• സംസ്ഥാനത്ത് ഏപ്രില്‍ 18 ന് 4 പേര്‍ക്കുകൂടി കോവിഡ്-19 സ്ഥിരീകരിച്ചു. കണ്ണൂര്‍ ജില്ലയില്‍ നിന്നുള്ള 3 പേര്‍ക്കും കോഴിക്കോട് ജില്ലയില്‍ നിന്നുള്ള ഒരാള്‍ക്കുമാണ് രോഗം സ്ഥിരീകരിച്ചത്. ഇതില്‍ 3 പേര്‍ ദുബായില്‍ നിന്നും വന്നതാണ്. ഒരാള്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. കണ്ണൂര്‍ ജില്ലയിലെ 2 പേരും കോഴിക്കോട് ജില്ലയിലെ ഒരാളുമാണ് ദുബായില്‍ നിന്നും വന്നത്. കണ്ണൂര്‍ ജില്ലയിലുള്ള ഒരാള്‍ക്കാണ് സമ്പര്‍ക്കത്തിലൂടെ രോഗം ബാധിച്ചത്
• അതേസമയം 2 പേരാണ് ഇന്ന് രോഗമുക്തി നേടിയത്. കാസര്‍ഗോഡ് ജില്ലയിലെ 2 പേരുടെ പരിശോധനാഫലമാണ് നെഗറ്റീവായത്. 257 പേരാണ് ഇതുവരെ കോവിഡില്‍ നിന്നും രോഗമുക്തി നേടിയത്. ഇതോടെ 140 പേരാണ് നിലവില്‍ സംസ്ഥാനത്തെ വിവിധ ആശുപത്രികളില്‍ ചികിത്സയിലുള്ളത്.
• സംസ്ഥാനത്തെ വിവിധ ജില്ലകളിലായി 67,190 പേര്‍ നിരീക്ഷണത്തിലാണ്. ഇവരില്‍ 66,686 പേര്‍ വീടുകളിലും 504 പേര്‍ ആശുപത്രികളിലും നിരീക്ഷണത്തിലാണ്. 104 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. രോഗലക്ഷണങ്ങളുള്ള 18,774 വ്യക്തികളുടെ സാമ്പിള്‍ പരിശോധനയ്ക്ക് അയച്ചിട്ടുണ്ട്. ഇതില്‍ ലഭ്യമായ 17,763 സാമ്പിളുകളുടെ പരിശോധനാ ഫലം നെഗറ്റിവ് ആണ്.

നമുക്ക് അടുത്തഘട്ടത്തെ നേരിടാന്‍ തയ്യാറെടുക്കേണ്ടതുണ്ട്

• കേരളം രണ്ടു ഘട്ടം കോവിഡ് പ്രതിരോധ പ്രവർത്തനം വിജയകരമായി നേരിട്ടു – ആദ്യം വുഹാനിൽ നിന്നും പിന്നീട് മറ്റു രാജ്യങ്ങളിൽ നിന്നും വൈറസ് ബാധിതർ എത്തിയ സാഹചര്യങ്ങളിൽ. ഒത്തൊരുമയോടെ പ്രവർത്തിച്ചതിൻ്റെ ഫലമായിട്ടാണിത് സാധിച്ചത്.
  അടുത്ത ഘട്ടം ഇതിലേറെ ശ്രമകരമായിരുക്കും. ലോക്ക്ഡൗൺ പിൻവലിച്ചു കഴിഞ്ഞാൽ ലക്ഷക്കണക്കിന് ആളുകളാണ് അന്യ രാജ്യങ്ങളിൽ നിന്നും അന്യ സംസ്ഥാനങ്ങളിൽ നിന്നും ഇവിടെ എത്തിച്ചേരാൻ പോകുന്നത്. ഇവർ വഴി രോഗം പടർന്നു പിടിക്കാതിരിക്കാൻ വലിയ സന്നാഹങ്ങൾ ഒരുക്കേണ്ടതായിട്ടുണ്ട്. കേരളമൊന്നാകെ അതിനുള്ള തയ്യാറെടുപ്പിലാണ്.
• ഇപ്പോൾഈ ഘട്ടത്തിൽ ബാലിശമായ വിവാദങ്ങളും അഭ്യൂഹങ്ങളും നുണകളും പരത്തി ജനങ്ങളുടെയിടയിൽ സംശയം ജനിപ്പിച്ച് മഹത്തായ ഒരു കൂട്ടായ്മയെ തകർക്കുന്നതു കൊണ്ട് നഷ്ടം എല്ലാവർക്കുമാണ്. രാഷ്ട്രീയ വിവാദങ്ങളും കുറ്റവിചാരണകളുമെല്ലാം നമുക്ക് പിന്നീടാകാം. ഈ കോവിഡ് കാലം ഒന്ന് കഴിഞ്ഞോട്ടെ.

