നമുക്കു വേമ്പനാട് കായലിൽ ഒരു വാട്ടർ കളറിംഗ് മത്സരം നടത്തിയാലോ ?

Read Time:2 Minute

നമുക്കു ഒരുമിച്ചു വേമ്പനാട് കായലിനു നിറം നൽകികൊണ്ട് കായലിന്റെ ആരോഗ്യത്തെ പറ്റി പഠനം നടത്താം. 2024 ഡിസംബർ 14ന് IIT പാലക്കാട് വെച്ചുനടന്ന കേരള സയൻസ് സ്ലാമിൽ ആൻസി സി. സ്റ്റോയ് (ICAR – Central Marine Fisheries Reseach Institiute, Ernakulam) – നടത്തിയ അവതരണം

അവതരണം കാണാം

നിങ്ങൾ വേമ്പനാട് കായൽ കണ്ടിട്ടുണ്ടോ? കായലിലെ പ്രശസ്തമായ ഹൗസ് ബോട്ട് സവാരി ചെയ്തിട്ടുണ്ടോ? കായലിന്റെ മനോഹാരിത ആസ്വദിക്കുന്നതിനോടൊപ്പം കായൽ ജലത്തെ സൂഷ്മമായി ഒന്ന് നീരീക്ഷിച്ചിട്ടുണ്ടോ? ഒന്ന് ശ്രമിച്ചു നോക്കു…ഓന്തിനെ പോലെ നിറം മാറി ഒഴുകുന്ന കായലിനെ നിങ്ങൾക്ക് കാണാൻ ആകും. ഏകദേശം 1.5 ദശലക്ഷം ആളുകൾ ഉപജീവനത്തിനായി ആശ്രയിക്കുന്ന ഈ കായൽ ഇന്ന് കനത്ത മലിനീകരണം നേരിട്ടുകൊണ്ടിരിക്കുകയാണ്. ഇത് കായലിന്റെ മത്സ്യ സമ്പത്തിനെ ദോഷകരമായി ബാധിക്കുന്നു. ഇതിനു ഒരു ശാശ്വതമായ ഒരു പരിഹാരം കാണാൻ ഞാൻ ആഗ്രഹിക്കുന്നു. Mini Secchi Disk , TURBAQUA മൊബൈൽ ആപ്ലിക്കേഷൻ, റിമോട്ട് സെൻസിംഗ് എന്നീ ത്രിമാന മാർഗങ്ങളിലൂടെ കായൽ ജലത്തിന്റെ തെളിമയെയും നിറത്തെയും പറ്റി ഞാൻ പഠിക്കുന്നു . എനിക്ക് കൂട്ടായി നിങ്ങളെ പോലെ സാമൂഹിക പ്രതിബദ്ധത ഉള്ള ഒരു സംഘം പൗരശാസ്ത്രജ്ഞമാരുണ്ട്. വരൂ…നമുക്കു ഒരുമിച്ചു വേമ്പനാട് കായലിനു നിറം നൽകികൊണ്ട് കായലിന്റെ ആരോഗ്യത്തെ പറ്റി പഠനം നടത്താം.

KERALA SCIENCE SLAM FINAL – DEC 14 – IIT PALAKKAD

ആൻസി സി. സ്റ്റോയ്

ICAR – Central Marine Fisheries Reseach Institiute, Ernakulam
ഇന്ത്യൻ കൗൺസിൽ ഓഫ് അഗ്രിക്കൾചറൽ റിസർച്ച് – സെൻട്രൽ മറൈൻ ഫിഷറീസ് റിസർച്ച് ഇൻസ്റ്റിറ്റ്യൂട്ട് (ICAR-CMFRI), കൊച്ചിയിലെ ഗവേഷണവിദ്യാർഥിനി. കൊച്ചിയിലെ കേരള യൂണിവേഴ്സിറ്റി ഓഫ് ഫിഷറീസ് ആൻഡ് ഓഷ്യൻ സ്റ്റഡീസിൽ (KUFOS) നിന്നും ഒന്നാം റാങ്കോടെ പരിസ്ഥിതിശാസ്ത്രത്തിൽ ബിരുദാനന്തരബിരുദം നേടുകയുണ്ടായി. ഡിപ്പാർട്മെന്റ് ഓഫ് സയൻസ് ആൻഡ് ടെക്നോളജിയുടെ ഇൻസ്പയർ (DST-INSPIRE) ഫെല്ലോഷിപ്പോടെ ഗവേഷണം തുടർന്നുകൊണ്ടിരിക്കുന്നു.

Kerala Science Slam Webpage