മലയാളി ശാസ്ത്ര ഗവേഷക കൂട്ടായ്മയുടെ സഹകരണത്തോടെ കേരള ശാസ്ത്രസാഹിത്യ പരിഷത്ത് ലൂക്ക സയൻസ് പോർട്ടൽ The Planet Perspectives എന്ന പേരിൽ TALK പരമ്പര ആരംഭിക്കുന്നു. ശാസ്ത്രവിഷയങ്ങളിൽ ഗവേഷണവും പഠനവും നടത്തുന്ന പ്രമുഖ വ്യക്തികളെ പങ്കെടുപ്പിച്ച് എല്ലാ മാസവും ഒരു TALK ഈ പരമ്പരയിൽ സംഘടിപ്പിക്കും.

നിങ്ങൾ തിമിംഗലങ്ങളുടെയും ഡോൾഫിനുകളുടെയും പാട്ട് കേട്ടിട്ടുണ്ടോ ?

The Planet Perspectives പരമ്പരയിൽ ആദ്യത്തേത്ത് മറൈൻ ബയോളജിസ്റ്റായ ഡോ. ദിവ്യ പണിക്കർ നിർവ്വഹിക്കും. 2025 ആഗസ്റ്റ് 9 ശനിയാഴ്ച്ച രാത്രി 7.30 ന് ഗൂഗിൾ മീറ്റിലായിരിക്കും പരിപാടി. തിമിംഗലങ്ങളുടെയും ഡോൾഫിനുകളുടെയും ശബ്ദങ്ങൾ ശ്രവിച്ചുകൊണ്ട് ഡോ. ദിവ്യ നടത്തിയ ഗവേഷണത്തെക്കുറിച്ച് ഈ ടോക്കിൽ സംസാരിക്കും. പങ്കെടുക്കാൻ താത്പര്യമുള്ളവർ രജിസ്റ്റർ ചെയ്യുക. ഗൂഗിൾ മീറ്റ് ലിങ്ക് അയച്ചു തരുന്നതാണ്.

രജിസ്റ്റർ ചെയ്യാം

The personal contact information collected in this registration form is solely for communication purposes related to the program. Your data will not be used for any other commercial purposes, shared with third parties, or utilized beyond the scope of this event. We are committed to protecting your privacy and ensuring the confidentiality of your information.

ഡോ. ദിവ്യ പണിക്കർ

ഡോ. ദിവ്യ പണിക്കർ ഒരു പ്രശസ്ത സമുദ്ര ജീവശാസ്ത്രജ്ഞയാണ്, ലക്ഷദ്വീപ് ദ്വീപുകളിൽ തിമിംഗലങ്ങളെയും ഡോൾഫിനുകളെയും കുറിച്ച് പഠനം നടത്തുന്നു. അവരുടെ ഗവേഷണം, ഡോൾഫിനുകളും തിമിംഗലങ്ങളും വെള്ളത്തിനടിയിൽ സൃഷ്ടിക്കുന്ന ശബ്ദങ്ങൾ ശ്രവിച്ചുകൊണ്ട് അവയുടെ സാന്നിധ്യവും വിവിധ കാലങ്ങളിലെ പെരുമാറ്റരീതികളും മനസ്സിലാക്കാൻ സഹായിക്കുന്നു.

സമുദ്രജീവികളുടെ വൈവിധ്യത്തെയും വിതരണരീതികളെയും കുറിച്ച്, പാസീവ് അക്കൗസ്റ്റിക് മോണിറ്ററിംഗും വിഷ്വൽ സർവേ ടെക്നിക്കുകളും ഉപയോഗിച്ച്, സമുദ്രശാസ്ത്രപരമായ ഘടകങ്ങളുടെ സ്വാധീനം പഠിക്കുന്നതിനായിരുന്നു ഡോ. ദിവ്യയുടെ പിഎച്ച്ഡി പ്രബന്ധം. 2012-ൽ കേരളത്തിൽ ഹമ്പ്ബാക്ക് ഡോൾഫിനുകളെക്കുറിച്ചുള്ള പഠനത്തോടെയാണ് അവർ തന്റെ ഗവേഷണ യാത്ര ആരംഭിച്ചത്. പിന്നീട്, ലക്ഷദ്വീപ് ജലാശയങ്ങളിലെ സമുദ്ര തിമിംഗലങ്ങളെക്കുറിച്ചുള്ള പഠനങ്ങളിൽ അവർ ശ്രദ്ധ കേന്ദ്രീകരിച്ചു.

കുട്ടികൾക്കായി സമുദ്രലോകത്തെ പരിചയപ്പെടുത്തുന്ന Have You Heard a Whale Sing? , Razia Learns to Swim എന്നീ പുസ്തകങ്ങളുടെ രചയിതാവ് കൂടിയാണ് ഡോ. ദിവ്യ. പുസ്തകങ്ങൾ സ്റ്റോറി വ്യൂവറിൽ സൌജന്യമായി വായിക്കാവുന്നതാണ്.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %