• ഇന്ത്യയിൽ കൊവിഡ് ഏറ്റവും അധികം ബാധിച്ച പ്രദേശമാണ് മുംബൈ. ഇറ്റലിയിലെ പോലെയോ അമേരിക്കയിലെ പോലെയോ ആയി ഈ നഗരവും. ഇവിടെ കൊവിഡ് കേസുകൾ കൂടുന്നതും അതുകാരണമുള്ള മരണങ്ങളും മാത്രമാണ് വാർത്തകളിലൂടെ നമ്മൾ കേൾക്കുന്നത്.
• പത്തിലധികം കോവിഡ് കേസുകള്‍ റിപ്പോര്‍ട്ട് ചെയ്ത മഹാരാഷ്ട്രയിലെ ജില്ലകള്‍. മുംബൈയാണ് ഇന്ത്യയിൽ ഏറ്റവുമധികം കൊവിഡ് രോഗികളുള്ള ജില്ല.
• മുംബൈ ഇപ്പോൾ അഭിമുഖീകരിക്കുന്ന ഏറ്റവും വലിയ പ്രശ്നങ്ങളിലൊന്ന് കൊവിഡ് അല്ലാത്ത രോഗികൾക്കും വേണ്ട ചികിത്സ കൊടുക്കാൻ പറ്റാത്ത അവസ്ഥ ഉണ്ടെന്നുള്ളതാണ്. ചില പകർച്ചവ്യാധികൾ കുറഞ്ഞിട്ടുണ്ടെങ്കിലും ബാക്കിയുള്ള രോഗങ്ങളെല്ലാം നേരത്തെപോലെ തന്നെ ഉണ്ടല്ലോ. ഗുരുതരമായ ഒരുപാട് രോഗികൾക്ക് ആംബുലൻസ് കിട്ടാത്ത അവസ്ഥ ഉണ്ട്. ആശുപത്രിയിൽ അഡ്മിറ്റ് ചെയ്യാൻ പറ്റാത്ത സ്ഥിതിഗതികൾ ഉണ്ട്. അഡ്മിറ്റ് ചെയ്താലും ഐസിയു ബെഡോ വെൻറിലേറ്ററോ കിട്ടാത്ത അവസ്ഥയുണ്ട്. ഇക്കാരണങ്ങൾ കൊണ്ടു മാത്രം ധാരാളം രോഗികൾ മരിക്കുന്നുണ്ടവിടെ.
• മാത്രമല്ല, ഒരു കൊവിഡ് രോഗിക്ക് വെൻറിലേറ്റർ ആവശ്യമായി വന്നു കഴിഞ്ഞാൽ, മിക്കപ്പോഴും ഒന്നു മുതൽ രണ്ടാഴ്ച വരെ അയാളതിൻ്റെ സഹായത്തോടെ ആയിരിക്കും ജീവിക്കുന്നത് എന്നാണ് പലയിടങ്ങളിൽ നിന്നുമുള്ള റിപ്പോർട്ടുകൾ. എന്നുവച്ചാൽ അത്രയും നാൾ ഒരു വെൻ്റിലേറ്റർ ഒരു വ്യക്തിക്കു വേണ്ടി മാത്രം ഉപയോഗിക്കേണ്ടിവരുന്നു എന്ന്. ഇതുമൂലം ഗുരുതരമായ രോഗികളുടെ എണ്ണം അൽപമൊന്ന് കൂടുമ്പോൾ പോലും വെൻറിലേറ്ററുകളുടെ ദൗർലഭ്യം അതീവ ഗുരുതരമാകാൻ കാരണമാകും. ഈ സമയം മറ്റെന്തെങ്കിലും രോഗങ്ങൾ വന്ന് വെൻറിലേറ്റർ സഹായം ആവശ്യമായി വരുന്നത് ചിലപ്പോൾ യുവാക്കൾക്കോ കുട്ടികൾക്കൊ ഒക്കെ ആയിരിക്കാം.
• ധാരാളം കൊവിഡ് രോഗികൾ വന്നുകഴിഞ്ഞാൽ ഏതൊരു പ്രദേശത്തിൻ്റെയും അവസ്ഥ ഇതുതന്നെയാണ്. ഈ അവസ്ഥ ഉണ്ടാകാതിരിക്കാനാണ് പരമാവധി ഈ രോഗത്തെ പ്രതിരോധിച്ചു നിർത്തിയേ പറ്റൂ എന്ന് വീണ്ടും വീണ്ടും പറയുന്നത്. കാരണം കൊവിഡ് കാരണമായിരിക്കില്ല കൂടുതൽ മരണങ്ങൾ സംഭവിക്കാൻ സാധ്യത. കൃത്യസമയത്ത് ചികിത്സ കിട്ടിയാൽ ജീവൻ രക്ഷിക്കാൻ പറ്റുമായിരുന്ന മറ്റ് രോഗങ്ങൾ കാരണം ഏതു പ്രായക്കാരും അപകടത്തിലാകുന്ന ഒരു അവസ്ഥ ഉണ്ടാവാം.

ഭേദമായതിന്റെയും മരണപ്പെട്ടതിന്റെയും നിരക്കുകൾ

• കൊവിഡ് ഭേദമായതിന്റെയും കൊവിഡ് മരണങ്ങളുടെയും കണക്കുകൾ, സംസ്ഥാനങ്ങളിലെ ആരോഗ്യരക്ഷാസംവിധാനങ്ങളുടെ കാര്യക്ഷമതയുടെ സൂചകങ്ങളാണെന്നു പറഞ്ഞാൽ, ശരില്ലെന്നു വരാം. എന്നാൽ, ഇവ തമ്മിൽ ബന്ധമുണ്ടെന്നതിൽ തർക്കമില്ല.  ഇന്ത്യയിൽ, കൂടുതൽ കൊവിഡ് റിപ്പോർട്ട് ചെയ്യപ്പെട്ട പത്തു സംസ്ഥാനങ്ങളിലെ രോഗം ഭേദമായതിന്റെയും മരണപ്പെട്ടതിന്റെയും നിരക്കുകൾ ചാർട്ട് ചെയ്തിരിക്കുന്നത് കാണുക.

  

• ശ്രീചിത്ര തിരുനാള്‍ ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സസ് & ടെക്‌നോളജി കൊവിഡ്-19 രോഗനിര്‍ണയം വളരെ വേഗത്തില്‍ കണ്ടെത്തുന്നതിനുള്ള ടെസ്റ്റ് കിറ്റ് (ചിത്ര ജീന്‍ലാംപ്) വികസിപ്പിച്ചെടുത്തു. ആര്‍ടി-ലാംപ് സാങ്കേതികവിദ്യയുടെ സഹായത്തോടെ സാര്‍സ് കോവ്-2-ലെ എന്‍ ജീനിനെ കണ്ടെത്തുന്ന ലോകത്തിലെ ആദ്യ ടെസ്റ്റ് കിറ്റുകളില്‍ ഒന്നെന്ന സവിശേഷതയും ഇതിനുണ്ട്. (വിശദമായി വായിക്കാം)