ലോക്ക്ഡൗണിന് ഇളവു വരുത്തുമ്പോള്‍

• പുറത്തിറങ്ങുമ്പോൾ മാസ്ക് ധരിക്കണം. രോഗലക്ഷണങ്ങൾ ഉള്ളവർ വൈദ്യസഹായത്തിനല്ലാതെ ഒരു കാരണവശാലും പുറത്തിറങ്ങരുത്.
• വാഹനങ്ങളിലും സൂപ്പർ മാർക്കറ്റുകളിലും ആശുപത്രികളിലും സാമൂഹിക അകലം പാലിക്കാൻ പ്രത്യേകം ശ്രദ്ധിക്കണം
• അടഞ്ഞ എസി തീയറ്ററുകൾ, ഷോപ്പിങ്ങ് മാളുകൾ, റസ്റ്റോറന്റകൾ, ബാറുകൾ, കേന്ദ്രീകൃത എ.സിയിൽ പ്രവർത്തിക്കുന്ന ഹോട്ടൽ മുറികൾ എന്നിവ രോഗം കെട്ടടങ്ങും വരെ തുറക്കാതിരിക്കുകയോ വായു സഞ്ചാരം ഉറപ്പു വരുത്തും വിധം പ്രവർത്തിക്കുകയോ ചെയ്യുക. എ.സി വാഹനങ്ങൾ ജനലിന്റെ ഷട്ടർ തുറന്ന് മാത്രം ഉപയോഗിക്കുക. വിമാനങ്ങളിൽ സഞ്ചരിക്കുമ്പോൾ വൈറസ് വാഹകർ ഇല്ലെന്ന് പരമാവധി ഉറപ്പു വരുത്തുക. സഞ്ചാരികൾ വായു ഫിൽട്ടർ ചെയ്യാൻ കഴിവുള്ള 3 ലയർ മാസ്കുകൾ ഉപയോഗിക്കുക (തുണി മാസ്ക് പോരാ). ബോർഡിങ്ങ് പാസ്സിനോടൊപ്പം ഇതു നൽകുക.
• ജനങ്ങൾ കൂടുതലുള്ള എല്ലായിടങ്ങളിലും വായുസഞ്ചാരം (ventilation) ഉറപ്പു വരുത്തുക. ളരെ കൂടുതൽ ജനങ്ങൾ ഒത്തു കൂടുന്നത് കര്‍ശനമായി നിയന്ത്രിക്കുക. ആരാധനാലയങ്ങൾ, ഉത്സവങ്ങൾ, നാടകം /പാട്ടു കച്ചേരികൾ എന്നിവയ്ക്കൊക്കെ ഇത് ബാധകമാക്കണം.
• ഇടയ്ക്ക്  പുറത്തു പോകേണ്ടി വരുന്നവർ വീട്ടിലെ വയോജനങ്ങളുമായും കുട്ടികളുമായും ഗർഭിണികളുമായും ഇടപഴകുന്നത് പരമാവധി കുറയ്ക്കണം. തിരിച്ചെത്തിയാലുടൻ കൈകൾ സോപ്പിട്ട് കഴുകണം.
• പൊതുജനങ്ങൾക്ക് ഇളവുകൾ അനുവദിക്കുമ്പോൾ ജോലിഭാരം ഇരട്ടിയാകാൻ പോകുന്നത് നമ്മുടെ പോലീസുകാർക്കാണ്. അവരുടെ നിർദ്ദേശങ്ങൾ കൃത്യമായി പാലിക്കുക. സാധിക്കുമെങ്കിൽ അവർക്ക് വേണ്ട സഹായങ്ങൾ ചെയ്തു കൊടുക്കാനും ശ്രദ്ധിക്കുക.
•  ഓർക്കണം, ഈ ഇളവുകളിൽ നമ്മൾ എത്രത്തോളം ജാഗ്രതയോടെ ഇരിക്കുന്നു എന്നതനുസരിച്ചായിരിക്കും, നമ്മുടെ ഭാവിയും നിർണയിക്കപ്പെടുന്നത്..

പുതിയ പി.സി.ആര്‍ ലാബുകള്‍