Malayalam Science Dictionary with meaning of 6018 science terms in Malayalam.
| English word | Malayalam Word | Meaning |
|---|---|---|
| Eocene epoch | ഇയോസിന്‍ യുഗം. | ടെര്‍ഷ്യറീ മഹായുഗത്തിലെ രണ്ടാമത്തെ യുഗം. 5 കോടി വര്‍ഷങ്ങള്‍ക്കു മുമ്പ്‌ മുതല്‍ 3.7 കോടി വര്‍ഷങ്ങള്‍ക്കു മുമ്പു വരെയുള്ള കാലം. ഇക്കാലത്ത്‌ സസ്‌തനികള്‍ വൈവിധ്യമാര്‍ന്നു. പ്രമേറ്റുകള്‍, കാര്‍ന്നുതിന്നുന്ന ജന്തുക്കള്‍, തിമിംഗലങ്ങള്‍, കടല്‍പശുക്കള്‍ എന്നിവ ഇക്കാലത്തുണ്ടായിരുന്നു. |
| Eoliar | ഏലിയാര്‍. | - |
| eolith | ഇയോലിഥ്‌. | പുരാതന മനുഷ്യന്‍ ഉപയോഗിച്ചിരുന്ന ഏറ്റവും പഴയതായി തിരിച്ചറിയപ്പെട്ട ശിലായുധങ്ങള്‍. ഈ പണിയായുധങ്ങള്‍ ചെത്തി മിനുക്കിയതാകാന്‍ ഇടയില്ലെന്നും പ്രകൃതിദത്തമാണെന്നും അഭിപ്രായമുണ്ട്‌. |
| eolithic period | ഇയോലിഥിക്‌ പിരീഡ്‌. | പുരാതന മനുഷ്യര്‍ ശിലായുധങ്ങള്‍ ഉണ്ടാക്കി ഉപയോഗിച്ച കാലം. |
| eon | ഇയോണ്‍. മഹാകല്‌പം. | ജിയോളജീയ കാലഘട്ടത്തിലെ ദീര്‍ഘകാലത്തെ പ്രതിനിധീകരിക്കുന്നതും നിരവധി കല്‌പങ്ങള്‍ ( era) അടങ്ങിയതുമാണ്‌ ഇയോണ്‍. ഉദാ: ഫാനിറോസോയിക്‌ ഇയോണ്‍ എന്നത്‌ പാലിയോസോയിക്‌, മീസോസോയിക്‌, സീനൊസോയിക്‌ എന്നീ കല്‌പങ്ങള്‍ ചേര്‍ന്നതാണ്‌. |
| eosinophilia | ഈസ്‌നോഫീലിയ. | രക്തത്തില്‍ ഈസ്‌നോഫില്ലുകള്‍ എന്ന വെളുത്ത രക്തകോശങ്ങളുടെ അനുപാതം കൂടിയിരിക്കുന്ന അവസ്ഥ. |
| eozoic | പൂര്‍വപുരാജീവീയം | - |
| epeirogeny | എപിറോജനി. | ഭൂഖണ്ഡരൂപീകരണ ചലനം. ഭൂവല്‍ക്കത്തിന്റെ വലിയ പ്രദേശങ്ങളെ ബാധിക്കുന്ന ചലനങ്ങള്‍. ഭൂരൂപങ്ങള്‍ ഉരുത്തിരിയുന്നത്‌ ഈ പ്രക്രിയ വഴിയാണ്‌. epirogenyഎന്നും എഴുതാം. |
| ephemeris | പഞ്ചാംഗം. | ഗ്രഹങ്ങള്‍, നക്ഷത്രങ്ങള്‍ തുടങ്ങിയ ഖഗോളവസ്‌തുക്കളുടെ സ്ഥാനം കൃത്യമായ ഇടവേളകളോടുകൂടിയ (ദിവസം, മാസം തുടങ്ങിയ) സമയങ്ങളിലേക്ക്‌ കണക്കാക്കി പട്ടികയുടെ രൂപത്തില്‍ അവതരിപ്പിക്കുന്ന ആനുകാലിക പ്രസിദ്ധീകരണം. ജ്യോതിശ്ശാസ്‌ത്രജ്ഞര്‍ക്കാവശ്യമായ പല വിവരങ്ങളും ഇതില്‍ ഉള്‍ക്കൊള്ളിക്കാറുണ്ട്‌. |
| epicalyx | ബാഹ്യപുഷ്‌പവൃതി. | ചിലയിനം പുഷ്‌പങ്ങളില്‍ കാലിക്‌സിനു പുറത്തു കാണുന്ന പുഷ്‌പപത്രകമണ്ഡലം. ഉദാ: ചെമ്പരത്തിപ്പൂവ്‌. |
