പുഷ്‌പ സൂത്രവാക്യം. | അക്ഷരങ്ങളും അക്കങ്ങളും പ്രതീകങ്ങളും ഉപയോഗിച്ച്‌ പൂക്കളുടെ ഘടന സൂചിപ്പിക്കുന്ന രീതി. തെച്ചിപ്പൂവിന്റെ പുഷ്‌പസൂത്രവാക്യം. |
| floret | പുഷ്‌പകം. | സൂര്യകാന്തിപ്പൂവിലെയും മറ്റും അല്ലി (ചെറിയ പൂവ്‌). |
| florigen | ഫ്‌ളോറിജന്‍. | സസ്യങ്ങളില്‍ പൂക്കളുണ്ടാവുന്നതിനു പ്രാരംഭകമായി വര്‍ത്തിക്കുന്ന ഹോര്‍മോണ്‍. ഇങ്ങനെയൊരു ഹോര്‍മോണ്‍ ഉണ്ടെന്നുള്ളതിന്‌ പല തെളിവുകളുമുണ്ടെങ്കിലും ഇത്‌ വേര്‍തിരിച്ചെടുക്കാന്‍ കഴിഞ്ഞിട്ടില്ല. |
| flouridation | ഫ്‌ളൂറീകരണം. | ദന്തക്ഷയം തടുക്കാനായി കുടിവെള്ളത്തില്‍ ചെറിയതോതില്‍ ഫ്‌ളൂറൈഡ്‌ ലവണങ്ങള്‍ ചേര്‍ക്കുന്ന പ്രക്രിയ. |
| flow chart | ഫ്‌ളോ ചാര്‍ട്ട്‌. | ഒരു പ്രശ്‌നം നിര്‍ധാരണം ചെയ്യുന്നതിന്‌ ആവശ്യമായ വിവിധ ഘട്ടങ്ങള്‍ ക്രമമനുസരിച്ച്‌ ചിത്രീകരിക്കുന്നത്‌. ഓരോ ക്രിയയേയും സൂചിപ്പിക്കുന്ന നിയതമായ പ്രതീകങ്ങള്‍ ഉണ്ട്‌. ദ്വിഘാത സമവാക്യം നിര്‍ദ്ധാരണം ചെയ്യാനുള്ള ഫ്‌ളോ ചാര്‍ട്ട്‌ ചിത്രത്തില്‍. |
| flower | പുഷ്‌പം. | ആവൃതബീജികളുടെ ലൈംഗികാവയവം വഹിക്കുന്ന ഭാഗം. ഇത്‌ രൂപാന്തരീഭവിച്ച കാണ്ഡമാണ്‌. പ്രധാന ഭാഗങ്ങള്‍ ചിത്രത്തില്‍ കാണിച്ചിരിക്കുന്നു. |
| fluid | ദ്രവം. | ഒഴുകുന്ന സ്വഭാവം പ്രദര്‍ശിപ്പിക്കുന്ന പദാര്‍ഥം. ദ്രാവകങ്ങളും വാതകങ്ങളും ദ്രവങ്ങളാണ്‌. |
| fluidization | ഫ്‌ളൂയിഡീകരണം. | വ്യാവസായിക രസത്തില്‍ ഖരകണികകളെ നിലംബന രൂപത്തിലാക്കാന്‍ ഉപയോഗിക്കുന്ന പ്രക്രിയ. |
| fluke | ഫ്‌ളൂക്‌. | ഒരിനം പരന്ന വിര. |
| fluorescence | പ്രതിദീപ്‌തി. | നിശ്ചിത അണുക്കളോ തന്മാത്രകളോ ഊര്‍ജം ആഗിരണം ചെയ്‌ത്‌ പ്രകാശം ഉത്സര്‍ജിക്കുന്ന പ്രതിഭാസം. ആഗിരണത്തിനും ഉത്സര്‍ജനത്തിനും ഇടയിലുള്ള സമയാന്തരാളം വളരെ ചെറുതാണ്‌. |
| fluorocarbons | ഫ്‌ളൂറോകാര്‍ബണുകള്‍. | ഫ്‌ളൂറിന്‍ അടങ്ങിയ കാര്‍ബണിക സംയുക്തങ്ങള്‍. ഉദാ: ടെട്രാ ഫ്‌ളൂറോ എത്തിലിന്‍ [CF2=CF2], ടെട്രാഫ്‌ളൂറോ മീഥേന്‍ [CF4] തുടങ്ങിയവ. ഫ്‌ളൂറിന്‍ വളരെ ക്രിയാശേഷിയുള്ള മൂലകമാണെങ്കിലും ഫ്‌ളൂറോകാര്‍ബണുകള്‍ നിഷ്‌ക്രിയമാണ്‌. ഉയര്‍ന്ന താപരോധവും സ്ഥിരതയും ഉള്ള പദാര്‍ഥങ്ങളുമാണ്‌. സ്‌നേഹകങ്ങളായും എയ്‌റോസോളുകളായും കൃത്രിമ വാല്‍വു നിര്‍മാണത്തിനും മറ്റും ഉപയോഗിക്കുന്നു. |