| epicarp | ഉപരിഫലഭിത്തി. | സപുഷ്‌പി സസ്യങ്ങളുടെ ഫലത്തിന്റെ ഏറ്റവും പുറമേയുള്ള ഭാഗം. Exocarp എന്നും പറയും. |
| epicentre | അഭികേന്ദ്രം. | ഭൂകമ്പത്തിന്റെ പ്രഭവസ്ഥാനത്തിന്‌ നേര്‍ മുകളില്‍ വരുന്ന ഭമോപരിതലത്തിലെ ബിന്ദു. |
| epicotyl | ഉപരിപത്രകം. | സസ്യഭ്രൂണത്തിന്റെ ബീജപത്രങ്ങള്‍ക്കു മുകളിലുള്ള ഭാഗം. ഇതില്‍ നിന്നാണ്‌ കാണ്ഡവ്യൂഹം രൂപപ്പെടുന്നത്‌. |
| epicycle | അധിചക്രം. | സ്ഥിരമായ ഒരു വൃത്തത്തിന്റെ പരിധിയിലൂടെ (അകത്തോ പുറത്തോ) കറങ്ങി നീങ്ങുന്ന ഒരു ചെറിയ വൃത്തം. ഈ ചെറുവൃത്തം കറങ്ങുമ്പോള്‍ അതിന്റെ പരിധിയില്‍ ഉറപ്പിച്ചിരിക്കുന്ന ഒരു വസ്‌തുവിന്റെ പഥമാണ്‌ അധിചക്രജം ( epicycloid). ടോളമിയുടെ പ്രാചീന ജ്യോതിശ്ശാസ്‌ത്രത്തില്‍ ഗ്രഹങ്ങളുടെ പഥങ്ങള്‍ അധിചക്രജങ്ങളാണ്‌. |
| epicycloid | അധിചക്രജം. | സ്ഥിരമായ ഒരു വൃത്തത്തിനു മേല്‍ രണ്ടാമതൊരു വൃത്തം ചേര്‍ന്ന്‌ കറങ്ങി നീങ്ങുമ്പോള്‍, രണ്ടാം വൃത്തത്തിന്മേലുള്ള ഒരു നിശ്ചിത ബിന്ദുവിന്റെ പഥം. |
| epidermis | അധിചര്‍മ്മം | ഉപരിവൃതി. ഒരു സസ്യത്തിന്റെയോ ജന്തുവിന്റെയോ ശരീരത്തിന്റെ ഏറ്റവും പുറമേയുള്ള കോശപാളി. |
| epididymis | എപ്പിഡിഡിമിസ്‌. | ആമ്‌നിയോട്ടിക കശേരുകികളുടെ വൃഷണത്തിനോട്‌ ബന്ധപ്പെട്ട വളഞ്ഞുപുളഞ്ഞുകിടക്കുന്ന ട്യൂബ്‌. ഒരറ്റം വൃഷണത്തിലെ നാളികളില്‍ നിന്ന്‌ പുംബീജങ്ങളെ സ്വീകരിച്ച്‌ ശേഖരിച്ചുവെക്കുന്നു. ഇവിടെ വെച്ചാണ്‌ പുംബീജങ്ങള്‍ പാകമാകുന്നത്‌. മറ്റേയറ്റം വാസ്‌ ഡെഫറന്‍സിനോട്‌ ചേരുന്നു. ഇതുവഴിയാണ്‌ പുംബീജങ്ങള്‍ പുറത്തേക്കു പോകുന്നത്‌. |
| epigel germination | ഭൗമോപരിതല ബീജാങ്കുരണം. | ബീജപത്രങ്ങള്‍ മണ്ണിനു മുകളില്‍ വരികയും ആദ്യത്തെ ഇലകളായിത്തീരുകയും ചെയ്യുന്നതരം ബീജാങ്കുരണം. ഉദാ: പയറിന്റെ ബീജാങ്കുരണം. |
| epigenesis | എപിജനസിസ്‌. | ബാഹ്യപ്രഭാവങ്ങളാല്‍ ശിലയുടെ ഖനിജ ഘടനയില്‍ ഉണ്ടാകുന്ന മാറ്റം. |
| epiglottis | എപ്പിഗ്ലോട്ടിസ്‌. | തരുണാസ്ഥിയാല്‍ നിര്‍മ്മിതമായ, മടക്കാന്‍ പറ്റുന്ന ഇലപോലുള്ള ഒരു ഘടന. ഗ്രസനിയുടെ അധരതലത്തിലാണ്‌ ഇതുള്ളത്‌. ശ്വാസനാളത്തിലേക്ക്‌ ഭക്ഷ്യപദാര്‍ഥങ്ങള്‍ കയറുന്നത്‌ തടയലാണ്‌ ഇതിന്റെ ധര്‍മം. |
